Antiklinoriumlar- meqantiklinoriumun və meqa-sinklinoriumun bir quruluşda inkişaf edən elementi olub, yüz (uzunluğu) və on (eni) kilometrlərlə olan iri geostruktur elementlərdir.
Sinklinoriumlar- sinklinal quruluşda inkişaf edən, meqasinklinorium və meqaantiklinoriumların tərkib hissəsi olan iri geostruktur elementlərdir. Sinklinoriumlar keçid zonalarda dağqarşısı (ön) çökəklik adlanır.
Yuxanda qeyd etdiyimiz kimi, geostruktur elementlərdən əlavə qırışıqlı və keçid ərazilərdə kənar tikiş zonalan, dərin qırılmalar ətrafı zonalar, meqantiklinallar (antiklinal zonalar), meqasinklinallar, rif zonaları və s. ayrılır.
Yuxanda haqqında danışdığımız geostruktur elementlər ayrı-ayrı litoloji-stratiqrafik vahidlərdə və ya regional neftli- qazlı komplekslərdə neftlilik-qazlilığın mümkünlüyü həmin geostruktur elementlərin hansı geotektonik istiqamətdə inkişafından və rejimindən çox asılıdır. Ona görə də ayrılan geostruktur elementlərin təkcə müasir (statik) vəziyyətini deyil, onların geotektonik (geodinamik) inkişaf tarixini də bilmək vacibdir.
Dostları ilə paylaş: |
