Müzəffər Hüseyn Mirzənin əmri ilə Həmzə bəyin qətl olunması:
Qarşı tərəfdən də adamlar gəldilər və mirzə və Həmzə bəy
arasında yenidən əhd-peyman bağlandı. Bir neçə qızılbaş ağsaqqalı
mirzəni gətirməkdən ötrü Qəndəhardan Sistana gedərək, o cənabın
razılığını aldı. Məlik Mahmud isə Sistanın üç min döyüşçüsünə bir
dəstə qohumunu da əlavə edib mirzəni Qəndəhara yolladı. Həmzə
bəyin məsləhətindən çıxa bilməyən Rüstəm Mirzə böyük qardaşının
və ağsaqqalların məsləhətini nəzərə aldı və təzədən Zəmindavərə
tərəf getdi. Cənab Müzəffər Hüseyn Mirzə isə Qəndəhara çatdı,
Sistan camaatı geri qayıtmaqdan ötrü ondan rüxsət aldı. Mirzənin
813
Qəndəharda qalmağından altı ay keçdi və o, Həmzə bəyin
iqtidarından və özünün müstəqilliyinin olmamasından təngə gəldi,
Mahmud bəy Bayata Həmzə bəyin əvəzinə vəkalət və canişinlik
təklif etdi, onu Həmzə bəyin qətli üçün rəğbətləndirdi. Məhəmməd
bəy də cənab Mirzənin əmri ilə Həmzə bəyi öldürərək, vəkalət
taxtına çıxdı, mülk və mal işlərində tam müstəqilliyə malik oldu.
Rüstəm Mirzə Həmzə bəyin qətlindən istifadə edib öz qardaşı ilə
savaşa ürəkləndi, ləşkər yığdı, Qəndəhar üzərinə getdi. Qəndəhar
qoşununun Zəmindavər ləşkərindən zəif olmasına baxmayaraq,
Müzəffər Hüseyn Mirzə üzbəüz döyüşdən ehtiyat etdi, bürc və
barıları möhkəmləndirməyə başladı. Rüstəm Mirzə şəhər kənarına
çatıb Maşur dərvazəsində dayandı. Onların arasında iki ay
müddətində döyüş davam etdi. Bu hadisədən agah olan Məlik
Mahmud üç min döyüşçünün köməyi və Sistandan Qəndəhara
imdad göndərən əmisi oğlu Məlik Qəribin sərkərdəliyi altında
vuruşa yollandı. Sistan ləşkəri Qəndəhara çatan gün Qəndəhar
ləşkəri də qaladan çıxdı və tərəflər arasında böyük cəng başlandı.
Sistanlı ox atanlar, mərəkə zamanı Rüstəm Mirzənin atını vurduqları
üçün, mirzə səflər arasına düşüb piyada döyüşürdü. Cəng səhərdən
axşamadək davam etdi. Ox və qılıncdan qopan atəş hər böyük-
kiçiyin ömür xırmanını yandırıb-yaxırdı. Nəhayət, Rüstəm Mirzə
Sistan ləşkərinin Qəndəhar ləşkərindən üstün olduğunu gördü,
döyüşdən əl çəkdi və öz məqsədinə yetmədən Zəmindavərə qayıtdı.
Məhəmməd bəy bir müddət Həmzə bəyin əvəzinə mülk və
malın sahib-ixtiyarı oldu. İstiqlalı həddən artıqdı. Müzəffər Hüseyn
Mirzə də ondan məyus oldu, onu dəf etmək gücü olmadığından
Sistana qayıtmaq qərarına gəlib bir neçə xüsusi mülazimi ilə oraya
yollandı. Mahmud bəy isə məmləkətin hər işini öz əlinə aldı və heç
kimə dəxalət imkanı vermədi.
Cənab mirzə Sistana çatdıqda, Məlik Mahmud, onunla
razılaşdığı kimi, onun yanına gələrək, mehribanlıq vəzifəsini yerinə
yetirməyə başladı, bir dəqiqə belə onun xidmətindən yayınmadı,
malını və ülkasını da ondan müzayiqə etmədi. Amma, Sistan
fitnəkarları mirzəni yenidən fəsada sürüklədilər və o, məlikin böyük
adamlarını dəf etməyə başlayaraq, düşmənçilik və savaş qapılarını
açdı. Cənab mirzə öz xasiyyətinin dəyişikliyindən (tələvvon) etdiyi
işi heç düşünmürdü də. O yenidən məlikin adamlarına arxa
çevirərək, əvvəllər də getmiş olduğu həmin qalanın üstünə yürüş
etdi. Məlik Mahmud oğlu Məlik Cəlaləddini və qohumlarını qala
814
camaatının köməyinə yolladı. Mirzənin də adamları cəng əzmi ilə
onları qarşıladılar və Deh Əli kəndində aralarında böyük hərb
başlandı. Birinci gün məlikin ləşkəri basıldı və onlar kəndin evlərinə
doluşub, özlərini müdafiə etməklə məşğul oldular. Günorta namazı
vaxtı Məlik Mahmudun özü çoxsaylı ləşkərlə gəlib mərəkə
meydanına girdi. Onun əmisi Məlik Nəsirəddin də oğlanları və min
nəfər igid əskərlə Carunək qalasından çıxıb onun imdadına yetişdi,
cəngə hazırlaşdı. Onlar mirzənin və sistanlıların ləşkərini araya
aldılar, böyük hərb başlandı. Məlikin ləşkərindən üç yüz, Sistan
mirlərindən min nəfərədək, mirzənin mülazimlərindən isə xeyli
adam qətlə yetirildi.
Nəhayət, döyüşməkdən təngə gələn mirlər mirzəni
meydanda qoyub, özlərini uca dağlara və meşələrə çatdırdılar. Məlik
Mahmud cəng əsnasında mirzənin yanına adam yollayıb ona bu
sözləri çatdırdı: "Aralıqda fəsada bizi təhrik edən adamlar basılıb
qaçdılar. İndi siz hər iki ləşkərin sahibisiniz. Biz isə
Misra
Dost ilə etdiyimiz mehrü vəfadə qalırıq.
580
Əgər düşmənçilik və savaş büsatını pozub dostların
mənzilinə vüsal kölgəsi salsan, belə əməl sən cənabın vəziyyətinə
daha münasib olar". Mirzə etdiyindən xəcil və qayınatasından
utanmış (monfəel) halda hərbi davam etdirmədi, öz xüsusi
mülazimləri ilə mülkün ləşkərinə tərəf üz tutdu. Məlik dostluq və
sədaqət məqamına gəldi. O gecə məlikin evinə [vəsaq] gələn mirzə
öz arvadının otağında gecələdi. Bu minvalla o, iki ay Sistanda qaldı.
Məhəmməd bəy Bayat isə Mirzənin tərəfində olan bir dəstə qızılbaş
oyan və Qəndəhar böyüyünü onun yanına üzrxahlığa göndərdi.
Onlar mirzəni [Qəndəhara] dəvət etdilər. Cənab mirzə onların
üzrünü qəbul edib zövcəsi ilə birlikdə yola rəvan oldu. Cənab məlik
əlində olan bütün var-dövlətini onlara verdi, elə mərdanəlik göstərdi
ki, cənab mirzə xəcalət çəkdi, Özünün bütün əskərlərini götürüb
Qəndəhara yollandı. Qarşı tərəfdənsə, Məhəmməd bəy Bayat
qılıncını boynundan asaraq, Gərmsir yaxınlığında onları qarşıladı,
580
Misranın farscası:
Be həman mehr-o vəfayim ke bəstim bedust.
815
cənab mirzə gedib sağ-salamat yenidən Qəndəhara çatdı, öz böyük
atasının sarayında (hökumətgah) iqamət etdi. Məhəmməd bəy
mirzəni razı salmaqdan ötrü çalışır, cənab mirzə isə eyş-işrət,
istirahət, şikar və söhbətlərlə məşğul olur, dövlət işlərinə qətiyyən
qarışmırdı. Amma, həmişə Məhəmməd bəyin dəf olunması
xüsusunda düşünür, onun qətli barədə fikirləşirdi. Nəhayət bəzi
qızılbaş əyanını bu işdə özünə müttəfiq etdi, fürsət tapıb onu aradan
götürdü, mülk və mal işlərində müstəqil oldu.
Buna baxmayaraq, Qəndəhar işlərindən narazı olan mirzə
bir neçə vaxt Zəmindavərdə yaşadı. Onun Sistan mülkü üstündə
Müzəffər Hüseyn Mirzəyə qarşı qəlbində bəslədiyi kin daha da
çoxaldı və o, daim fürsət gözləməyə başladı. Və elə o vaxtlarda,
əlahəzrət zilləlah şahın səadətli cülusu zamanı, qələmin yazdığı
kimi, özbəklərin işğalı başlandı, Xorasanın əksər şəhərləri tutuldu və
o diyarın torpaqlarının əksəriyyəti hadisələrin tapdağı altına düşdü.
Herat darüssəltənəsinə yaxın olan Fərahın əhalisi özbəklərin
mütəmadi hücumlarından təngə gəldi. Fərahda olan əfşar tayfası
torpaqların geri qaytarılmasından və özbək şərinin dəfindən aciz
oldu. Onların hakimi Yegan xan mal və əhli-əyalın hifzindən ötrü
əfşar ağalarının məsləhətinə görə Rüstəm Mirzəni çağırmaqdan ötrü
adam göndərdi, onu dəvət etdi. Xorasandakı hərc-mərclikdən,
əlahəzrət zilləllah şahın İraqa gedişindən və qızılbaş əmirlərinin
arasındakı çaxnaşmadan agah olan mirzə bu təklifi qənimət saydı,
dərhal Fəraha yollandı. Oraya daxil olduqda, sadədil bir türk olan
Yegan xan Hakim onu qarşıladı və əfşar tayfa üzvləri xidmət
kəmərlərini bellərinə bağladılar.
Cənab mirzə ertəsi gün Yegan xanı tutub, malına
sahiblənməkdən ötrü onu qətl etdi, əfşar tayfasının bütün əyan və
böyüklərini cəzalandırdı, onların sərkarında olan hər şeyi özünə
götürdü. Onlar daxilən mirzədən incidilərsə də, özbəklərin istilasına
görə və onların şərini dəf etmək naminə əllərini mirzədən üzmədilər,
itaətdən başqa çarə tapmadılar. Bu əsnada özbəklər ona tərəf üz
tutub hücuma keçdilər və mirzə ilə özbəklər arasında bir neçə hərb
baş verdi. Hərblərin birində o, bir dəstə qızılbaş igidi ilə
Səmərqənddən gəlmiş min nəfər məşhur bahadıra qarşı döyüşdü və
qalib gəldi.
Düzgün danışan adamlardan eşitdim ki, o gün
qızılbaşlardan cürbəcür mərdanəliklər göründü, səkkiz yüz özbək
qətlə yetirildi, qalanlarsa fərar etdilər.
816
Xülasə, mirzə bir müddət Fərahda yaşadı. Əlahəzrət
zilləllah şahın qəzəbinə gəlmiş bir dəstə adam, xüsusilə onların
başçıları Süleyman Xəlifə Türkman və şamlı tayfasından İslam bəy,
həmçinin başqa cahillər və aqibətsiz adamlar Xorasandan onun
yanına gələrək, Xorasan mülkünün gəlinini onun nəzərində
cilvələndirdilər, mirzəni həmin vilayəti tutmağa təhrik etdilər.
Rüstəm Mirzənin yenə də ondan döndüyünü bilən Məlik Mahmud
onun Fəraha gəlişi, qızılbaşların toplaşmaları və mirzənin qüdrət və
istiqbalından vahiməyə düşdü, yaşadığı yerdən çıxıb hər tərəfdə
məşhur yer olan Məhkəməyə getdi, Nimruz tör-töküntülərini
ətrafına toplamağa başladı, başına on minədək adam yığıldı və o,
yeddi ay orada qaldı. Havanın üfunətindən onun adamlarına böyük
bəla üz verdi, buna görə də, adamlarının çoxu dağılışıb öz
vətənlərinə qayıtdı.
[Yenidən] Rüstəm Mirzə Sistan hakimliyinə həvəs
göstərdi. Sistan məliki ilə qohumluğu olan, amma mirzə ilə yaxın
münasibət yaradan Məlik Abdulla Fərahi boyun oldu ki, Sistana
gedib Məlik Mahmudun qohumlarını aldadaraq ondan döndərəcək,
onları mirzə ilə müttəfiq edəcək. Dərrakədən zay və ağıldan xali,
iddialı adam olan Məlik Mahmudun əmisi oğlu Məlik Nasirəddinin
oğlu Məlik Zərif Rüstəm Mirzənin gözəl vədlərinə aldanaraq, Məlik
Mahmuda qarşı hiyləgərlik (ğədr) yoluna düşdü. Su və havanın
dəyişikliyi nəticəsində vəba yarandığı vaxt o, məliki özünün
yaşadığı yer olan Carunəg qalasına dəvət etdi, məlik də onu
incitməməkdən ötrü təklifi ilə razılaşdı.
Amma, onun oğlu Məlik Cəlaləddin və qohumlarını
sadiqlikdən uzaq görüb, fikrindən daşındı, Fəth qalasına getdi.
Məlik Mahmud qardaşı oğlu Məlik Əli, Məlik Mahmudi və Məlik
Şahhüseyn öz qohumlarının ziyafətində iştirak etməkdən ötrü
Carunəg qalasına yollandılar. Onlar bahar fəslinin əvvəllərində bağ
və gülşənin seyri ilə məşğul idilər ki, Rüstəm Mirzə adı çəkilən
Məlik Zərif və Məlik Mahmudun bəzi mötəbər mülazimləri ilə,
həmçinin Xorasandan gəlmiş və onun başına toplaşmış əfşar və
başqa tayfalardan olan döyüşçülərlə Fərahdan Sistana hücuma keçdi,
gəlib Carunəg qalasının bir fərsəxliyində dayandı. Məliki
mehribanlıq libasına bürüyən Məlik Zərif onu aldadırdı, amma o,
Rüstəm Mirzə tərəfdarlarından qorxuya düşərək, öz yalanından
(xode) peşiman oldu, qaladarlıq etmək fikrinə düşdü. Övladının,
817
qohumlarının və onun xeyrini istəyən xeyirxahlarının sözünə əməl
etməyən Məlik Mahmud qəflət yuxusundan oyandı.
Xülasə, Rüstəm Mirzə Carunəg qalasını mühasirəyə aldı,
Məlik Zərif və qardaşları isə etdikləri peymana xilaf olaraq on altı
gün hərb və qaladarlıqla məşğul oldular. Rüstəm Mirzə Süleyman
Xəlifə Türkmanı elçi sifətilə o qalaya yolladı. Məlik Abdulla Fərahi
də gəlib Məlik Zərifi aldatdı, [nəticədə] özü və qardaşları ertəsi gün
Məlik Mahmudla məsləhətləşmədən mirzənin yanına getdilər.
Vəziyyəti belə görən Məlik Mahmud qala darvazalarını qohumlarına
tapşırıb, istər-istəməz Rüstəm Mirzənin yana getdi. Onun gəlişini
eşidən mirzə zahirdə yumşaq rəftar etdi və bir dəqiqə də olsun
ondan ehtiramını əsirgəmədi. [Hətta] onu xatircəm etməkdən ötrü,
ona qarşı düşmənçilik eləyən Məlik Zərif və qardaşları ilə
hörmətsizcəsinə davrandı. Elə həmin gün o, ləşkər bəzəyərək atlandı
və onlar qalaya daxil oldular, Məlik Mahmud da insanlıq qapılarını
açıb mehmannəvazlığa başladı.
Amma, qürur və qəflət badəsindən məst və cənab mirzə ilə
hömsöhbət olan bir dəstə cahil və nadan qızılbaş şərab nuş etdikləri
vaxt məstliyə qapıhb, mirzə ilə belə qərara gəldilər ki, Məlik
Mahmudu Sistan hökmranlığının dadını görüb təkəbbürlənən,
həmçinin Müzəffər Hüseyn Mirzə ilə yaxınlıq edən bir neçə
məlikzadə ilə birlikdə aradan götürsünlər və o vilayətə
sahiblənsinlər. Mirzə də onların məsləhətinə əməl edərək,
gəldiklərinin ikinci günü Məlik Mahmudu Məlik Nasirəddin, Məlik
Zərif və başqa məliklərlə birlikdə həbs etdi. O, Məlik Nasirəddini,
Məlik Zərifi, onun qardaşlarını və əksər məlikzadələri qətlə yetirdi,
amma Məlik Mahmudu bir-iki qohumu ilə birlikdə zindana saldı.
Mirzə bir dəstə döyüşçünü Məlik Mahmudun oğlu Məlik Cəlaləddin
ilə Fəth qalasının üstünə göndərdi. Amma, bir gecə Məlik
Şahhüseyn və onun qardaşı Məlik Əli zənciri qırıb həbsdən fərar
etdilər, bəxtləri gətirdiyindən onların yanına gəlməkdə olan bir dəstə
sistanlı ilə birləşib Sistan adasına gəldilər, oradan da zerəhi tayfasına
doğru yollandılar. Rüstəm Mirzə başlarına on min nəfərədək adam
toplaşmış vəhşisifət sistanlıları insaniyyət və ehsan təriqi ilə özünə
ram etmək əvəzinə, özündən ürkütmüşdü. Onlar da qohumlarından
birini min nəfər döyüşçü ilə Mahmudun oğlu Məlik Cəlaləddinin
köməyinə Fəth qalasına göndərdilər. Həmin qalanın mühasirəsi ilə
məşğul olan Rüstəm Mirzənin bir dəstə mülazimi [sistanlılarla]
döyüşüb məğlub oldular və fərar etdilər. Bu xəbər Rüstəm Mirzəyə
818
yetişəcək o, Məlik Mahmudun qətlinə fərman verdi, səadətli və
xoşəxlaq məliki aradan götürdü. Ertəsi gün Məlik Cəlaləddin və
Sistan məlikləri zerəh tayfası ilə birlikdə gəlib çatdılar. Mirzə onlara
müqavimət göstərə bilməyib, Hirmənd çayını keçərək, Sərayana
tərəf getdi ki, oradan Zəmindavərə yollansın. Lakin onun ardınca
gələn ləşkər Zerəh təpəsi yaxınlığında gəlib ona çatdı.
Rüstəm Mirzənin Hindistana getməyi:
Sistan qoşununun yaxınlaşdığını müşahidə edən mirzə
məcbur olub gedişini saxladı və aralarında hərb başlandı. Çoxlu
savaşdan sonra, Sistan ləşkərinin çoxluğuna görə mirzənin qoşunu
məğlub olub, Sərayana tərəf getdi, amma sistanlılar onları təqibdən
qalmadılar və ertəsi gün cəng Sərayanda oldu. Bu dəfə də məğlub
olan mirzə pis halda Zəmindavərə tərəf götürüldü. Məlik Cəlaləddin
hökuməti ələ almaq istəyən başqa məliklərlə Sistan işlərini
tənzimləməklə məşğul oldu. Rüstəm Mirzənin Sistan fəaliyyəti
bitdiyindən, onun başına toplaşmış xorasanlıların əksəriyyəti onu
Xorasanı tutmağa rəğbətləndirdi. Onlar onda bilik cövhərinin, uca
himmətin və hökmranlıq iddiasının daha qalmadığını görərək,
məyus oldular və bir çoxu ondan aralandı. Mirzə tamamilə sındı,
gözlərə görsənmədi. [Vəziyyəti görən] özbək ləşkəri yenidən
Zəmindavər qalasını tarac elməyə gəldi. Mirzəyə heç bir kömək
etməyən Müzəffər Hüseyn Mirzə qalanı bir dəstə adama tapşırıb
Qəllat və Hezarecata tərəf getdi, Qəllatda altı ay dayandı. Orada
olan bayat qaziləri, mirzənin şikara getdiyi vaxt, qalanı Müzəffər
Hüseyn Mirzənin yoldaşlığı ilə zəbt etmək istədilər, amma bunu
bilən mirzənin anası qalanın giriş qapılarını bağlayaraq xacəsəralar
və büyutat* əmələləri ilə birlikdə qalanı qorumağa başladılar.
Bu əsnada bayat camaatından bir nəfər o zəif məxluqa bir
güllə atdı və mirzənin əziz anası bəqa aləminə yollandı.
Bu hadisələrin baş verdiyi və cənglərin vaqe olduğu bir
zamanda şikardan qayıdan mirzə hiyləgərliklə özünü qalaya saldı.
Onun gəlişindən xəbər tutan bayat camaatı qaladarlıqdan əl çəkib öz
peşmanlıqlarını izhar etdilər. Onlara əl uzadan Rüstəm Mirzə bu
yersiz qətlə görə və anasının qanını almaqdan ötrü, başlarını üsyan
ciblərindən çıxarmış bayat tayfasının əksər üzvlərini intiqam
qılıncından keçirdi.
819
Amma, öz gələcəyinə nəzər salan mirzə, ləşkərindəki
dağınıqlığı gördü və bildi ki, onun ətrafında artıq heç kimsə yoxdur.
O, [həmçinin] özbəklərin iqtidarını müşahidə edərək daha həmin
vilayətdəki mühitin onun istədiyi kimi olmadığını gördü. Habelə,
Müzəffər Hüseyn Mirzə tərəfdən də çoxlu cəncal görünməkdəydi.
[Buna görə də] məcbur olub Hindistan diyarına doğru üz tutdu.
Əvvəlcə Bikar vilayətinə gəldi. Orada, hind hökmdarına layiqli itaət
etməyən və o vaxtlarda ətrafına padşah əmirləri toplaşmış Bikar
valisi Mirzə Canı bəy Ərğunla görüşdü. Mirzə onu da itaətə
rəğbətləndirərək, onunla birlikdə Hindistana tərəf irəlilədi.
Mirzə o diyara gəlib çatdıqdan sonra, kamkar və uca
məqamlı padşah Cəlaləddin Məhəmməd Əkbərlə görüş izzətinə
yetişdi və o uca məqamlı padşah onu ehtiramla qəbul etdi,
məsələnin elə başlanğıcında mirzəyə Multan tərəfdə yer verdi. O ali
məqamlı xosrovun şəfəqqətinə layiq görülən mirzə bir müddət
Hindistan məmləkətlərində qaldı. Müzəffər Hüseyn Mirzəni də
özünə cəlb etmək istəyən o müdrik padşah (Cəlaləddin Məhəmməd
Əkbər - Ş.F.) Zəmindavəri və Hindistanı tutmaqdan ötrü Rüstəm
Mirzəyə elə çox insaniyyət və ehsan lütf etdi ki, Müzəffər Hüseyn
Mirzə də Hindistana getməyə meylləndi. Çünki, Xorasandakı özbək
əmirləri xüsusilə Dinməhəmməd Sultan, Baqi Sultan, yərliğlə* o
vilayəti fəth etmək əmri alan Canı bəy Sultanın bacısı oğlu Turan
valisi Abdulla xan o diyarın (Xorasanın - Ş.F.) hər yerini öz
tapdağına çevirdikdən sonra yenidən Qəndəhar və Sistan hüduduna
ləşkər göndərmişdilər. [Buna görə də,] onlarla Müzəffər Hüseyn
Mirzə arasında güclü müharibələr baş verdi. Həmin hərblərin
əksəriyyətində qızılbaş tayfaları zəfər çaldılar, özbək döyüşçüləri isə
əzildilər. Məhz buna görə də, o ölkənin ətraf yerləri (həvaşi) heç
vaxt o tayfanın (özbəklərin – Ş.F.) qarət və taracından xali deyildi,
asayiş və əmin-amanlıq o camaatdan uzaqdı. Qızılbaşların böyük
adamlarının əksəriyyəti və Sultan Hüseyn Mirzənin etibarlı və
bacarıqlı mülazimləri, yuxarıda yazıldığı kimi, həmin mərəkələrdə
qətlə yetirildi, dövlət çəməni tamamilə solmağa başladı.
Müzəffər Hüseyn Mirzə də öz vəziyyətinə münasib
Hindistana getməyi məsləhət görüb, bundan başqa heç bir fürsət
(məfərr) görə bilmədi. Baxmayaraq ki, Rüstəm Mirzənin gedişindən
sonra, Turan elçisi Abdulla xan ona töhfə və hədiyyələrlə elçi
göndərmiş və belə bir nəvazişnamə (estemalətnamə) də yazmışdı:
"Özbəklərin və qızılbaşların dava-dalaşının, habeh turanlılar və
820
iranlılar arasındakı ədavətin çox qədim olmasına baxmayaraq, qoy o
möhtəşəm sülalə sahibi rahət olsun ki, bizim onunla məhəbbət və
dostluqdan başqa heç bir fikrimiz yoxdur. Siz Hindistana getmək
xəyalını ürəyinizdən çıxarıb xatircəmliklə Qəndəharda qalın, çünki
cığatayların sizin ata məskəninizi tutmaq fikri yoxdur".
Qəndəhar və özbək ləşkərləri arasında dəfələrlə
müharibələr olub qanlar töküldüyündən, Mirzə Abdulla xanın
sözlərinin yalan olduğunu düşünən Müzəffər Hüseyn özbəklərə
inanmadı, vahimə ona üstün gəldi və türklərə (torkan) meyl etmədi.
Mirzənin səyi (hemmət) hind qumaşına və qızıl toplamağa yönəldiyi
üçün, o, məmləkətdarlıq və Qəndəhar vilayətini zəbt etməkdən
tamamilə əl çəkdi, Hindistan məmləkətlərini öz rahətliyindən
ötrü pənah bildi. Müzəffər Hüseyn Mirzədən əvvəl Hindistana gedib
orada əmirlik və quşbəyişik (quşbəyigəri) mənsəbinə çatan və Sultan
Hüseyn Mirzənin qədim nökəri olan Qara bəy Kurçayi ali məqamlı
Hindistan hökmranına boyun olmuşdu ki, mirzəni (Müzəffər Hüseyn
Mirzəni - Ş.F.) Hindistana gətirəcək və Qəndəharı o ali məqamlı
padşahın işğalı üçün hazırlayacaqdır.
Qara bəy Kurçayi xoşxahlıq və halalnəməklik libasına
büründü, mirzə ilə həmfikir olan bir dəstə adamı da özünə
birləşdirdi. Xülasə, onun hiyləgərlik (dəmdəme) və əfsungərliyi bir
səbəb oldu və mirzə Hindistana getmək fikrinə düşdü. O, əvvəlcə
anasını və böyük oğlunu [oraya] yolladı, sonra isə özü bir neçə
yazışmadan və əhd-peyman etdikdən sonra Hindistana doğru yola
düşdü. Ali məqamlı padşahsa Qəndəhar hakimliyini o vaxtlarda
Multanda olan böyük əmirlərdən birinə-pənehezari (?) vəzifəsini
daşıyan Bəngeş hakimi Şahibəyxan Kabuliyə namizəd etdi.
Qəndəhar məsələsini ürək istəyincə həll etdiyindən və mirzəni
Hindistana getməyə həvəsləndirdiyindən xəbər tutan Şahibəy xan
Kabuli özünün on min nəfərlik ləşkəri və tabeliyindəki adamlarla
Qəndəhara gəldi, padşahın adından mirzəyə ehtiram göstərdi, ona
yaxşı-yaxşı vədlər verdi. Cənab mirzə də öz adamlarıyla birgə
qaladan yola düşdü.
821
Müzəffər Hüseyn Mirzənin Hindistana getməsi:
Şahibəy xan və cığatay ləşkəri hicri birinci
581
ildə (miladi
1592/93) Qəndəhara daxil oldu. Cənab mirzə və onun yoldaşları
artıq çöldə xeymə və xərgah quran qızılbaşları müşahidə etdilər.
Sultan Hüseyn Mirzənin vəfatından on iki ilə yaxın bir vaxt ötmüşdü
və bu illər ərzində həmin qoşun zəifləmiş, işə yararlı əmirlər və
başqa adamların sayı çox azalmışdı. Cənab mirzə öz qarşısında
[özbək qoşunlarından ibarət] möhkəm bir ordu və saysız-hesabsız
ləşkər gördü. Elə o ləhzə də etdiyindən peşman olub təəssüfləndi.
Ona olduqca çətin gəldi ki, həmin gözəl vilayətdən, Tibetin, Çinin
(Xəta) qibtə etdiyi və özünün də yaşadığı və böyüyüb boya-başa
çatdığı bir yerdən əl çəksin, səltənət və hökmranlığı biganələrə
mülazimət və nökərliklə əvəz etsin.
İş əldən, ox kamandan çıxdığı üçün onun peşmançılığının
heç bir faydası olmadı. Lakin mirzə öz batil gələcəyini düşünüb,
Şahibəy xan və cığatay əmirlərindən ötrü mehman ləvazimatı,
qiymətli xələtlər və başqa şeylər hazırladı, onlara bir adam yollayıb,
bir günlüyə mirzənin qonaqları olmalarını və bəzi məsələləri həll
etmələrini xahiş etdi. Rəyinin zəifliyi və ağlının nöqsanlı olması
üzündən belə düşüncülərə dalmışdı: "Şahibəy xan gələn kimi ondan
üzrxahlıq edəcəyəm və necə olur-olsun özümü qalaya salıb
[Qəndəharı] qorumağa başlayacağam". Şahibəy xan da köhnə və
bacarıqlı hərbiçi olduğu üçün asanlıqla düzüb-qoşduğu bir işi
çətinlik kələfinə salmaq istəmədi, mirzənin sözünə etibar etmədi,
gəlməyəcəyi üçün üzrxahlıq edib bildirdi: "Mən uğurlu bir saatda
qalaya daxil olduğum üçün, indi mənim oradan çıxmağım münasib
olmaz. Əgər sizin zəruri bir sözünüz varsa, onu yazışma yolu ilə
bizə bildirin". Mirzə başını əldən tam verdiyinə görə Qəndəhar
hakimliyindən əl üzdü, qarşılıqlı hədiyyələr təqdimatından sonra
oradan çıxıb böyük dəstə ilə Hindistana rəvan oldu. Padşahın yanına
gələn mirzə onun tərəfindən şəfqətlə qarşılandı, "fərzənd"
adlandırıldı, ali yerlərdə qərar tutdu. Elə onun özü də padşaha
şahanə peşkəşlər nəfis cəvahirlər, daş-qaşlarla bəzədilmiş əşyalar,
alətlər təqdim etdi.
Amma, Hindistanın vəziyyəti və o bostandan gül dərmək
mirzənin xoşuna gəlmədi. Heç bir şeydən xoşlanmırdı. Nəhayət
581
Hicri 1001-ci il tarixi yazılmalıdır - Ş.F.
822
onunla padşah arasında pis münasibət yarandı. Padşah ona başqa
şahzadələrdən az diqqət yetirməyə başladı. Get-gedə o, ona verilən
şeylərdən əl üzdü, onda padşaha qarşı ikrah hissi baş qaldırdı, o
alişan xosrov da ondan incidi, hətta onu təhqir etmək (estexfaf)
məqamına gəldi. Aralarındakı küdurət əlamətləri gün-gündən artırdı.
Mirzə [orada] bir neçə belə qara il keçirdi.
O, həmişə İranı arzulayır, təzədən Səfəvi şahənşahının ali
sarayının mülazimi olmağını istəyirdi. Hərdənbir də Həcc
beytullahülhəramına getmək fikrinə düşürdü, amma bunun üçün ona
icazə verilmirdi. Nəhayət ona nəfsani qəm-kədər üz verdi,
natəvanlıq yatağına düşdü, min səkkizinci ildə Həqqin dəvətini
qəbul edərək təbii əcəli ilə vəfat etdi. Hindistanda onun üç oğlu
qaldı: Sultan Heydər Mirzə, İsmayıl Mirzə, Bəhram Mirzə.
Amma, Rüstəm Mirzə dünyəvi (donyadar) adam
olduğundan özünə yaxşı həyat qurdu, padşaha mülazimlik və
nökərlik yolu ilə hərəkət etdi. O, bütün qohumları qızılbaşların
arasında yaşayan Bayram xan Türkmanın oğlu Xanxanan ilə
yaxınlıq edir, onun köməyi ilə vaxtaşın hansısa bir vilayətin hakimi
olurdu. Əkbər padşahın vəfatından və onun oğlu Səlim şahın
cülusundan sonra da o, ehtiramlı adam idi. Rüstəm Mirzənin kiçik
qardaşları Əbu Səid Mirzə min beşinci ildə (miladi 1596/97)
rəhmətə qovuşdu və həmin ilin sonunda isə Səncər Mirzə vəfat etdi.
Oğlu Murad Mirzə (Rüstəm Mirzənin oğlu - Ş.F.) hal-hazırda
Xanxananın damadıdır. İndi min on beşinci (miladi 1606/07) ildir.
Rüstəm Mirzə və Müzəffər Hüseyn Mirzənin oğlanları, onların bir
neçə nəfər kişi və qadın cinsindən olan övladları hazırda Hind
vilayətində yaşayırlar. Bundan sonra onların vəziyyətləri haqqında
yazmaq İran hadisələri tarixi üçün münasib deyildir.
Rüstəm Mirzənin gedişindən sonra Sistanın və Məlik
Cəlaləddinin vəziyyəti pisləşdi, həmin vilayətə özbəklərin dəxaləti
daha da çoxaldı. Əksər vaxtlarda özbəklər və Sistan əhalisi arasında
müharibə gedirdi. Onun (Məlik Cəlaləddinin - Ş.F.) qohumları olan
məliklər hələ bir müddət da özlərini həmin vilayətdə saxlayaraq,
qalanı və özlərinin yaşadıqları yerləri möhkəmləndirə bildilər. Bəzi
məmləkətləri işğal edən özbəklər onun da qalasını tutmağa
girişdilər. O, çox cidd-cəhddən sonra, adamlarını qalada qoyaraq,
Kirman yoluyla şahın sarayına yollandı, İsfahan darüssəltənəsində
onun xidmətinə yetişdi, xüsusi məclislərdə şaha yaxın şəxslərdən
biri oldu. Həmin ilin hadisələrinin şərhində yazılmışdı ki, hümayun
823
nəvvab onunla dost kimi rəftar edirdi. Bir müddət şahın yanında
qaldıqdan sonra, onda Sistana getmək və fərzəndlərini görmək
həvəsi baş qaldırdı, getmək üçün izn aldı. Sistana gəlib-çatdıqda,
orada Abdulla xan tərəfindən Sistan əyalətinə və Nimruz vilayətinin
alınmasına göndərilən Canı bəy Sultanın övladları artıq tam iqtidar
sahibləri idilər. Özündə onlarla döyüşməyə güc görməyən Məlik
Cəlaləddin zilbllah şahın Xorasana gəlişinədək Sistanda qala
bilmədi, öz fərzəndlərini də götürüb Qəndəhara getdi, bir neçə vaxt
orada qaldı, sonra Hindistana getmək və Əkbər padşaha mülazim
olmaq fikrinə düşdü. Elə bu zaman da əlahəzrət zilləllah şah
məiyyətinin Xorasanda ildırım ahəngli nağarası çalınmağa başladı.
Xorasan
məmləkətləri
fəth
olundu,
[qızılbaşlar]
Herat
darüssəltənəsində iqamət etdilər. Məlik Cəlaləddin Qəndəhardan
gələrək, Heratda şahla görüş şərəfinə yetişdi, uca xan ləqəbi ilə
sərbülənd oldu və Sistan vilayəti ona verildi, indiyə qədər də həmin
mülkdə kamranlıqla yaşamaqdadır.
Bu sətirlər müəllifi, yazdığı bu hadisələrin təfsilatını elə
həmin vilayətin adamlarının söhbətlərindən
582
eşitmişdir.
Dostları ilə paylaş: |