Az ə rbaycanda Pe şə

Ətəkliyin yuxarı kəsiyinin kəmərlə hazırlanması. Kəməri hazırlamaq üçün yapışqanlı ara 
qatından istifadə edirlər. Bunun eni kəmərin eninə bərabər olur. Əvvəlcə yapışqanlı ara qatını kəmərin 
tərs tərəfinə ütü ilə yapışdırırlar. Sonra kəmərin üst tərəfi içəri olmaqla uzununa iki qat qatlayırlar. 
Kəmərin yan kəsiyini 0,5-0,7 sm enində maşın tikişi ilə birləşdirirlər. Künclərdə tikişin artığını kəsib 
kəməri üst tərəfə çevirir və ütüləyirlər. Sonra hazır kəmərin üzərində tabaşirlə yan tikiş xətlərini, klin, 
qarsaq və lazımi xətləri işarə edirlər. Kəmər ətəkliyin yuxarı kəsiyinin tərs tərəfində yerləşdirilir, 
kəsiklərin kənarlarını bərabərləşdirir və kəməri ətəkliyə eyni zamanda asqıları qoymaqla kökləyirlər. 
Sonra 0,5-0,7 sm enində maşın tikişi ilə tikib tikişin sonunda bənd vururlar, tikişi ütüləyirlər. Bağlama 
üçün düymə və ilgək tikirlər. Bundan sonra, kəməri üst, alt və yan tərəflərdən kənardan 0,1-0,2 sm 
məsafədə bəzək tikişi ilə maşınla tikirlər. Bəzək tikişlərini ipək sapla aparmaq lazımdır. Ətəklik üçün 
asqıları aşağıdakı qaydada hazırlayırlar. Astarlıq materialdan asqı üçün parça zolağı biçirlər. Həmin parça 
zolağının tərəflərini 0,5 sm enində içəriyə qatlayıb ütüləyirlər. Sonra parça zolağını tərs üzü içəri olmaq 
şərti ilə iki qatlayır və 0,2 sm enində tikişlə birləşdirirlər. Asqının hazır halda eni 0,5 sm, uzunluğu isə 7-
8 sm olmalıdır. Asqı üçün tesmalardan da istifadə etmək olar (şəkil 4.3. ə). 

---

52 
Şəkil 4.3 Ətəkliyin yuxarı və aşağı kəsiyinin hazırlanması 

Ətəkliyin aşağı kəsiyinin hazırlanması. Ətəklikdə aşağı kəsiyin qatlanma payını 
müəyyənləşdirmək üçün onun qabaq və arxa hissələri ortadan qatlanır, yan tikişləri, yığmaları 
bərabərləşdirilir, stolun üstünə sərilir. Aşağının qatlanma payı və kəsilmə xətti qeyd edilir. Ətəkliyin 
aşağısı (Şəkil 4.3 a) qeyd edilmiş xətdən qatlanır və ondan 2 sm aralı, klyoş ətəkliklərin aşağısı isə iki 
cərgə ilə xüsusi maşında köklənir. Bu halda birinci kök qatlanmış yerdən 1 sm, ikinci isə kəsikdən 1 sm 
aralı salınır. Ətəkliyin aşağısı qatlanıb kökləndikdən sonra kəsik tərəfi yenidən içəri qatlanıb, gizli tikişlə 
xüsusi maşında basdırılır (Şəkil 4.3 b). Ətəklik sapı asan sökülən yun parçadan tikildikdə onun aşağı kəsiyi 
ya xüsusi maşında ilməklənir, ya da astarlıq parçadan köbə ilə və ya lentlə universal maşında işlənir (şəkil 
4.3 c, ç). Ətəklik qalın yun parçadan tikildikdə aşağının qatlanma payını yapışqan plyonka ilə yapışdırmaq 
mümkündür (şəkil 4.3 d). Ətəklik pambıq parçadan tikiləndə aşağının qatlanma payının kəsiyi içəri 
qatlanıb köklənmədən xüsusi və ya universal maşında basdırılır (Şəkil 4.3 e). Ətəkliyin aşağısı ütü ilə 
ütülənir. 
