Az eBook Archive
Aşkar Olmayana Giriş Kanalları
Yüklə 1,57 Mb. Pdf görüntüsü
|
|
Aşkar Olmayana Giriş Kanalları
B ədənə Dərinləməsinə Dalmaq Mən öz bədənimdə, xüsusilə də, əllərimdə və ayaqlarımda enerji hiss edirəm, ancaq mənə elə gəlir ki, sizin dediyiniz kimi, daha dərinə dala bilmərəm. Bunu meditasiyaya çevir. O, uzun sürməyəcək. On- on beş dəqiqə kifayət edəcək. Əvvəlcə yanında telefon və ya insanların sənə mane olmayacağı bir yerə çəkil. Sonra arxaya söykənmədən stulda otur və qamətini dik saxla. Bu sənə diqqətini cəmləməyə kömək edəcək. Ya da medi- tasiya üçün başqa, öz xoşladığın duruş tərzini al. Bədəninin sərbəstliyinə əmin ol. Gözlərini yum. Bir neçə dəfə dərindən nəfəs al. Həmişəki kimi, qarnının aşa- ğı hissəsiylə nəfəs aldığını hiss et. Hər dəfə nəfəs aldıqda və verdikdə qarnının bir qədər şişdiyini və boşaldığını müşahidə et. Sonra bədəninin bütün daxili enerji sahəsini tam olaraq dərk və hiss etməyə çalış. Sən bunu edərək şü- urunu idrakdan geri qaytarırsan. Əgər faydalı hesab et- sən, yuxarıda təsvir etdiyim “işıq” təsəvvürünü də tətbiq edə bilərsən. 173 Bədəninin daxili sahəsini vahid enerji sahəsi kimi ay- dın hiss edə bildikdə, mümkünsə, hər cür vizual təsviri burax və diqqətini müstəsna olaraq bu duyğu üzərində cəmlə. Fiziki bədən haqqındakı ağlın təsəvvürlərini də kənara at. Yerdə qalan hər şey mövcudluğun və ya “var olmanın” hər şeyi əhatə edən, böyük duyğusu olacaq, da- xili bədən isə hüdudsuz hiss olunacaq. Bundan sonra diq- qətini bu duyğuya daha dərin şəkildə cəmlə. Onunla bü- tövləş. Bu enerji sahəsi ilə elə bötüvləş ki, bir daha müşa- hidəçi və müşahidə olunan ikiliyini hiss etməyəsən, yəni sən və bədənin arasında ayrılıq qalmasın. Bu halda xaric ilə daxil arasındakı fərq aradan qalxır və beləcə, səndən ayrı daxili bədən qalmır. Bədəninin dərinliyinə endikcə, sən onun hüdudlarından kənara çıxacaqsan. Bu saf Varlıq aləmində rahat olduğunuz, istədiyiniz qədər qalın. Sonra öz fiziki bədənini, nəfəsini, duyğuları- nı yenidən dərk et və gözlərini aç. Bir neçə saniyə ərzin- də ətrafındakı hər şeyə dalğın nəzərlərlə bax və heç bir zehni yarlıklar yaratmadan, daxili bədənini duymağı davam et. & Bu formasız reallığa çıxış əsl azadlıq bəxş edir. O səni bədənə bağlılıqdan və özünü bədəninlə eyniləşdirmək- dən xilas edir. Bu elə bölünməz, yəni hissələrə ayrılmaz- dan əvvəlki həyatdır. Biz onu Aşkar olunmamış, hər şe- 174 yin görünməyən mənbəyi, bütün varlıqların içərisində olan Həyat adlandıra bilərik. O, dərin sakitlik və dinclik aləmidir, sevinc dünyasıdır, həyatın doyumluluğudur. Mövcud olanda sən bu Mənbədən şüalanan işıq üçün, saf şüur üçün daha “açıq” olursan. İşığın nəinki səndən ayrı olmadığını, hətta sənin mahiyyətin olduğunu dərk edirsən. “Çi”nin Mənbəyi Aşkar olunmayan, Şərqdə Çİ adalandırılan yəni kainatdakı həyat enerjisinin hər hansı növüdür? Yox. Aşkar olunmayan “Çi”nin mənbəyidir. Çi sənin bədəninin daxili enerji sahəsidir. Bu zahirinlə mənbə arasındakı körpüdür. O haradasa aşkar olunmuş for- malar dünyası ilə Aşkar olunmamış arasında olur. “Çi”in çay və ya enerji axını kimi təsəvvür edə bilərsən. Əgər şüurunu daxili bədəninin daha dərinliyinə keçirə bilsən, bu çayın axınına əks istiqamətdə – mənbəyə doğru izlə- mək imkanı əldə edərsən. "Çi" hərəkətdir. Aşkar olunma- yan sakitlikdir. Sən mütləq dincliyə çatanda (buna bax- mayaraq, bu dinclik yenə də həyatla rezonansdadır), da- xili bədənin hüdudlarından kənara çıxdığın kimi, “Çi”nin də hüdudlarını aşırsan və mənbəyin özünə – Aşkar olun- 175 mayana yaxınlaşırsan. Çi Aşkar olunmayanla fiziki kainat arasındakı əlaqədir. Ona görə də, diqqətini daxili bədəninin dərinliyinə yönəltsən, bu nöqtəyə, özünəməxsus sinqulyarlığa (təkli- yə) çata bilər, burada dünya çi enerjisi axını formasını alır, sonra dolğun dünyaya çevrilir, Aşkar olunmamışda əriyir. Bu doğum və ölüm nöqtəsidir. Sənin şüurun kəna- ra yönələndə mənbəyini tərk edərək, zehin və dünyanı yaradır. Daxilə yönələndə isə mənbəyinə yuvasına aşkar olunmayana qayıdır. Sonra isə şüur Aşkar olan dünyaya geri qayıdanda, sən müvəqqəti olaraq kənara atdığın forma kimliyinə bürünərsən. Bu zaman sənin yenidən adın, keçmişin, həyat şəraitin, gələcəyin olur. Hər şey əvvəl olduğu kimi. Amma, əslində keçmişdə olduğun adam deyilsən: Sən "bu dünyaya aid olmayan" (əslində səndən ayrı olmadığı kimi, bu dünyadan da ayrı olmayan) reallığı qısa bir müddət üçün də olsa görmür- sən. İndisə qoy mənəvi təcrübən belə olsun. Həyatla addımlayarkən diqqətinin bütün yüz faizini ətraf dünya- ya yönəltmədiyin kimi, idrakına da ayırma. Bir qədərini içində saxla. Artıq bu haqda danışmışam. Gündəlik işlə- rinlə məşğul olduqda belə, daxili bədənini hiss et, xü- susilə də, insanlarla və ya təbiətdə ünsiyyətdə olarkən. Onun dərin daxili dincliyini hiss et. Qapını açıq saxla. Bütün həyatın boyu Aşkar olunmayanı dərk etmək müm- kün bir şeydir. Bunu hansısa mənbələrindən qaynaqlanan dərin rahatlıq, səni heç vaxt tərk etməyən sakitlik kimi hiss edərsən, həm də nə baş verməsindən asılı olmayaraq. 176 Sən Aşkar olunmayanla Aşkar olunan, Tanrı ilə dolğun dünya arasında körpü olursan. Bu bizim aydınlanma dediyimiz mənbəylə əlaqə yaratmaq halımızdır. Bu sözlərdən Aşkar olunmayanın Aşkar olunandan ayrı-ayrılıqda mövcud olması qənaətinə gəlmə. Bu necə ola bilər ki? Bu elə hər bir formanın içində olan həyatın özü, mövcud olan hər şeyin daxili mahiyyətidir. O bu dünyanın mayasındadır. İcazə ver, bunu izah edim. Röyasız Yuxu Hər gecə röya görmədən yatdığın müddətdə Aşkar olunmayana səyahət edirsən. Mənbəyə qovuşursan. On- dan, geri Aşkar olan dünyaya, ayrı-ayrı formalar aləminə qayıtdıqda bir müddət sənə güc verəcək olan həyat ener- jisini alırsan. Bu enerji yeməkdən daha güclü qidadır: “İnsan təkcə çörəklə yaşamır”. Lakin röyasız yuxu duru- munda sən ona şüursuz olaraq girirsən. Bədən funksiyala- rın fəaliyyətinə davam etsə də, “sən” artıq o hal duru- munda olmursan. Tam şüurlu halda ola-ola röya görmə- dən yatmağın nəyə bənzəyə biləcəyini təsəvvür edə bilir- sənmi? Bunu təsəvvür etmək mümkün deyil, çunki, bu hal heç bir məzmuna sahib deyil. Aşkar olmayan sən ona şüurlu şəkildə daxil olma- yana qədər səni azad edə bilməz. Elə buna görə də, İsa “Həqiqət səni azad edəcək” yox, “Sən həqiqəti dərk edə- cəksən və həqiqət səni azad edəcək” demişdi. Bu konsep- 177 tual həqiqət deyil. Bu bütün formalardan kənarda olan əbədi həyat həqiqətdir, o ya birbaşa dərk olunur, ya da heç dərk olunmur. Ancaq röya görmədən yatarkən şüur- lu qalmağa çalışma. Buna çətin nail ola bilərsən. Edə bilə- cəyin ən böyük şey röya görmə mərhələsində (zamanı) şüurlu qalmaqdır, ondan çox yox. Buna şüurlu olaraq rö- yagörmə deyilir. O, maraqlı və cəzbedici ola bilər, ancaq heç cür azadedici deyil. Ona görə də, öz daxili bədənindən Aşkar olunmaya- na daxil olduğun kanal kimi istifadə et və mənbə ilə daim əlaqəli qalmaq üçün bu kanalı açıq saxla. Daxili bədənə gəldikdə isə, fiziki bədəninin necə olmasının onun üçün zərrə qədər fərqi yoxdur: qoca, ya cavan, zəif və ya möhkəm. Daxili bədən zamana bağlı deyildir, o əbədidir. Əgər onu hələ də hiss edə bilmirsənsə, başqa kanalların birindən istifadə et, nəticə etibarilə onların hamısı eyni kanaldır. Onlardan bəziləri haqda artıq danışmışam, an- caq qısa şəkildə yenə xatırladacağam. Dig ər Kanallar İndi ana əsas kanal sayıla bilər. O, daxili bədən də daxil olmaqla istənilən digər kanalın mahiyyətini təşkil edir. İndiki anda yüksək dərəcədə mövcud olmadan öz bədənində də ola bilməzsən. 178 Zaman və Aşkar olan, eyni zamanda, Mövcud an və Aşkar olmayan bir-biriləri ilə son dərəcə ayrılmaz bir şəkildə bağlıdırlar. Sən indiki anı dərindən dərk etməklə psixoloji zamanı aradan qaldırarkən, Aşkar olunmayanı həm birbaşa, həm də dolayısı ilə dərk etməyə başlayırsan. Sən onu şüalanma və şüurlu mövcudluğunun gücü kimi hiss etdikdə bu birbaşa olur: heç bir məzmunu yoxdur, sadə mövcudluqdur. Aşkar olmayanın hissi reallıqdan keçdiyini və hər şeydə mövcud olduğunu dərk edəndə isə, dolayı yolla olur. Başqa sözlə, sən ilahi qığılcımı hər şeydə, hər bir çiçəkdə, bir daşda görür və var olan hər şeyin müqəddəs olduğunu anlayırsan. Ona görə də, İsa bütövlükdə öz mahiyyətindən çıxış edərək, yaxud özünü Məsihlə eyniləşdirərək Fomanın İncilində deyir: “Odunu yaranda məni onun içində, daşı qaldıranda məni onun altında görəcəksən”. Aşkar olmayana digər bir kanal da düşüncə prosesini dayandırmaqla yaranır. Bunu çox sadə bir şeydən başla- maq olar, məsələn, şüurlu nəfəs almaqla, yaxud yüksək dərəcədə ayıq-sayıq olarkən bir gülə baxmaqla ancaq bu zaman başında heç bir fikir, şərh olmamaldır. Fasiləsiz fi- kir axınını pozmağın bir çox üsulları var. Bütün meditasi- yalar məhz buna istiqamətlənib. Düşüncə aşkar olan real- lığın bir hissəsidir. İdrakının daimi aktivliyi səni formalar dünyasının əsiri edir və Aşkar olmayanı, yaradılışlardakı formasız və zamanxarici İlahi mahiyyəti dərk etməyində 179 mane olan duman təbəqəsi rolunu oynayır. Dərin mövcudluq halında olanda sənin, şübhəsiz, düşüncə axı- nını dayandırmağa ehtiyacın olmur, ona görə ki, bu za- man ağıl avtomatik olaraq dayanır. İndiki anın istənilən digər kanalın başlıca və əhəmiyyətli tərəfi olduğunu buna görə deyirəm. Təslimiyyət, tabe olmaq da var olana zehni-emosio- nal müqaviməti kənara qoymaqdır ki, bu da Aşkar olma- yana açılan bir qapıdır. Səbəb sadədir: daxili müqavimət səni başqa insanlardan, öz-özündən, ətraf dünyadan ayı- rır. O, eqonun yaşaması üçün zəruri olan bölünmə hissini gücləndirir. Bölünmə hissi nə qədər güclüdürsə, aşkar olana, ayrılmış formalar aləminə bağlılığın da bir o qədər güclü olur. Formalar dünyasına nə qədər çox bağlısansa, forma kimliyin də bir o qədər bərk, sərt və keçilməz olur. Bu halda kanal bağlanır və sən daxili ölçündən, dərinlik ölçüsündən ayrı düşürsən. Sən güzəştə gedəndə, forma kimliyin yumşalır, sanki işıqlanır, “şəffaf” olur. Ona görə də, Aşkar olunmayan içindən parlaya biləcəyi şəkildə keçə bilir. Aşkar olunmayana şüurlu daxil olmaq imkanı verən kanalı açmaq özündən asılıdır. Daxili bədəninin enerji sa- həsi ilə təmasa gir, yüksək dərəcədə mövcud ol, idrakınla eyniləşmə, var olana təslim ol; bütün bunlar sənin istifadə edə biləcəyin kanallardır, ancaq biri də bəs edər. |