CAVĠDĠN HƏYATI, ƏDƏBĠ MÜHĠTĠ VƏ
ĠLK QƏLƏM TƏCRÜBƏLƏRĠ
1. HƏYATI.
(Hüseyn Cavid Rasizadə 1882-ci ildə oktyabrın 24-də
Naxçıvan şəhərində anadan olmuşdur. Cavidin həm ata, həm də
ana tərəfindən babaları Şahtaxtı kəndində yaşamış və həmişə
əkinçiliklə məşğul olmuşlar. Ata babası Məşədi Qulu aşıq
şeirlərini və klassik şairlərin əsərlərini əzbərləməyi sevər,
məclislərdə onları muğamat üstündə oxuyar, özü də bəzən
bədahətən şeir deyərmiş. Şairin anası Ümmileylanın da yaxşı
səsi varmış. O da qadın məclislərində el bayatılarını, ağıları
məlahətli səslə oxuyan və ―xeyrə-şərə yarayan‖ bir qadın imiş.
Şairin atası Molla Abdulla aşağı ruhani silkinə mənsub bir
rövzəxan idi; mollalıqdan daha çox musiqini, muğamatı və
şeiri yaxşı bilməsi və məlahətli səsi ilə tanınmışdı. Yaxşı səsinə
görə onu tez-tez Bakı, Şamaxı, Gəncə, Nuxa, Yerevan və (eləcə
də Cənubi Azərbaycan və İran şəhərlərinə dəvət edərlərdi.
1877-ci ildə bu ailə Şahtaxtıdan Naxçıvana köçür. Hüseyn
burada anadan olur.
Cavidin özündən başqa dörd qardaşı və üç bacısı olmuşdur.
Ortancıl qardaşı Əhmədin də yaxşı səsi vardı. Xanəndəlik və
bəzən də mərsiyəxanlıqla dolanardı. Kiçik qardaşı Əlirza
müəllim idi. Bu qardaşlardan ancaq biri — Şeyx Məhəmməd
Rasizadə ruhani təhsili almışdı ki, o da az sonra ruhaniliyi tərk
edib, ömrünün 35 ilini müəllimlik etmişdir. Məhəmməd
Rasizadənin müəllimlik fəaliyyətinin son on beş ili sovet
dövrünə təsadüf etmişdir. Cavidin mənəvi inkişafında bu böyük
qardaşının təsiri çox olmuşdur. Tələbəlik illərində Cavidə
maddi kömək edən də Şeyx Məhəmməd olmuşdur.
Cavid ibtidai təhsilini Naxçıvanda, Məhəmməd Tağı
37
Sidqinin məktəbində almışdı. M.T.Sidqi (1854-1903) XIX
əsrin 80-90-cı illərində Azərbaycanın hər iki hissəsində
tanınmış görkəmli maarifçi ziyalılardan biri idi. O, istedadlı
şair, zamanına görə geniş biliyə malik, hazırlıqlı bir pedaqoq
idi. Əvvəlcə Ordubadda məktəbdarlıq edən Sidqi 1893-cü ildə
Naxçıvana köçüb burada öz təşəbbüsü ilə dördsinifli bir
məktəb açmışdı. O bu məktəbə ―Məktəbi-tərbiyə‖ adı vermişdi.
Burada dərslər yeni üsul ilə keçilirdi. Sidqinin məqsədi gənc
nəsli müasir ruhda tərbiyə etmək idi. Buna görə də o, müdiri
olduğu məktəbə dövrünün mütərəqqi fikirli müəllimlərini cəlb
etmişdi. Bu müəllimlərdən biri də Qori seminariyasını bitirmiş
Mirzə Ələkbər Sultanov idi. ―Məktəbi-tərbiyə‖də ana dili,
tarix, coğrafiya, hesab fənləri tədris edilirdi. Bunlardan başqa
rus və fars dilləri də keçilirdi. Təcrübə məşğələlərində
(azərbaycancadan farscaya, farscadan azərbaycancaya, eləcə də
ruscadan azərbaycancaya, azərbaycancadan ruscaya tərcüməyə
xüsusi saatlar ayrılırdı.
M.Sidqinin əlyazması şəklində qalmış dərslikləri və
konspektləri göstərir ki, ana dili, tarix, coğrafiya və fars dili
dərslərini və qismən tərcümə məşğələlərini o özü aparırmış. O
zaman Azərbaycan dilində bir çox dərsliklər olmadığından
Sidqi özü müxtəlif mənbələrdən istifadə edərək, verdiyi dərslə-
rə aid dərsliklər tərtib edirmiş. Onun şəxsi arxivində olan bu
dərsliklər, konspektlər və dərs cədvəllərindən aydın olur ki,
Sidqi şagirdlərinə ibtidai məktəb həcmindən çox geniş
məlumat verməyə çalışırmış. Sidqinin bu əlyazmaları keçən
əsrin 80-90-cı illərində ümumiyyətlə Azərbaycanda məktəbdar-
lığın və tərbiyə elminin tarixini öyrənmək üçün də çox
əhəmiyyətlidir.
―Məktəbi-tərbiyə‖ uşaqlarını məktəbə qoyan ailələrin və
maarifpərvər yerli ziyalıların maddi köməyi ilə yaşayırdı.
Yoxsul ailədən olan şagirdlərdən təhsil haqqı alınmırdı. Sidqi
özü də müəllimlikdən başqa heç nəyə gümanı gəlməyən,
yoxsul, lakin son dərəcə fədakar, müəllimlik sənətini ürəkdən
38
sevən, vətənpərvər, ictimaiyyətçi bir ziyalı idi.
Sidqi dərslərin ana dilində tədris edilməsinə ayrıca
əhəmiyyət verirdi. Onun ―Məktəbi-tərbiyə‖də dərslərdən əlavə
öz şagirdləri və şəhər ziyalıları üçün oxuduğu bir çox
məzmunlu mühazirələri, Nəriman Nərimanov, Rəşid bəy
Əfəndiyev, Sultan Məcid Qənizadə kimi bir çox Azərbaycan
ziyalılarına, Təbriz, Urmiyə və Tehranda yaşayan dostlarına
yazdığı məktublar və aldığı cavablar göstərir ki, maarifpərvər
yazıçı və müəllim o zamankı ədəbi-bədii dilin sadələşdirilməsi
zərurətini də çox aydın dərk etmiş və ana dilində tədrisin
əsaslandırılması və dildə xəlqilik uğrunda, ədəbi dilin
sadələşdirilməsi uğrunda mübarizə edən qabaqcıl ziyalıların
səsinə səs vermişdir. Sidqi o zamankı ədəbi dili (mətbuat dili,
məktublaşma və s.) tənqid edirdi: ―Bu dil bir libasa bənzəyir ki,
guya pambığı Türküstanda əkilib, ipliyi İranda əyrilib, rəngi
Ərəbistanda verilib, özü Azərbaycanda toxunub, Rusiyada
gömrüklənibdir‖
1
. Sidqi ―əsri-hazırda yer üzündə hər qövm və
hər tayfa öz danışdığı dildə yazır‖
2
prinsipinə əsasən tələb
edirdi ki, ―Azərbaycan məktəblərində Azərbaycan dili tədrisinə
böyük əhəmiyyət verilməlidir; çünki ―əvvəla ana dilidir,
saniyən vətən dilidir, salisən millət dilidir‖
3
. Sidqi özü də bu
prinsipə əməl edirdi. Azərbaycan dilində yazdığı lirik və epik
şeirlərini, məktublarını, dərslik və konspektlərini çox sadə,
anlaşıqlı bir dildə yazır, şagirdlərini də bu yola çağırırdı.
Sidqinin məktəbində təhsil alan şagirdlər ana dilini yaxşı
öyrəndikləri kimi, fars və rus dilində də yazıb oxumağı öyrənir,
müasir elmlər haqqında ilk məlumatı ala bilirdilər.
Bu mütərəqqi işlərinə görə də o dövr Azərbaycanın bütün
qabaqcıl ziyalıları, yazıçı, müəllim və məktəbdarları Sidqinin
yaradıcılığına, xüsusən elmi-pedaqoji fəaliyyətinə çox yüksək
1
1896-cı ildə. M.T.Sidqinin ―Məktəbi-tərbiyə‖də oxuduğu nitqin surəti, Respublika əlyazmaları
fondu (sonrakı səhifələrdə bu fondun adı ixtisarla ―Rəf‖ şəklində veriləcəkdir), arx. 7—Q-337.
2
Məmmədəli Sidqi. ―Sidqinin tərcümeyi-halı‖, Rəf, arx. 25, № 1—2/55.
3
M.T.Sidqi. 1856-cı ildə ―Məktəbi-tərbiyə‖də oxuduğu nitq. Respublika əlyazmaları fondu,
arx. 7-Q-3(33)
39
qiymət verirdilər. Sidqiyə yazılmış və onun şəxsi arxivində
mühafizə olunan onlarca məktublar bunu aydın təsdiq edir.
Sidqinin yaxın dostlarından biri də böyük inqilabçı-demokrat
yazıçı Cəlil Məmmədquluzadə olmuşdur. Sidqinin vəfatı
münasibətilə ―Şərqi-rus‖ qəzetində nəşr etdirdiyi bir
məqaləsində C.Məmmədquluzadə yazırdı ki, ―Sidqinin
vətənimizə varid olmaqlığı şəhərimizin mədəniyyət və maarif
tarixi üçün bir mühüm fəqərə oldu... Gözəl-gözəl xasiyyətlər
Sidqini Naxçıvanda zərbi-məsəl etmişdir. O hörmət və
məhəbbət ki camaatımız mərhuma göstərirdi, indiyə qədər heç
bir şəxsə göstərilməyib‖
1
.
M.T.Sidqinin mühazirələri, məktubları, xüsusən siyasi və
təbii coğrafiyaya aid tərtib etdiyi əlyazma dərsliyi onun öz
siyasi görüşləri etibarilə də çox irəli getdiyini göstərir. Bu
yazılarda Sidqinin İran istibdadına və çarizmin müstəmləkə
siyasətinə nifrəti çox aydın duyulmaqdadır.
Hüseyn Cavid ―Məktəbi-tərbiyə‖yə 14 yaşında ikən daxil
olmuşdu. Bu vaxta qədər o, beş il mollaxanada oxumuş, yazı
yazmağı və oxumağı öyrənmiş, Sədi, Hafiz və başqa şairlərin
əsərləri ilə tanış olmuş və 12-13 yaşlarından ―Gülçin‖
2
təxəllüsü ilə Racinin
təsiri altında bir neçə şeir (mərsiyə)
yazmışdı. Naxçıvanda Sidqinin məktəbi şöhrət qazandığı və
yeniliyi sevən ailələr uşaqlarını bu məktəbə qoyduqları
zamandan, 1895-ci ildə Hüseyn də o vaxtın maarifpərvər
ziyalılarından olan Qurbanəli Şərifovun təşviqi ilə
mollaxanadan qaçıb, atasından gizlin bu məktəbə daxil olur.
Lakin Hüseynin bu sərbəst hərəkəti atasını çox narazı salmışdı.
Görünür, nüfuzlu rövzəxan oğlunu ruhani etmək istəyirmiş.
Ata oğluna yeni tipli məktəbə getməyi qadağan edir. Hüseyn
bu fəqərəni müəllimi Sidqiyə və Qurbanəli Şərifova bildirib,
onlardan kömək istəyir. Sidqi və Şərifov, çox çətinliklə də olsa,
Molla Abdullanı razı salır, Hüseyn ―Məktəbi-tərbiyə‖də qalır.
1
―Şərqi-rus‖ qəzeti, 1903, № 110.
2
“Gulçin‖ — Gül dəstəsi bağlayan.
40
Sonralar Q.Şərifova məktubunda Cavid yazır ki, ―Mən də
atamın proqramı ilə böyüsəydim, indi kim bilir nə məsləkdə
idim?.. Sidqinin məktəbinə məni təşviq edən Siz oldunuz‖.
1
Sidqi şagirdinin şairlik istedadını görüb, onunla xüsusi
məşğul olurdu; onu təkcə elmdə deyil, bədii yaradıcılıqda da
yeni yola çağırırdı. İndi artıq balaca Gülçin mərsiyə deyil,
müəlliminin təsiri ilə ana dilində və farsca klassik üslubda lirik
şeirlər yazırdı. Sidqi Gülçinin şeirlərini diqqətlə oxuyur,
səhvlərini göstərir, Azərbaycan və fars klassiklərini oxumağı
ona tövsiyə edir, bir sözlə, bədii yaradıcılıqda da ona
müəllimlik edirdi. Hüseyn də Sidqinin şagirdi adını daşımağı
ilə fəxr edirdi.
1896-cı ilin axırlarında Cavidin atasının Şahtaxtıdan Sidqiyə
yazdığı bir məktub göstərir ki, inadkar ata da yumşalmış,
oğlunun müəllimindən, onun atalıq qayğısından çox razı
qalmışdır. Bu məktubda Molla Abdulla Sidqini ―müəllimlərin
müəllimi‖ adlandırır və oğlunu yaxşı tərbiyə etdiyi üçün ona
razılığını bildirir. Məktubda Cavidin öz müəlliminə bəslədiyi
coşqun məhəbbətə də işarə olunurdu. Molla Abdulla yazırdı ki,
onun oğlu ―Hüseyn atasının yanında öz müəllimini çox
tərifləmişdir‖. Ata da ―Hüseynin bu fikri ilə tamamilə şərik‖
2
olmuşdur. Cavidin öz müəlliminə bəslədiyi məhəbbət Sidqinin
vəfatı münasibətilə Təbrizdən, onun ailəsinə yazdığı bir
məktubda da çox aydın ifadə olunmuşdur. Bu məktubda Cavid
yazırdı ki: ―Sidqinin vəfatı xəbərini eşidib elə bildim ki,
həqiqət mənim atam vəfat edibdir... İnsanın üç atası olur:
əvvəlincisi elm atasıdır... Güman edirəm ki, o mərhumun
rehləti heç kəsə məndən artıq təsir eləməyib və
eləməyəcəkdir‖
3
.
Cavid ―Məktəbi-tərbiyə‖də dərslərinə yaxşı çalışmaqla
1
Professor Əziz Şərifin şəxsi arxivi, Cavidin məktubları. (Qeyd: monoqrafiyanın bu fəslində
Cavidin Türkiyədən yazdığı məktublardan gətirilən parçaların hamısı professor Əziz Şərifin
şəxsi arxivindəki avtoqraflardan götürülmüşdür).
2
Rəf, arx. 7, Q-2 (185).
3
Rəf, arx. 7, Q-3 (276).
41
bərabər, mütaliəni də çox sevər, vaxtının çoxunu kitab
oxumağa sərf edər və arabir yenə ―Gülçin‖ və ―Salik‖ təxəllüsü
ilə şeirlər, qəzəllər də yazardı. Bu lirik şeirlərdən bir neçəsi
Sidqinin arxivində mühafizə olunmuşdur. Onlardan biri budur:
Verdim o gün ki zülfi-pərişanə könlümü,
Saldı nigar o zülfdə zindanə könlümü.
Yalvardım iczinən ona bəlkə xilas edə,
Zənciri-zülfə bağladı divanə könlümü.
Hər qədr uydum ol ləbi-tərsa cəmalına,
Yandırdı şəm’i-hüsni çü pərvanə könlümü.
Gülzari-hüsnə Yusifi-dil çıxdı seyr edə,
Saldı o yar çahi-zənəxdana könlümü.
Etdikcə mən məhəbbət o kafər balasinə,
Etdi cəfayi-naz ilə viranə könlümü.
Vəslə yetirməyib, gecə-gündüz fəraqdə,
Təbdil etdi laləsifət qanə könlümü.
Bəzmi-visalə həsrətü ümmidvar idim,
Saldı cilayi-firqətə məstanə könlümü.
Gülçin binəva, oldum müridi-şeyx,
Yandırmışam mən atəşi-hicranə könlümü.
1
Hüseyn bu qəzəli məktəbli yoldaşlarının yanında müəllimi
Sidqiyə oxuduqda, Sidqi demişdir: ―Mən atan Molla
Abdullanın yerinə olsaydım və Gülçin kimi bir şair oğlum
olsaydı, rövzəxanlığı buraxıb, xanəndəlik edərdim və həmişə
Racinin yox, öz oğlumun şeirlərini oxuyardım‖.
Şagirdlərindən birinin: ―müəllim! Bu günlərdə Hüseynin
atasının səsi batmışdır, mərsiyə oxuya bilmir‖ — replikasına
cavab olaraq Sidqi yenə zarafatla demişdir: ―Bəlkə elə oğlunun
səsi atasının səsini batırıb!..‖ Hüseyn utana-utana ―mənim heç
yaxşı səsim yoxdur!‖ dedikdə müəllim.: ―Var, sənin çox yaxşı
1
Rəf, arx. 7, Q-3 (309).
42
səsin var — demişdir.— Amma, öz aramızdır, rövzəxanların
səsini batıran səsə oxşayır... Özünü gözlə, bu iki səs bir-birini
batıran səslərdir!‖.
1898-ci ildə Cavid ―Məktəbi-tərbiyə‖ni müvəffəqiyyətlə
bitirir. O, təhsilini yenə də davam etdirmək istəyir. Ancaq bu
vaxt şiddətli göz ağrısına tutulması buna mane olur. Atası
Hüseyni müalicə üçün Təbrizə göndərir. Bu zaman Cavidin
qardaşı Məhəmməd Rasizadə də Təbrizdə idi.
Cavid Cənubi Azərbaycana hansı ildə getmişdir, orada neçə
il qalmış və nə ilə məşğul olmuşdur? Bu suallara ancaq, onun
Təbrizdən və Urmidən müəllimi Sidqiyə göndərdiyi
məktublardan cavab alırıq. Bu məktubların biri (1898-ci ildə,
Təbrizdən yazılmışdır. Burada Cavid müəlliminə bildirir ki, o,
Təbrizdə böyük qardaşının yanındadır və ―Talibiyyə‖
mədrəsəsində təhsilini davam etdirir, qardaşı Məhəmməd,
Seyid həkim adlı bilikli, açıqfikirli bir şəxs ilə çox yaxın
dostdur. Seyid həkim hər axşam onların mənzilinə gəlir və
onlarla birlikdə ―Nasiriyyə‖, ―Təbriz‖, ―Şərafət‖, ―İzzət‖,
―İttila‖ və ―İran‖ qəzetlərini oxuyur, müzakirə edirlər
1
.
Təbrizdən yazılmış, ancaq tarixi göstərilməmiş digər iki
məktubda isə Cavid ―Talibiyyə‖ mədrəsəsinə daxil olmadan
əvvəl yenə Təbrizdə gözlərini müalicə etdirdiyi haqqında
məlumat verir, Sidqidən aldığı bir məktub münasibətilə öz
sevincini və təşəkkürünü bildirir. O, müəlliminə yazır ki,
―məktubunu aldım. Qəmli, xəstə gözlərimə işıq gəldi‖
2
.
―Şagirddən müəllimə‖ sözləri ilə başlanan başqa bir məktubda
isə Cavid gözlərinin yaxşı olduğunu sevinclə xəbər verir.
―Gözlərimin xəstəliyi yaxşıdır. Görmək allahın insana bəxş
etdiyi ən böyük nemət imiş‖ — deyə sözlərinə onu da əlavə
edir ki, ―mənə tez-tez məktub yazın. Mən sizin şagirdinizəm və
həmişə çalışıram ki, sizdən bir söz eşidəm, öyrənəm‖
3
.
1
Rəf, arx. 7, Q-3 (272).
2
Yenə orada, arx. 7, Q-3 (270).
3
Yenə orada, (271).
43
Məzmunundan aydın olur ki, bu iki məktub 1898-ci il tarixli
məktubdan əvvəl yazılmışdır. Çünki Cavid gözlərini müalicə
etdirmədən mədrəsəyə daxil ola bilməzdi.
Cavidin Sidqiyə məktublarının çoxu farsca yazılmışdır. Bu
məktublar şairin fars ədəbi dilinin bütün incəliklərinə vaqif
olduğunu göstərməklə bərabər, onun o zamankı siyasi-ictimai
görüş dairəsini, eləcə də İran və Cənubi Azərbaycan həyatına
baxışını əks etdirir. Məktubların, demək olar ki, hamısında
Cavid Cənubi Azərbaycanın siyasi, ictimai və inzibati
həyatından çox şikayət edir, narazı qaldığını bildirir. İran
dövlət başçılarının özbaşınalıqları, öz şəxsi mənafeləri xatirinə
ölkəni göz-görəti xarici işğalçıların tapdağına çevirmələri
Sidqinin şagirdini çox narahat edir. Xüsusən Cənubi
Azərbaycanın bir tərəfdən İran istibdadının, digər tərəfdən
ingilis imperializmi və rus çarizminin təzyiqi altında olması,
xalqın öz azadlığını itirməsi gənc şairi çox düşündürür. O bu
vəziyyətin dözülməz olduğunu öz müəlliminə bildirir. Bu
cəhətdən Cavidin Urmidən Sidqiyə göndərdiyi hicri 1321-ci il
2 cəmadiyələvvəl (1903) tarixli məktubu çox səciyyəvidir.
Məktubda oxuyuruq: ―...Rəbiyələvvəl ayının 13-də Urmiyə
gəldim. Bu şəhərdə mənə böyük şadlıq üz verdi... Urmini
İranın şəhərləri ilə müqayisə etmək olmaz. Bu şən şəhər
Azərbaycan şəhərlərinə xüsusilə oxşayır. Bu şəhərin İran
şəhərlərinə dəxli yoxdur‖. ―...Urmi bir torpaqdır ki, Rumun
parçalarındandır. Özü gözəl şəhər, camaatı da safqəlbli, sadə
adamlardır. Ticarət və sənayedə mahirdirlər, kəsbi-ticarətdə
qabil, tərəqqi və mədəniyyətə maildirlər... Amma təəssüflər
olsun ki, ingilis və rus (çar Rusiyası. — Red). təzyiqi yerli
əhalinin azadlıq səsini batırmışdır‖. Cavid bu əsarətin əsas bir
səbəbini ―qeyrətsiz‖, ―namussuz‖ İran dövlət başçılarının
xəyanəti və kütbeyinliyi ilə izah etdikdən sonra yazır ki,
ingilislər və rus çarı özlərinin şəxsi mənafelərini güdürlər,
özlərinin mövqelərini möhkəmləndirməyə səy edirlər... Şəhərin
hər tərəfində nə qədər gözəl, abad yerlər var, harada yaxşı
44
yaylaqlar var, — ingilislərin əlindədir... Onlar burada öz
mövqelərini möhkəmləndirmək üçün qalalar, istehkamlar
tikdirir, camaatın gözündə onları kilsə kimi göstərirlər...‖
1
.
M.T.Sidqinin şəxsi arxivində mühafizə olunan iranlı və
cənublu dostlarından alınmış bir çox məktublar və Sidqinin
onlara yazdığı cavablar aydın göstərir ki, bu illərdə
Azərbaycanın hər iki hissəsində ölkəni ingilis və çar işğalı
təhlükəsindən, İran istibdadı zülmündən xilas etmək yollarını
axtaran müəyyən qrup ziyalılar varmış ki, onlar müxtəlif
yollarla, o cümlədən şəxsi məktublaşma yolu ilə bir-birilə
fikirlərini bölüşdürmüşlər. Məsələn, hicri 1320 (1902)-ci ildə
Naxçıvandan Q.Şərifov tərəfindən Xosrov Nasirülmülkə (Əmir
Tuman Xosrov xan Nasirülmülk) yazılan bir məktubda
deyilirdi ki, ―Vətənin istiqlalı bizim ən böyük arzumuzdur.
Başımızda olan bu sevda yalnız başımız bədənimizdən
ayrıldıqdan sonra bizi tərk edə bilər. Millətlər iri qədəmlərlə
tərəqqi etdikləri halda, bizim millət zəlil və xar olmaqdadır.
Xarabazara çevrilmiş vətənin dözülməz vəziyyəti getdikcə
onun səhhətini daha da kökündən sarsıtmaqdadır... Bəli, vətən
mədəsi pozulmuş, əlacı çətin olan xəstələrə bənzəyir.. Bu
xəstənin yaxası cahil və nadan təbiblər əlindədir. Nə qədər
onun səhhəti haqqında düşünürüksə, məlal və hüznümüz o
qədər artır. Vətən başçılarımızın başı qumara və qəhbələrə
qarışmışdır. Vətən nə vətən, tfu belə vətən başçılarının
üzünə!‖
2
Cavidin məktublarından hiss olunur ki, gəncliyində,
20-21 yaşlarında ikən o da zalımlara nifrət edən qabaqcıl
ziyalılar qrupuna rəğbət bəsləyirmiş.
Cavidin Urmidən yazdığı başqa məktubları da vardır. Onun
Sidqinin vəfatı münasibətilə ―Şərqi-rus‖ qəzetinə göndərdiyi
və:
Əz cahan rəft həzrəti-Sidqi
1
Rəf, arx. 7, Q-3 (296).
2
Rəf, arx. 7, Q-3 (296).
45
Səd Həzardan driğ, səd əfsus!
1
— beyti ilə başlanan farsca şeiri də Urmidən göndərilmişdi.
Bunlardan əlavə yaradıcılığının son dövrlərində yazdığı ―Kor
Neyzən‖ şeirində Cavidin Urmi şəhərini və onun təbii
gözəlliklərini məhəbbətlə təsvir etməsi göstərir ki, şair Urmidə
bir neçə dəfə olmuş, bu gözəl Azərbaycan şəhəri ilə çox
maraqlanmışdır.
Cavid Cənubi Azərbaycanda 1898-ci ldən 1903-cü ilin may
ayına qədər qalmışdır. 1903-cü ilin iyul ayında o, ali təhsil
almaq məqsədilə İstanbula gedir. Həmin ildə Batumdan
Məhəmmədəli Sidqiyə yazılmış bir məktubdan da Cavidin
1903-cü ildə Türkiyədə olduğunu öyrənərik. Məktubda deyilir
ki, ―Sidqinin şagirdlərindən Hüseyn Rasizadə bu saat
İstanbulda təhsili-elmdədir‖
2
. Lakin İstanbulda Cavid ağır
xəstələndiyindən təhsilini davam etdirə bilmir. 1904-cü ildə o,
Naxçıvana qayıdır, bir müddət burada qalıb sağaldıqdan sonra
Bakıya gəlir və 1905-ci ilin mart-aprel aylarında Bakıda qalır.
Onun bu aylarda Bakıda olduğunu şair A.Şaiq də ―Mənim
həyatım‖ əsərində təsdiq edir. O yazır ki, ―Cavid ilə 1905-ci
ildə tanış oldum. O zaman Bakıya siyahət üçün gəlmişdi...‖
3
1905-ci ilin may ayında Cavid ikinci dəfə İstanbula gedir.
Şairin məqsədi darülfünuna daxil olmaq, ali təhsil almaq idi.
Lakin orta təhsil haqqında rəsmi vəsiqəsi olmadığından bu
məqsədə birdən-birə nail ola bilmir. Əvvəlcə 5-6 ay orta
məktəb proqramı üzrə hazırlaşıb, imtahan verməli olur. Ancaq
bundan sonra o, darülfünunun ədəbiyyat şöbəsinə daxil ola
bilir. İstanbuldan yazdığı bir məktubda şair bu xüsusda
1
Sidqinin vəfatı münasibətilə Cəlil Məmmədquluzadənin yazdığı məqalədə də bu şeirin bir
misrası işlənmişdi: ―...Getdi Həyatdan Həzrəti-Sidqi. Amma çox zamanlar çəkər ki, mərhumun
adı vətəndaşlarımızın yadından fəramuş ola. Çox zamanlar maarifpərvər həmşəhərlilərimiz
deyəcəklər: ―Səd həzaran driğ, səd əfsus‖ (―Şərqi-rus, 1903). Həmin ildə M.S.Ordubadi də
―Maddeyi-tarixi-vəfati-Məhəmməd Tağı Sidqi sərlevhəsi ilə bir şeir yazmışdır. Rəf, arx. 7, Q-2
(157).
2
Rəf, arx. 25, Q-4 (342.)
3
A.Şaiq. ―Mənim həyatım‖, şəxsi arxivi.
46
dostlarına belə bir izahat verir: ―Ta ramazana qədər beş-altı ay
ə’dadi proqramını ikmala çalışırdım... Sonra ramazanda
darülsənaye istid’a təqdimi ilə ədəbiyyat şöbəsinə qeyd və
qəbul olundum‖.
Türkiyədən yazdığı məktublarından görünür ki, Cavid ali
məktəbə hazırlaşdığı zaman bir neçə ay müddətində həftədə
bir-iki saat Türkiyə şairi və filosofu Rza Tövfiqin də yanında
oxumuşdur. 1905-1906-cı illərdə Rza Tövfiq Şərq
ədəbiyyatında olan təsəvvüf cərəyanlarının tədqiqi ilə məşğul
idi. Bu tədqiqat çox böyük bir səmərə verməsə də, o zaman
ədəbiyyatla məşğul olan gəncləri, tələbələri maraqlandırırdı.
Bu tədqiqatla Cavid də maraqlanmışdı. Lakin bu maraq və
Cavidin Rza Tövfiqdən dərs alması uzun sürməmişdi. Bu fikri
şairin öz sözləri də təsdiq edir. O, məktublarının birində yazır:
―...Ə’dadi proqramını ikmala çalışır və ...filosof Rza Tövfiq
bəydən həqayiqə aid bir-iki dərs proqram xaricində
oxuyurdum... Sonra iş iş üstündən aşdı-daşdı, dərsə vaxt
qalmadı‖.
Cavidin oxuduğu İstanbul darülfünunun ədəbiyyat şöbəsi
üçillik idi. Şair təhsil məsələsinə çox ciddi, şüurlu münasibət
bəsləyirdi. Birinci sinifdə oxuduğu halda, 2-ci sinfin də
dərslərinə davam edirdi. Bu illərdə yazılmış məktubların
birində deyilir: ―...Məktəbimiz üç sənəlik və üç sinifdən
ibarətdir... Birinci sinifdə oxuyuram. Fürsəti fövt etməmək
üçün ikinci sinfin də dərslərinə davam edirəm‖. Sonra şair
əlavə edir ki: ―Mənə elm lazımdır, şəhadətnamə lazım
deyildir‖.
Məktublarda darülfünunun ədəbiyyat şöbəsində keçilən
dərslər haqqında da məlumat vardır. Bu dərslərdən Cavid
aşağıdakı fənləri qeyd edir: ümumi tarix, siyasi-tarixi
coğrafiya, osmanlı ədəbiyyatı tarixi, fars ədəbiyyatı tarixi,
ümumi
ədəbiyyat tarixi, fəlsəfənin əsasları, məntiq.
Məktublarda şair həmçinin ―1-ci sinifdə gündə bir saat
fransızca, iki saat türkcə‖ dərs keçdiyini qeyd edir.
47
Cavid əcnəbi dillərdən almanca və ingiliscəni də öyrənməyə
çox səy etməsi, ancaq darülfünunda bu mümkün olmamış,
xüsusi müəllimlərdən də dərs almağa maddi vəziyyəti imkan
verməmişdir. Məktublarının birində Cavid bu xüsusda yazır:
―Bir əcnəbi lisanını mükəmməl bilməyə... əcnəbilərin özləri
kimi yaxşı bilməyə ehtiyac vardır‖. Məktublardan görünür ki,
rus dilini mükəmməl öyrənməyə Caviddə həmişə xüsusi həvəs
olmuşdur. O, Q.Şərifova yazır: ―Ən məsləhətlisi budur ki,
ruscanı mükəmməl öyrənməyə çalışalım‖. Yenə başqa bir
məktubda Q.Şərifovdan xahiş edir ki, qafqaza qayıtdıqdan
sonra ona elə bir yerdə, mümkün olsa Tiflisdə, müəllimlik işi
tapsın ki, orada rus dilini mükəmməl öyrənməyə şərait olsun.
Bunlardan sonra şair: ―Mən dərs verdiyim yerdə gecələri bir
tərbiyəli rus ailəsi içərisində yaşamağı arzu edirəm‖ deyir. Hə-
lə 1906/7-ci illərdə Cavid məktublarında qeyd edirdi ki, ―rus
dilində az-çox yazı-pozu bacarıram‖. Bu sözlərdən aydın olur
ki, şair rus dilini gənc yaşlarından bilirmiş. Onun məqsədi bu
dili daha mükəmməl öyrənmək imiş. Bunlardan əlavə
məktublarının birində şair Tiflisdə bir müddət rus zabitlərinə
dərs dediyini, onlara Azərbaycan dili öyrətdiyini də qeyd
etmişdir. Şübhə etmək olmaz ki Cavidin bu vəzifəni qəbul
etməkdən məqsədi, hər şeydən əvvəl, yenə rus dilini ruslarla
yaxın əlaqədə yaxşı öyrənmək imiş.
Türkiyədə Cavid çox ağır maddi çətinliklərə, məh-
rumiyyətlərə məruz qalmışdı. O, bir məktubunda əlində olan
―3-5 lirədən yeyə-yeyə (daha doğrusu həftələrlə pendir-çörəklə
qənaət edərək) kəmali-səfalətlə ömür sürdüyündən‖ acı-acı
şikayətlənirdi. Bununla belə şair məktublarında dönə-dönə
dostlarına hiss etdirirdi ki, bu ağır vəziyyət, məhrumiyyət heç
də onu mənəvi köləliyə sövq edə bilməmiş, ―biliyini satmağa‖,
istibdada xidmət etməyə, həqiqətdən ayrı düşməyə məcbur edə
bilməmişdir. O, məktublarının birində bu xüsusda yazırdı:
―Mən hamballığı, xidmətkarlığı pək ziyadə sevirəm. Fəqət
böylə bir dövri-hürriyyət və zəmani-səadətdə biliyimi satmaq,
48
əsir olmaq istəməm. Əsir olduğum bir şey varsa, o da həqiqət
və yenə həqiqətdir. Əsarət zəncirinə bağlanmaq, o müləvvəs
qeydini çəkməyə razı olmayıram‖.
Cavid çirkin ―əsarət zənciri‖ dedikdə Əbdülhəmid irticasını
nəzərdə tuturdu. Şairin tələbə ikən Türkiyədən yazdığı başqa
məktublarda Əbdülhəmid istibdadını kəskin tənqid etməsi bu
fikri çox aydın sübut edir. Bu məktubların birində Cavid
Türkiyədə siyasi azadlığın, söz, fikir və vicdan azadlığının
amansızcasına boğulduğundan bəhs edərək yazır ki, Türkiyədə
―istiqlala dair bir söz belə oxunması və qonuşulması pək
məmnu olub, artıcaq mahaldır... Əcnəbi poçtları vasitəsilə azad
ruhlu qəzet almağa mane olurlar... Ən irəli gəlmiş məktəblər
əsgəri və tibbi məktəblərdir... Azad ruhlu müəlliflərin kitabları
qadağandır. Qiraətxana yoxdur‖.
Əbdülhəmid irticası dövründə din təbliği, təəssübkeş
ruhanilərin fəaliyyət istdabdadın əsas dayaqlarından biri idi.
Panislamizm təbliği geniş yayılmışdı. Bütün bunlar ölkədə
müasirləşməyə, tərəqqiyə böyük əngəl olmuşdu. Mürtəce
mətbuatda din və şəriətlə elmi bir növ barışdırmaq meylləri çox
qüvvətli idi.
Cavidin məktublarından aydın görünür ki, o bu mürtəce
təbliğatın əleyhinə olmuş, din və şəriətlə elm və maarifin bir-
birinə zidd, düşmən olduğunu hələ tələbəliyində dərk etmişdir:
―Əmmamə, came, məsəleyi-xilafətlə mədəniyyət, həmiyyət,
tərəqqi kəlmələri bir-birinə qarışaraq məhəssilə təşkil edəcəyini
və ya edə biləcəyini düşünərkən bütün-bütün bir xəyal, bir
kölgə, bir namütənahilik və heçlik qarşısında bulunduğuma heç
şübhə etmirəm... Heç bir şeyin göydən zənbil ilə nazil
olacağına inanmıram‖.
Məktublarının birində Cavid yazır ki, ―Türkiyədə iranlı və
başqalarına şübhə ilə yanaşırlar‖. Bu ―şübhəli‖ ziyalılardan biri
də Cavid idi. Məktublarında şair İstanbulda qafqazlı ziyalılarla
yaxın, sirdaş olduğunu, daim onların mühitində dolaşdığını da
tez-tez qeyd edir. Bu məktubların birində şair İstanbulda
49
Validəxanədə çoxlu qafqazlı tələbələrin yaşadığını, özünün də
həmin Validəxanədə bir evdə kirayə ilə yaşadığını və hər
həftənin cümə günləri qafqazlı yoldaşlarla birlikdə bir yerə
toplaşıb
qəzet
oxuduqlarını
yazır:
―Cümə
günləri
arkadaşlarımız qafqazlılarla bir yerdə oluruq, ―Həblül-mətin‖
və s. qəzetləri oxuyuruq‖.
Məktublarda Cavidin Türkiyədə olduğu illərdə daim öz
vətəni haqqında düşündüyünü, mümkün qədər təhsili tez
bitirib, vətənə qayıtmaq arzusunda olduğunu göstərən parçalar
da çoxdur. Şair başqa ölkələrdən Türkiyəyə gəlib, tamamilə
―osmanlılaşan‖, ―türkiyəli olub gedən‖ və öz vətənlərini
unudan ziyalılara, onların aqibətinə gülür, bu yolun yanlış
olduğunu söyləyir. Q.Şərifova yazılmış bir məktubda deyilir:
―Burada mən 3-4 sənə qədər dəxi oxuya bilərəm... Lakin
validəm, vətənim, vətəndaşlarım bütün-bütün unudulacaq bir
hala gəlir. Şimdi burada minlərcə iş başında tatar, türküstanlı,
qafqazlı və krımlı var ki, təhsillərini ikmal etdikdən sonra
istanbullu... olub getmişlər. Bu, məncə pək gücdür... İndi əsil
məqsəd vətənə xidmət, həm də
layiqincə xidmət etməkdir‖.
Məktubun axırında şair öz dostundan xahiş edir ki, indidən ona
vətəndə bir müəllimlik yeri tapsın ki, gələndə işsiz qalmasın.
Türkiyədən yazılmış məktublarda həmçinin o zaman
Cavidin dünyagörüşündə olan ziddiyyətlər, tərəddüdlər, şairin
inqilaba münasibəti, maarif və mədəniyyət haqqında fikirləri də
öz əksini tapmışdır. Məktublardan aydın olur ki, Türkiyədə
olduğu illərdə Cavid 1905-ci ildən etibarən bütün Şərqdə,
Asiyada və şərqi Avropada başlanan siyasi azadlıq hərəkatının,
burjua-demokratik inqilabların böyük tarixi əhəmiyyətini və
mütərəqqi rolunu aydın təsəvvür etməmişdir. O, ümumiyyətlə
inkişaf üçün sadəcə maariflənməyi, mədəniləşməyi yeganə yol
hesab etmişdir. Cavid vətəni Azərbaycanın parlaq gələcəyi
üçün görüləcək işlərdən bəhs edərək yazırdı ki, ―Bizə yalnız
məktəb lazımdır. Bütün inqilabati-mədəniyyə həp məktəb
məhsuludur‖.
50
Cavid ümumiyyətlə Şərqin, o cümlədən də Azərbaycanın
geriliyinin əsas ictimai səbəblərini görə bilmirdi. Ona elə
gəlirdi ki, əsarətə və mədəni geriliyə səbəb ancaq şəriət,
mövhumat və mollalardır. Buna görə o, məscidin dövlətdən
ayrılması ideyasını müdafiə edir, ziyalıların başlıca vəzifəsini
məktəblərdə dünyəvi elmləri əsaslandırmaqda görürdü: ―Bizim
vəzifəmiz ancaq kiçik-kiçik məktəblər açmaq, riyaziyyat,
təbiət, tarix, elmi-bəşər dərsləri oxutmaqdır, şəriət dərslərini isə
mollalara buraxmaqdır‖.
Bu illərdə Cavid gözü qarşısında cərəyan edən Türkiyə
inqilabına da yabançı idi. Onun, Əbdülhəmid istibdadına qarşı
mübarizə aparan inqilabçı türk gənclərinə münasibəti aydın
deyildi. Hətta Əbdülhəmidin süqutundan sonra da belə hesab
edirdi ki, ―minlərcə ədəbsizliklərdə bulunan Əbdülhəmidi
yıxan, məhv edən öz açdırdığı məktəblər oldu‖.
Demək, əvvəlcə məktəb, maarif, təkamül, tərəqqi, sonra da
inqilab! Cavid belə düşünürdü. O, mədəni tərəqqini ―bütün
işlərin əsası, kökü‖ hesab edirdi. Cavidə görə, iranlıların və
qafqazlıların əsarətdə, köləlikdə yaşamasının da yeganə səbəbi
müasir mədəniyyətdən geridə qalmalarıdır. Bu nöqteyi-nəzər-
dən də Cavid İranın və Qafqazın gələcəyini hələ bir 20-30 il
çox qaranlıq görürdü: ―Bəndəniz iranlıların və Qafqazın hənuz
mədəniyyətə yaxlaşmayan tərəflərinin gələcəyini 20-30 sənə
qədər çox zəhmətli və qaranlıq görürəm. Neçin? —
deyəcəksiniz. Çünki əsas yoxdur, əsas! Əsası, kökü bərkitmək
üçün də yalnız evolyusion, qanuni-təkamülə ehtiyac vardır.
İşdə əsas olmaz isə, inqilab heç bir fayda verməz. Fəqət
bununla belə mən Qafqazın istiqbalını İrana nisbətlə daha
ziyadə parlaq görürəm‖.
Qafqazın istiqbalı haqqında bu sözləri dedikdə də Cavid heç
də Qafqazdakı inqilabi hərəkatı deyil, burada maarif və
mədəniyyət işlərinin İrana nisbətən daha irəli getdiyini nəzərdə
tuturdu.
Bu illərdə Cavidin görüşlərində ən ciddi nöqsanlardan biri
51
1905-ci il inqilabını, onun Şərqə təsirini, eləcə də Azərbaycan
inqilabını düzgün qiymətləndirə bilməməsi, ölkənin istər
şimalında, istərsə də cənubunda baş verən və bütün mədəni
dünyanın diqqətini cəlb edən inqilabi hərəkata laqeyd qalması,
hətta təkamül nəzəriyyəsini bu inqilabi hərəkata qarşı qoy-
ması idi.
Yeni əsri Cavid əsarət və cəhalət zənciri əleyhinə çevrilmiş
―həqiqət əsri‖, ―dövri-hürriyyət‖, ―zəmani-səadət‖ uğrunda
mübarizə əsri adlandırırdı. Heç şübhəsiz ki, bunlar birinci rus
inqilabından alınan müəyyən müsbət təsirlərin nəticəsi idi.
Bununla belə Cavid belə güman edirdi ki, bu yeni həqiqət
əsrini yaradanlar ellərin gücünü qollarında toplamış olan
səttarxanlar deyil, ―evolyusion‖ tərəfdarı gimnazistlər
olacaqdır.
Türkiyədə oxuduğu illərdə Cavid böyük həcmli bir əsər
yazmamışdır. Onun burada yazdığı əsərlər bir neçə lirik,
sentimental şeirdən ibarət olmuşdur. Şairin vətənə qayıtdıqdan
bir neçə il sonra Türkiyə həyatından yazdığı ―Uçurum‖, ―Afət‖
əsərləri də göstərir ki, o, İstanbulda onunla birlikdə ali
məktəbdə oxuyan zadəgan balalarının həyatını bəyənməmiş, bu
həyata kəskin tənqidi münasibət bəsləmişdir. Lakin Türkiyədə
olduğu illərdə şair, yuxarıda qeyd etdiyimiz kimi, Əbdülhəmid
istibdadına qarşı mübarizə aparan inqilabçı gənclərə də yaxın
olmamışdır.
1909-cu ildə Cavid Naxçıvana qayıdır. O burada hər nə
qədər bir işdən yapışmağa səy edirsə də, müvəffəq olmur;
əlacsız qalıb öz evində məktəb açır, müxtəlif səviyyəli
şagirdlərə dərs deməklə keçinməli olur. 1900-1910-cu illərdə
Caviddən xüsusi dərs alan görkəmli səhnə ustası, professor Rza
Təhmasib şairin öz şagirdləri ilə həvəslə çalışdığını xatırlayır.
1910-cu illərdə Naxçıvanda ikən Cavid birpərdəli ―Ana‖
pyesini, ―Məsud və Şəfiqə‖ və bir sıra başqa şeirlərini yazır.
―Məsud və Şəfiqə‖ 1909-cu il dekabr ayında Bakıda ―Həqiqət‖
qəzetində nəşr olunur.
52
1911-ci ildə Cavid Tiflisə gedib, 1912-ci ilin axırlarına
qədər orada qalır. Şair Tiflisdə də daimi bir iş yeri tapa bilmir,
ancaq böyük qardaşının cüzi yardımı ilə yaşamalı olur.
Vəziyyətin ağırlığına baxmayaraq, şair bu illərdə çox
məhsuldar işləyir: ―Şeyx Sənan‖ faciəsi üzərində çalışır, ―Bir
xatirə‖ adlı lirik poemasını, ―Öksüz Ənvər‖, ―Gecəydi‖ və bir
sıra başqa şeirlərini yazır. Professor R.Təhmasib 1912-ci ildə
Cavidin ona ―Şeyx Sənan‖ əsərindən bir neçə səhnə oxuduğunu
söyləyir və 1911-12-ci illərdə Tiflisdə ikən ―Şeyx Sənan‖ əsəri
ilə ciddi məşğul olduğunu, bu əfsanə ilə əlaqədar olaraq tez-tez
monastıra getdiyini, orada rast gəldiyi qocalarla söhbət etdiyini
xatırlayır.
1912-ci ildə Cavidin Tiflisdə olduğunu həmin ilin sentyabr
ayında İsmayıl Həqqinin Tiflisdən Bakıya, Məhəmmədəli
Sidqiyə yazdığı bir məktub da təsdiq edir. Məktubda deyilir ki,
―Hüseyn Cavid bu saat oturub qabağımda, onun nurani üzünə
baxıb ləzzət aparıram. Sizə salam yetirir‖
1
.
Qori seminariyasını bitirib, uzun müddət Naxçıvanda, sonra
da Tiflisdə müəllimlik etmiş, hazırda təqaüddə olan müəllim
Xəlil Hacılarov da Cavidin 1911-12-ci illərdə Tiflisdə
yaşadığını, işsiz olduğunu, tez-tez ona rast gəldiyini və həmişə
də pərişan, qayğılı göründüyünü, maddi cəhətdən çox ağır
vəziyyətdə olduğunu xatırlayır.
1912-ci ilin axırlarında Cavid yenə daimi bir iş yeri
axtarmaq məqsədilə Gəncəyə gedir. Burada bir neçə aylığa
müəllimlik yeri tapırsa da, az sonra işdən çıxarılır. Şair əlacsız
qalıb, Gəncə dəmiryolunda mühasiblik edir. Cavidin Gəncədə
mühasiblik etdiyini H. Zeynallı da bir məqaləsində qeyd edir.
Cavidin öz ixtisasına görə daimi bir iş yeri tapa bilməməsi
təsadüfi deyildi. Bu, hakim dairələr tərəfindən məktəblərdən
azərbaycanlı müəllimlərin amansızcasına sıxışdırıldığı illər idi.
Məsələn, 1912-ci ildə Naxçıvandan rus dili müəllimi Mirzə
Cəlil Mirzəyev (Şürbi) Bakıya yazmışdı ki, ―Məktəbdən məni,
1
Rəf, arx. 25, Q-1 (30).
53
Mirzə Məhəmmədi və Mirzə Həbibi kənar ediblər... Məlum
oldu
ki,
Türkiyə-Rusiya davası münasibətilə bizdən
bədgümanlıq var‖
1
.
Gəncədə mühasib olduğu aylarda Cavid ―Maral‖ faciəsi
üzərində işləyib, 1913-cü ilin yanvarında əsəri tamamlayır.
Faciənin birinci pərdəsinin remarkasındakı ―hadisə Qafqaz
şəhərlərindən birində vaqe olur‖ sözləri də, çox güman, Gəncə
şəhərinə işarədir.
1913-cü ilin əvvəllərində Cavid yenə Tiflisə qayıdır. Burada
vaxtilə Mirzə Şəfi, M.F.Axundov və X.Abovyanın dərs dediyi
binada yerləşmiş məktəbdə fars dili müəllimi vəzifəsini tutur.
Şairin Tiflisə bu yeni səfəri uğurlu olur. Fevral ayında Tiflis
gürcü şirkəti mətbəəsində onun 1910-cu ildə yazdığı ―Ana‖
pyesi, may ayında isə ―Şərq‖ mətbəəsində ―Keçmiş günlər‖
adlı ilk şeir məcmuəsi nəşr olunur. Bu məcmuənin ―Keçmiş
günlər‖ adlandırılması təsadüfi deyildi. Burada şairin həqiqətən
keçmişdə, 1905-1909-cu illərdə yazdığı bəzi şeirləri
toplanmışdı. Kitabın sonunda belə bir təvazökar qeyd də vardı
ki, ―Keçmiş günləri‖ şairanə bir nəzərlə gözdən keçirənlər şeirə
bənzər dəyərli bir şey bulamazlar. Şu yarpaqlar yalnız hekayə
və həsbhal tərzində qaralanmış bir takım parçalardır‖
2
.
Çox güman ki, ―Ana‖ və ―Keçmiş günlər‖i Cavid 1911-ci
ildə Tiflisə gəlirkən nəşriyyata vermiş, ancaq əsərlər sonra,
1913-cü ildə nəşr
edilmişdir. ―Keçmiş günlər‖ şeir
məcmuəsinin axırında müəllifin həmin ildə çapa hazırladığı
əsərlər haqqında məlumat verilmişdi. Bu əsərlər ―Maral‖
faciəsindən, ―Bahar şəbnəmləri‖ adlı şeir məcmuəsindən və
sonralar ―Şeyda‖ adlandırılan ―Rəmzi‖ adlı faciədən ibarət idi.
Arxiv materiallarından həmin ildə Cavidin nəşrə hazırladığı bu
əsərlərdən ikisini çap olunmaq üçün Bakıya Orucov qardaşları
nəşriyyatına göndərdiyini öyrənirik. 1913-cü ildə Məhəmməd
Əsgərov Tiflisdən Suraxanıya, Məhəmmədəli Sidqiyə gön-
1
Rəf, arx. 25. Q-2(33)
2
H. Cavid. Keçmiş günlər, Tiflis, ―Şərq‖ mətbəəsi. 1911, səh. 24.
54
dərdiyi məktubda dostuna yazır ki, ―Hüseyn Cavidin işinin
dalısınca olginən. Orucova o iki kitabı verdinmi?‖
1
. Çox
ehtimal ki, bu iki kitab ―Maral‖ və ―Bahar şəbnəmləri‖
məcmuəsi imiş. Bu əsərlərin ancaq 1917-ci ildə nəşr edildiyi
bizə məlumdur. Görünür, bütün səylərinə baxmayaraq, şair bu
iki əsəri 1917-ci ilə qədər çap etdirə bilməmişdir.
1913-cü
ilin
sentyabrında Cavid Tiflisdən Bakıya
Məhəmmədəli Sidqiyə göndərdiyi bir məktubda sevinclə,
nəhayət iş yeri tapdığını, müəllimliyə qəbul edildiyin yazırdı
2
.
1913-cü ilin tətil aylarını Cavid Naxçıvanda keçirir. Şair
buradan iyul və avqust aylarında Bakıya, Hüseyn Minasazova
və M.Ə.Sidqiyə göndərdiyi məktublarda M.Ə.Sidqidə olan
―Şeyx Sənan‖dan çox danışır və dönə-dönə ―Şeyx Sənan‖ı ona
göndərməsini xahiş edir. Bu ―Şeyx Sənan‖ın Cavidin
əlyazmasımı, ―Şeyx Sənan‖ əfsanəsinə aid başqa bir əsərin və
ya qeydlərin olduğunu müəyyən etmək mümkün olmur. Hər
halda məktubdakı həyəcanlı tələblər aydın göstərir ki, 1913-cü
ilin tətil aylarında Naxçıvanda olan Cavid 1912-ci ildə Tiflisdə
ikən başladığı ―Şeyx Sənan‖ faciəsi üzərində həvəslə
işləyirmiş.
1914-cü ilin birinci yarısında da şair ―Şeyx Sənan‖ üzərində
çalışmışdır. Bu faciənin bir çox variantı olmuşdur. Həmin
variantlar göstərir ki, Cavid əsər üzərində müəyyən fasilələrlə
dörd il işləmişdir. Son variant 1914-cü ilin axırlarında yazılıb
qurtarmışdır. Bunu A.Şaiqin xatirələri də təsdiq edir. Şaiq
1914-cü ildə ―Şeyx Sənan‖ı oxuduğunu və bəyəndiyini bildirir:
―...Mən gənc şairin arabir ―Tərəqqi‖ və ―Təzə həyat‖
qəzetlərində ―Salik‖ imzası ilə yazdığı mənzumələrini
oxuyurdum. Birpərdəli ―Ana‖ dramı mənə onun həm böyük
şair, həm də böyük dramaturq olacağı qənaətini bəxş edirdi.
1914-cü ildə ―Şeyx Sənan‖ faciəsini böyük bir həvəslə oxu-
muş, onun böyük müvəffəqiyyətini səmimi-qəlbdən təbrik
1
Rəf, arx. 25, 1915 (13).
2
Yenə orada, arx. 6, Q—3 (293).
55
etmişdim‖
1
.
Birinci imperialist müharibəsi, müharibənin törətdiyi
fəlakətlər Cavidin yaradıcılığına və dünyagörüşünə çox dərin
təsir göstərir. Şair öz səsini imperialist müharibəsinə qarşı
mübarizə aparan mütərəqqi qüvvələrin səsinə qoşur, imperialist
müharibəsinə qarşı bir çox qiymətli əsərlər yazır.
1915-ci ildə Cavid Bakıya gəlib 1916-cı ilin iyun ayına
qədər burada qalır. Bakıda o, ―Səfa‖ məktəbində Azərbaycan
dili dərslərini aparır, eyni zamanda bədii yaradıcılığını davam
etdirir. 1915-ci ildə Bakıda nəşr olunan ―Qurtuluş‖
məcmuəsinin birinci, ikinci və üçüncü nömrələrində ―Şeyx
Sənan‖ faciəsinin birinci və ikinci pərdələri nəşr olunur. 1917-
ci ildə may ayında ―Qardaş köməyi‖ məcmuəsində Cavidin
yanvar ayında yazdığı ―Hərb və fəlakət‖ şeiri çıxır. Həmin ildə
şair ―Uçurum‖ faciəsini bitirir.
A.Şaiq dostunun 1918-ci ildən ―İblis‖ faciəsi haqqında
düşünməyə başladığını, onun bu əsəri ―səssizcə‖ yazmağa
başladığını, 1919-1920-ci illərdə də bu əsər üzərində çalışdığını
ehtimal edib yazır ki, ―Cavid öz sənətini çox sevən, öz üzərində
çalışmağı bacaran şairdir. O, minlərcə göz önündə uçuşan möv-
zulardan yalnız ən çox sevdiyini, ruhuna və sənətinə ən çox
müvafiq gələnini yaxalar və onu bir müddət zehnində
hazırladıqdan sonra səssiz, kimsəyə sezdirmədən yazmağa
başlar. Ondan sormayınca hansı əsər üzərində çalışdığını
söyləməz, öz əsərini birdən-birə kamil surətdə meydana
çıxarmaq istərdi‖. Bu sözlərdən sonra şair əlavə edir ki,
―zənnimcə
―İblis‖
faciəsini
1918-ci
ildə
yazmağa
başlamışdır‖
2
.
Bakı kommunası dövründə, 1918-ci ildə ―Bakı ətrafı fəhlə,
əsgər və matros şurasının əxbarı‖ qəzeti 12-ci nömrəsində
Cavidin ―Hərb və fəlakət‖ şeirinin işlənmiş yeni variantını,
―Haqqını sən mübarizə ilə ala bilərsən‖ sərlövhəsi ilə çap
1
Rəf, arx. 25, Q-1 (30).
2
A.Şaiq. Mənim həyatım, şəxsi arxivi.
56
etmişdi.
Mart hadisələrindən bir neçə ay sonra Cavid Cənubi
Azərbaycana gedir, az sonra yenə Naxçıvana qayıdır. 1918-ci
ilin avqust ayında şair burada yoxsul kəndli ailəsindən olan
Mişkinaz ilə evlənir. O, dekabr ayına qədər Naxçıvanda qalıb,
―İblis‖ üzərində işləyir. 1919-cu ilin ortalarında Cavid
həmişəlik olaraq Bakıya köçür.
Azərbaycanda Sovet hakimiyyətinin qələbəsindən sonra
Cavidin həyatının yeni dövrü başlanır. Sosialist Bakısı, bütün
tərəqqipərvər yazıçılar kimi, Cavidi də qayğı ilə əhatə edir.
Teatrlar onun pyeslərini tamaşaya qoyur, əsərləri nəşr edilir.
Cavid ancaq bu illərdə özünə həmişəlik iş yeri tapa bilir. O,
teatr texnikumunda və Bakı darülmüəlliminində dil-ədəbiyyat
müəllimi təyin olunur, maarif işlərində, məktəblər üçün yeni
dərslik və proqramların tərtibində yaxından iştirak edir.
1920-25-ci illər arasında Cavid Azərbaycan Dövlət
Darülfünununda da müəllimlik edir. 1926-cı ildən etibarən şair
şəxsi təqaüdə çıxır, yalnız teatr texnikumunda həftədə bir neçə
saat dərs deyir.
Azərbaycanın yeni, azad həyatı Cavid yaradıcılığına çox
qüvvətli, müsbət təsir buraxır. 1926-cı ildən başlayaraq onun
yaradıcılığında və görüşlərində ciddi dönüş əmələ gəlir. Bu
zaman şair həyatda, məişətdə və şüurlarda əmələ gələn
yenilikləri, xalqın mədəni inqilab uğrunda mübarizəsini əks
etdirən ―Azər‖ poemasından parçalar nəşr etdirir.
1926-cı ildə Cavid dövlət hesabına Xalq Maarif
Komissarlığı tərəfindən Almaniyaya məzuniyyətə göndərilir.
Səfər ərəfəsində şairə belə bir şəhadətnamə verilmişdi:
―Bu şəhadətnamə verilir Azərbaycan şairi Hüseyn Cavid
Rasizadəyə ondan ötrü ki, şair Azərbaycan Xalq Maarifi
komissarının tərəfindən müasir Avropa ədəbiyyatını öyrənmək
və müalicə üçün 1926-cı ilin aprel ayının 10-dan oktyabrın
birinə qədər Berlin və Parisə göndərilir.
Xalq Maarif komissarı: müavini: Cəlil Məmmədzadə.
57
Katib: R. Hüseynov‖.
Şair aprelin 10-dan oktyabrın birinə qədər Almaniyada olur,
eyni zamanda, burada gözlərini və qara ciyərini müalicə etdirir.
O, Parisə gedə bilmir.
Bu səyahətin Cavidə çox müsbət təsiri olur, onda burjua
cəmiyyətinə, imperialist fitnəkarlığına qarşı nifrəti daha da
gücləndirir.
Almaniya
müşahidələri Caviddə kapitalist
dünyasının
çürüməsi
haqqındakı
inamı
daha
da
möhkəmləndirir. Burjua əxlaqını, imperializm və müstəmləkə
zülmünü təsirli bədii boyalarla əks etdirən ―Azər‖in bir çox
parçaları və ―Dəli knyaz‖ əsərinin mövzusu bu səyahətin
nəticəsində yaranır. Şair ―Azər‖dən bəzi parçaları (―Qərbə
səyahət‖, ―Azad əsirlər‖, ―Mühacirlər yuvası‖, ―Nil yavrusu‖)
Berlində yazır.
Vətənə qayıtdıqdan sonra Cavid ―Azər‖i davam etdirməklə
bərabər, ―Knyaz‖ dramı üzərində çalışır və 1929-cu ildə əsəri
tamamlayıb teatra verir. Əsər müvəffəqiyyətlə tamaşaya
qoyulur.
1930-cu ildə Cavid cənubi azərbaycanlıların azadlıq
uğrunda mübarizəsindən bəhs edən ―Telli saz‖ dramını yazır.
Ümumiyyətlə 1929-1937-ci illər Cavid yaradıcılığının ən
məhsuldar dövrü olur. Şair bir-birinin ardınca ―Səyavuş‖
(1933), ―Şəhla‖ (1934), ―Xəyyam‖ (1935), ―İblisin intiqamı‖
(1936) və başqa əsərlərini yaradır. Cavidin şəxsi arxivi əldə
olmadığından hələlik onun tərcümeyi-halı haqqında bu qısa
məlumatla kifayətlənmək lazım gəlir.
Dostları ilə paylaş: |