Dərviş islam şəraitinin və islamdan doğan müəyyən dini
təriqətlərin əleyhinədir; üstəlik bütün dinlər, o cümlədən də
müsəlmançılıq, isəvilik, musəvilik də onun nəzərində
uydurmadan, əfsanədən başqa bir şey deyildir. O bu görüşlərini
Sənandan gizlətmir:
1
H.Cavid. Seçilmiş əsərləri, səh. 193-194.
112
Fəqət pəjmürdə bir səyyahi-zarim,
Şəriətdən, təriqətdən kənarim.
Həqiqət istərim, yalnız həqiqət!
Yetər artıq şəriət, ya təriqət!
Qulaq verməm mən əsla bir xitabə,
Pərəstiş eyləməm heç bir kitabə,
Əvət, quran, zəbur, incilü tövrat
Birər röya ki, zor təfsiri, heyhat!
1
Lakin Dərvişi, bu qəribə ―mütəfəkkiri‖, onun gö-
rüşlərindəki köhnəliyi yaxşı anlamaq üçün onun təbliğ etdiyi
fikirlərin mühüm bir cəhətinə də diqqət yetirmək lazımdır. O
da budur ki, Dərviş nəinki yalnız dinləri, təriqətləri, şəriəti
―birər röya‖, əfsanə hesab edir, eyni zamanda, bütün maddi
varlıq onun nəzərində bir heçdir, boşluqdur, maddi əsası
olmayan mənasız kölgələrdən, müvəqqəti təzahürlərdən ibarət
bir şeydir. O bütün dinləri, təriqətləri əfsanə adlandırırkən, eyni
zamanda, ―birər röya bütün əlvahi-aləm‖ deyir. Divanə
mütəfəkkir yalnız əsil allahın təzahürü zənn etdiyi ruhun
əbədiliyinə inanır, qalan bütün varlıq, həqiqi, obyektiv aləm,
onun bütün görünüşləri Dərvişin nəzərində ruhun, ideyalar
aləminin müvəqqəti təzahüründən başqa bir şey deyildir. Buna
görə də dünyaya, həyata bağlı olan insanların hamısı onun
nəzərində ―canlı cənazələr‖ kimi görünür və o mümkün qədər
dünyaya bağlı olan ―cinsi-bəşərdən uzaq‖ olmağa çalışıb,
özünü ―fövqəlbəşər‖ insan hesab edir, bütün arif adamları da
özü kimi insanlardan kənar gəzməyə, fövqəlbəşər insan
olmağa, ―allah kimi tək‖ olmağa çağırır ki, şübhəsiz, bu da bir
növ din, bir növ təriqətdir:
Nədir yalnızlıq? Anlarsan düşünsən,
Bu rəmzi get də sor, allahdan öyrən!
1
Yenə orada. səh. 189.
113
Əgər fövqəlbəşər olmaq dilərsən,
Kənar ol daima cinsi-bəşərdən!
Bu şaşqın xalqa əsla vermə zəhmət!
Fəqət yalnız bulun, ey tifli-hikmət?!
1
Dərviş Şeyx Sənanı da birinci görüşdə ona görə rədd edir,
bəyənmir ki, onda da həyata, varlığa müəyyən bağlılıq görür.
Bununla bərabər, Dərviş hələlik şöhrət, ehtişam, cəlal sahibi
olan Sənanın da öz görüşlərində möhkəm bərqərar olmadığını,
nəyi isə axtardığını, müəyyən hissləri, fikirləri ilə ―dərvişlərə‖
yaxınlaşdığını, lakin hələ tərəddüd etdiyini hiss edir:
Tərəddüd ruhüma həp gözlərində,
Çəkil get! Yox sədaqət sözlərində.
2
Doğrudan da, Şeyx Sənan bu halında hələ dinsiz, etiqadsız
deyildir. O, pərəstiş etmək üçün bir həqiqət, həm də ideal bir
həqiqət axtarır; elə bir həqiqət ki, ağlın dəlillərinə əsaslansın.
Bununla belə Sənanın qəlbində iki hiss, iki fikir çarpışır; onlar-
dan biri həyat eşqi, ikincisi son nəticədə yenə dini etiqadla
birləşən ruhani, ilahi, mütləq eşqdir.
Bu halında Şeyx Sənanda onu əhatə edən fanatiklərə görə
müəyyən mütərəqqi fikir əmələ gəldiyinə baxmayaraq, hələ
varlıq, onun mənası haqqında aydın və qəti bir təsəvvür, bir
qənaət yoxdur. Onun ikinci pərdənin birinci səhnəsindəki
monoloqunda Kür nəhrinin təsviri ilə əlaqələndirərək təbliğ
etdiyi şübhəçilik fəlsəfəsi bu fikri aydın təsdiq edir:
Hələ Kür nəhri başqa bir aləm!
Gecə məhtabə qarşı pək həmdəm.
Gah olur bir dərin sükutə varır,
Gah çağlar da bir fəğan qoparır.
1
H.Cavid. Əsərləri, səh. 190.
2
Yenə orada.
114
Çırpınır Kür boyunca pək dilbər
Quyu kül rəngli göy göyərçinlər.
İştə onlar: həp oynaşan, qoşuşan
Dalğacıqlardır oylə xəndəfişan.
O da bir karivan, axıb gediyor,
Bir ədəmgahə doğru əzm ediyor...
Bir səfərdir bu adəta məchul...
Qayə məchul, ibtida məchul...
İştə, insanların da halı budur,
Anlaşılmaz neçin gəlib gediyor?!
1
Deməli, Sənanın fikrincə hələ təbiət və insanların həyatı
anlaşılmaz, dərkedilməz, əvvəli-axırı məchul olan sirrlər
yuvasıdır.
Dərvişin fikirləri Şeyx Sənana çox dərin təsir göstərir. Qoca
səyyah onun nəzərində ―nadir, pək böyük zəkaya malik‖ olan
bir insana çevrilir. Sənan onu ―piri-mürşid‖ adlandırır. Dərvişin
sözləri, Sənanın köhnə yaralarını təzələyir, sanki özünü, öz
mənəviyyatını, mənliyini daha aydın dərk etməkdə ona kömək
edir, ona dini fanatizmdən qəti surətdə ayrılmağa yeni cəsarət
verir. Bu təsirlərin nəticəsi olaraq Sənan ətrafındakı
şeyxlərdən, müridlərdən ayrılır. Tək-tənha gəzib düşünmək
üçün o da dərviş kimi dalğın, düşüncəli halda Kür boyunca
irəliləyir. Bu ayrılıq həmişəlik bir ayrılıq olur.
Artıq indi istər-istəməz din təbliğatçısı vəzifəsini öhdəsinə
götürmüş əvvəlki Şeyx Sənan yoxdur. Onun yerində sadəcə
―pəjmürdə bir səyyahi-zar‖ vardır.
Gürcüstan səfərində əvvəlcə Dərvişlə, sonra da Xumarla
görüşən Sənan artıq ―başqa bir aləmə‖ daxil olur. Onun ikinci
pərdənin ikinci səhnəsindəki şeyxlərə dediyi aşağıdakı sözlər
də bunu təsdiq sdir:
Şeyxiniz hər nə varsa tərk etdi,
1
H.Cavid. Seçilmiş əsərləri, səh. 185-186.
115
Getdi, həp əski bənliyim getdi.
Yuxuda Xumar Sənanı ―yüksəl!‖ deyə behiştə, ―altun
qanadlı mələklərin gülüb-oynaşdığı şənliyə‖ çağırırdı. Real
həqiqətdə isə Sənan Xumarı təəssübkeş, dindar papaslar,
sərxoşluğa alışıb qadınını vərəmləndirən və yeganə qızını,
həyatdan küsdürən platonlar, qısqanc Anton və simonlar, ərə
getməyi ölüm hesab edən, monastıra qaçmaq arzusu ilə
yaşayan qızlar, ―yar-yar deyib gecə-gündüz ağlayan, gülər üz-
lə heç bir ömür sürməyən‖ gənclər arasında görür. Burada nə
―altun qanadlı mələklər‖ var, nə də onların şən, qayğısız
gülüşləri... Bunların əksinə, ―insaf, mərhəmət yox namərd
fələkdə‖ deyib sızlayanlar vardır. Burada ―həm hüsn, həm
elmi-kamal sahibi‖ olan Sənanın da mövqeyi alçalır. O ―düdük
çalıb masal söyləyən donuz çobanı‖ olur. Lakin o, mənəvi
cəhətdən yüksəlir, Sənanda dini şübhəçilik daha da qüv-
vətlənir, qətiləşir.
Bu səhnədə Cavid öz qəhrəmanını hər cür dini
təəssübkeşliyə, mövhumata qarşı yönəldilən oda-alova çevirir...
Sənan burada bütün dini müqəddəsatı ayaqlayır, ―hökmi-
quranı, dini, imanı‖ atır, İsanın göylərə çəkildiyini zənn
edənlərə acı-acı gülür, quranı yandırmağa hazırlaşır, şərab içir,
xaç asır. Şeyxin bütün bunlardan məqsədi isə özünün əsas bir
fikrini təbliğ etməkdir: bütün dinlər və dini ayrılıqlar əfsanədir,
xalqları bir-birindən ayrı salmağa çalışan azğınların
uydurmasıdır:
Birsə haqq, cümlə din də bir... naçar,
Xalqı yalnız ayırmış azğınlar.
1
Faciənin kulminasiya nöqtəsi və təbliğ etdiyi əsas ideya da
buradadır. Dördüncü pərdənin ikinci səhnəsində Dərvişlə
Sənan arasındakı aşağıdakı mükalimə də bu dini təəssübkeşliyə
1
H.Cavid. Seçilmiş əsərləri, səh, 204.
116
və ayrılığa qarşı mübarizə ideyasının əsərdə əsas ideya
xətlərindən biri olduğunu təsdiq edir:
D ə r v i ş
Bir səbəbsiz deyil bu hiddətü kin?
Ş e y x S ə n a n
İxtilaf — ixtilafi-məzhəbü din.
D ə r v i ş (yarimqəhqəhə ilə)
İştə gördünmü din nələr doğurur?
Nə bəlalər, nə fitnələr doğurur?
Din bir olsaydı yer üzündə əgər,
Daha məsud olurdu cinsi-bəşər.
1
Bu sözlər bizə klassik ədəbiyyatımızda dini təfriqəyə qarşı
aparılan tarixi, ənənəvi mübarizəni xatırlatmaya bilməz. Hələ
XIV əsr şairinin dediyi bu sözlər Sənanın və Dərvişin
mülahizələrinə nə qədər yaxındır:
Kəbəvü deyr
2
nədir, qeyr nədir, seyr nədir?
Məscidü bütkədəvü xirqeyi-zünnar
3
nədir?
Elm, quran, hədisü xəbərü vəz ilə dərs
Cümlə bir məni imiş, bunca bu təkrar nədir?
(N ə s i m i)
Dini mövhumata və dini təfriqəyə qarşı Sənanın apardığı
mübarizənin kəskinliyi göz qarşısındadır. Lakin bu tamamilə
1
H.Cavid. Seçilmiş əsərləri, səh, 249.
2
Deyr — xaçpərəstlərin məbədi.
3
Zünnar — xaçpərəstlərin bellərinə bağladıqları qurşaq.
117
etiqadsızlıq, allahsızlıqdırmı? Əlbəttə, yox.
Şeyx
Sənan,
həmçinin
Dərviş
Musanın,
İsanın,
Məhəmmədin gətirdiyi dinlərə şübhə edir, inanmır. O başa
düşür ki, dinlər insanları, xalqları bir-birindən ayrı salır,
bəlalar, fitnələr doğurur. Bununla belə Şeyx Sənan özü də
insanları, xalqları, millətləri bir-birinə mehriban edə biləcək,
bir-birinə qardaş edə biləcək başqa bir etiqad axtarır. Bu etiqad
dinə yox, müəyyən bir fəlsəfəyə əsaslansa da, hər halda yenə
etiqaddır. Bu da bir növ ilahi bir məhəbbət, ruhani bir eşqdir.
Doğrudur, bu ―ilahi məhəbbət‖ ideyasının qarşısında din, iman,
məzhəb, kəbə, monastır, incil, tövrat, quran və sair bir heçə,
əfsanəyə çevrilir; lakin əslində bu etiqad özü də başqa ruhlu bir
əfsanədir. Bu etiqad Şeyx Sənanı bir müddət həyata yox,
―üluhiyyətə‖, ruhlar, ideyalar aləminə aparıb çıxarır,
həqiqətdən uzaqlaşdırır. Sənan hər nə qədər dinlərə qarşı çıxsa
da, etiqada sahib olduğu üçündür ki, gürcü gözəli Xumar və
onun məhəbbəti, Sənanın nəzərində ideallaşır, ilahiləşir. Xumar
onun nəzərində qadın deyil, hər şeydən əvvəl, ―gözlərində
üluhiyyət oxunan bir mələk‖, ―allahın bir heykəli‖ kimi
görünür:
O mələkdir, qadın deyil əsla,
Oxunur gözlərində ülviyyət,
Sanki bir heykəli-üluhiyyət...
Şeyx Sənan canlı, həqiqi Xumarın arxasınca deyil, canlı
Leylisini rədd edib xəyali, ideal Leylinin, mütləq, ilahi
gözəlliyin sorağına düşmüş Məcnun kimi Xumarın sorağına
düşür. Sənanın sevib pərəstiş etdiyi Xumar hər nə qədər canlı
gözəlliyin bir timsalı olsa da, yenə ərə getməyə nifrət edən və
anasının nəsihətinə görə monastıra qaçmaq arzusu ilə yaşayan
bir qızdır; Sənan da, əsərin birinci pərdəsindən göründüyü
kimi, evlənməkdən, qadından qaçan və onu odlu məhəbbətlə
sevən gözəl Zəhrasını gözüyaşlı qoyub ondan uzaqlaşan, ―eşqi-
118
ruhani‖ arxasınca düşmüş bir ―dərbədərdir‖. Əgər Sənan Xu-
marı ―üluhiyyət heykəli‖, ―nuri-həqqin təzahürü‖ kimi sevirsə,
Xumar da onda, yəni Sənanda bir ―övliya sifəti‖ görüb onu
sevir.
Buradan aydın görünür ki, Hüseyn Cavid ondan çox-çox
qabaq Şeyx Sənan haqqında, bir ruhani müsəlmanın xristian
qızını necə sevməsi haqqında olan rəvayəti əsasən saxlamağa
çalışmışdır.
Bütün bunlarla bərabər, bu mistik məhəbbət macərasında
dramaturqun ön plana çəkdiyi və əsərin əsas məfkurə xəttinin
tamamlanmasına xidmət edən cəhət bir müsəlmanın dini
təəssübkeşliyi ayaqlayaraq bir xristian qızını sevməsinə və
xristian qızı tərəfindən də eyni ruhda sevilməsinə haqq
qazandırmaqdır.
Sənan surətinin yaranmasında və inkişafında ən əhəmiyyətli
cəhət budur ki, Sənan get-gedə pərəstiş etdiyi mütləq, ilahi
gözəllikdən, həsrətlə qovuşmaq istədiyi ―üluhiyyətdən‖, canlı,
real, həyati gözəlliyi ideallaşdırmaq yolundan, hətta fəlsəfi
panteizmdən də uzaqlaşmağa başlayır. Son səhnədə Sənan artıq
tutduğu yoldan peşman olmuş, bəslədiyi əməllərin, etiqadın,
daha dəqiq deyilsə mücərrəd idealların bir ―röya, dadlı bir
xülya‖ olduğunu dərk etməyə başlamışdır. Səhnələrin birində
Sənan dərin peşmançılıq hissi ilə Xumara deyir:
Məni yalnız yaşatdı bir röya,
Oylə röya ki, tatlı bir xülya...
Dərdü həsrətlə daima yanaraq
Yaşadım bir xəyala aldanaraq.
1
Demək, Sənan dini etiqadların çürüklüyünü dərk etməklə,
fəlsəfi idealizmin, təbiət hadisələrini, insan gözəlliyini allahın
təzahürləri kimi qiymətləndirən təriqətin də mənasızlığını dərk
etməyə başlayır. Son nəticədə Sənanı həm dindar şeyxlərə, həm
1
H.Cavid. Seçilmiş əsərləri, səh. 242.
119
də panteist ―nurani dərvişlərə‖ görə çox irəli getmiş görürük.
İndi Sənan Dərvişi rədd etməyə çalışır.
Dərviş maddi aləmin varlığını heç sayır, onun nəzərində
ancaq ruhlar aləmi həqiqi və əbədidir. Son səhnədə və əlavədə
Dərviş Sənanı özü kimi tənha, məhzun və pərişan görürkən,
nəhayət, şeyxin onun təqib etdiyi məsləkə, təriqətə meyl
etdiyini, ruhun əbədiliyi, ölməzliyi fikrinə gəlib çıxdığını zənn
edərək Sənana deyir:
Baxma, şeyxim, şu hali-pürğəminə.
Giriyorsun həqiqət aləminə.
Fəzli-həqq runüma kamalında,
Parlayır nuri-həq camalında!
Səndə bir əhli-hal əlaməti var,
Səndə əl’an xuda qiyafəti var.
1
Əvvəlləri Dərvişə pərəstiş edən, onu ―pək böyük, nadir bir
zəka‖ adlandıran Şeyx Sənan isə, bu dəfə usanmış bir tövrlə
Dərvişi və onun mövhumi təbliğatını rədd edir:
Söylənib durma, sən də get, dəf ol!
Get də bir başqa sayğısız ara... bul!
Əl verir, istəməz bu mövhumat,
Getdi, məhv oldu bənliyim, heyhat!
Məni sən eylədin bu dərdə düçar,
Get, çəkil, durma!
2
Hətta Şeyx Hadinin yuxusunda Sənan allaha da asi olmağa
başlayır:
Yoxmudur səndə mərhəmət?! Ya rəb!..
Gəliyor həp bu hiylələr səndən,
1
Yenə orada, səh. 250.
2
H.Cavid. Seçilmiş əsərləri, səh. 250.
120
Məni bilməm neçin yaratdın sən?
1
Bir az əvvəl ―üluhiyyətin heykəli‖ adlandırdığı Xumarı
Sənan eyni usanmış tövrlə qarşılayır:
Nəyə gəldin, deyil bu illətsiz,
Məni məhv eyləməkmi niyyətiniz!?
...Ah, məndən nə istəyirsən, get!..
2
Sonra Sənan Xumarın vəfalı çıxdığını görüb, ona
yaxınlaşırsa da, ancaq bu yaxınlıqda əvvəlki kimi canlı gözəli
ilahiləşdirmək meyli yoxdur. Bir də əsərin finalında Xumarın
hər şeyi atıb, Sənanın dalınca getməsi, Sənanın da onu
məhəbbətlə qarşılaması, hər ikisinin bərabər ölməsi, faciənin
mərkəzində duran əsas ideyanın — bütün dinlər əfsanədir,
ancaq insanları bir-birindən ayırmağa xidmət edir — ideyası-
nın bədii həlli nöqteyi-nəzərindən çox gözəl düşünülmüş zəruri
bir səhnədir. Burada hər iki aşiq dini təəssübkeşliyi ayaqlayıb
tapdalayır. Sənan müsəlmançılıqdan, Xumar isə xristianlıqdan
çıxıb, hər şeyə üstün gələn qadir məhəbbətin ağuşuna atılıb,
əsil insan olurlar.
Şeyx Sənan, təbiidir ki, müasir həyatdan alınan bir surət
deyildi. Lakin bu tarixi bir şəxsiyyətin surəti, bir tarixi faciə
qəhrəmanı da deyildi; ancaq müəyyən ideyaları əks etdirən
xəyali, romantik bir qəhrəman idi. Bununla belə Sənanın
simasında Azərbaycanın ictimai fikir tarixinə və əsərin
yazıldığı dövrə aid olan müəyyən və məşhur bir həqiqət
təcəssüm etdirilmişdi: bu həqiqət isə
bizim ictimai fikrimizdə,
ədəbiyyatımızda, xüsusən klassik şeirimizdə, yuxarıda de-
yildiyi kimi, Xaqani, Nizami, Nəsimi, Füzuli və başqa
mütəfəkkir şairlərin yaradıcılığında dini təəssübkeşliyə, dini
ehkama, idealizmə zidd olan görüşlərin Cavid sənətinə məxsus
1
Yenə orada, 225.
2
Yenə orada, 250.
121
orijinal bir şəkildə ifadəsi idi. Sənan surətində bu görüşlərin
XX əsrin əvvəlləri üçün də hələ əhəmiyyətini, rayihəsini
itirmədiyi duyulmaqda idi.
Qabaqlar həqiqətə tamamilə ziddi olaraq, Cavidin
görüşlərinin guya Azərbaycan ictimai fikri, varlığı ilə əlaqədar
olmadığından danışanlar olmuşdur. Bu mülahizələrin uydurma
və qeyri-elmi mülahizələr olduğu təkcə ―Şeyx Sənan‖ əsəri ilə
də sübut edilə bilər. Əsərin indi də sevilməsinin bir sirri
bundadır. ―Şeyx Sənan‖da bizə Nizami və Füzulinin ―Leyli və
Məcnun‖unu, Xaqani və Nəsiminin aşiqanə lirik qəzəllərini
xatırladan cəhətlər çoxdur.
―Şeyx Sənan‖ əfsanəsini keçmiş əsrlərdə də bir çox şairlər
qələmə almışdılar. Yaxın və Orta Şərq ədəbiyyatında elə bir
şair çətin tapılar ki, o bu aşiqanə əfsanəvi macəraya az-çox öz
əsərlərində toxunmamış olsun. Bu maraqlı əfsanə xalq arasında
da çox yayıldığı üçündür ki, el ədəbiyyatında biz Sənanın adına
tez-tez rast gəlirik. Şübhəsiz ki, bu addan və bu əfsanədən hər
şair öz görüşlərinə müvafiq bir şəkildə istifadə etmişdir.
―Şeyx Sənan‖ əfsanəsi mövzusunda keçmişdə iri həcmli
əsərlər yazan sufi şairlər də olmuşdur. Sufilərin bu əfsanə
əsasında yazdıqları əsərlərin çoxu Şeyx Əttarın ―Məntiqüt-
teyr‖ əsərində ―Hekayəti-Şeyx Sənan‖ bəhsində olduğu kimi,
mistik, dini ruhda olub, əsasən sufi ideyaların, həm də sufizmin
qatı idealist cəhətlərinin təbliğinə xidmət etmişdir. Məsələn,
Şeyx Əttarın əsərində Sənan kəşfü kəramət sahibi, xəstələrə
şəfa verən, qoca yaşlarına qədər ömrünü Kəbədə ibadətlə
keçirən qatı dindar bir şeyxdir. Şeyxin bütün müridləri də
möhkəm etiqadlı dindar adamlardır. Sonra bu dindar şeyx yuxu
görüb, Rum elinə səyahətə çıxır, burada özü kimi daim ibadətlə
məşğul olan ―ruhanisifət‖ bir ―tərsa qızına‖ rast gəlir. Şeyx qızı
görər-görməz ağlını itirir:
Rəft əqlü rəft səbrü rəft yar,
122
İn çe eşqəst, in çe dərdəst, in çe kar?
1
Müridləri şeyxi danlayırlar. Onu doğru yola, mü-
səlmançılığa dəvət edirlər. Hərçənd şeyx onlara tutarlı sözlər
deyir, cənnət, cəhənnəm əfsanəsinə gülür, eşqin əsil ruhani
təkmilləşmə yolu olduğunu söyləyir; lakin son nəticədə peşman
olur, ―haqq yoluna‖ qayıdır, müridləri ilə bərabər Kəbəyə
gəlib, ibadətlə məşğul olur.
2
Sənan haqqında sufi şairlər tərəfindən yazılan başqa
dastanların da məzmunu buna yaxındır.
H.Cavid bu əfsanənin əsas süjet xətlərini (Şeyx Sənanın
yuxusunu, səyahətə çıxmasını, xristian qızına aşiq olmasını,
donuz çobanı olmasını və s.) saxlamaqla bərabər, onun məna
və mahiyyətini tamamilə dəyişmiş, əfsanəyə yeni dramatik
kolliziya, yeni dramatik konfliktlər və bir çox yeni xarakterlər
(Şeyx Kəbir, Zəhra, Əzra, Dərviş, Anton, Simon, fanatik ru-
hanilər və s.) əlavə etmişdir. Məlum Şeyx Sənan he-
kayələrinin əksinə olaraq, Cavidin əsərində Şeyx Sənan
əvvəldən axıra qədər bütün dinlərə dərin şübhə ilə yanaşıb,
―dinsiz olmaq da bir təriqətdir‖—deyən bir mütəffəkir-aşiqdir.
Sənanı əhatə edən müridlərin isə çoxu Cavidin əsərində qatı
dindarlar, fanatiklər olub elm, idrak əhli olan Sənanın
düşmənləridir. Cavid sufi şairlərdə olan zaman və məkan
ənənəsini də atmış, xalq arasındakı Sənan haqqında rəvayətlərə
uyğun olaraq onu Qafqaza, Gürcüstana gətirmişdir. Şeyx Sənan
əfsanəsinə H.Cavid tamamilə yeni bir məzmun və məhz dini
təəssübkeşlik, ruhanilik, fanatizm əleyhinə mübarizə ideyası,
yüksək insanpərvərlik məzmunu vermişdir.
1
Tərcüməsi: Ağlı getdi, səbri getdi, yar getdi. Bu necə eşq, bu necə dərd, bu necə işdir?
2
Bax: Şeyx Əttar. ―Məntiqüt-teyr‖, ―Hekayəti-Şeyx Sənan‖ bəhsi.
123
İK İNC İ FƏS İL
YARADI CILI ĞINI N Ġ KĠNCĠ DÖVRÜ
1. CAVĠDĠN Ġ MPE RĠAL ĠST MÜH ARĠ BƏSĠ
ƏLEYHĠNƏ ĠLK ÇIXIġLARI
Birinci dünya müharibəsinin alovlanması ilə bir arada Cavid
yaradıcılığının ikinci dövrü başlanır. Bu illərdə qabaqcıl
Azərbaycan ədəbiyyatında və mətbuatında müharibə əleyhinə
böyük bir cəbhə yaranmışdı. N.Nərimanov başda olmaqla
bütün
kommunist
yazıçı və mühərrirlər və Cəlil
Məmmədquluzadə başda olmaqla inqilabçı demokrat yazıçılar
imperialist müharibəsinə qarşı mübarizə aparırdılar. Mütərəqqi
romantiklər, o cümlədən Hüseyn Cavid də imperialist mü-
haribəsi əleyhinə tez-tez çıxış edirdi.
Hələ 1914-cü ilin ortalarında Şərqi Avropada və Qafqaz
cəbhəsində manevr xasiyyətli toqquşmaların başlandığı dövrdə
Cavid müharibə əleyhinə ―Məzlumlar üçün‖ şeirini yazıb, ―həp
cahan qanlı bir kitab əl’an‖ deyə müharibə dəhşətlərini təsvir
edir. Bu ‖qanlı kitabın‖ səhifələrini vərəqlədikcə şairin gözləri
qarşısında hərb səhnələri, müharibə qurbanları canlanır.
Yolları, küçələri dolduran skeletlərin ağaran dişləri sanki ―bu
imişmi ədalət, insaf, haqq, vicdan‖ deyə incilin ―həqiqətlərinə‖
və quranın ―təlimlərinə‖ gülüb istehza edirlər:
Gülər bəni-bəşərin duyğusuz səfillərinə,
Gülər həmiyyətə biganə səngdillərinə.
Gülər ədalətə, insafə, həqqə, vicdanə,
Gülər həqayiqi-incilə, hökmi-quranə!
1
Burada şairin, hər şeydən əvvəl, ―incilin həqiqətlərini‖ və
―quranın hökmlərini‖ təqsirləndirməsi təsadüfi deyildir. Biz
1
―Bahar şəbnəmləri‖, Bakı, 1917, səh. 30-31.
124
yuxarıda gördük ki, Cavid millətlər, xalqlar arasında
ziddiyyətlərin başlıca səbəbini uzun müddət yalnız dini
ayrılıqda görmüşdür. Haqqında bəhs etdiyimiz şeirdə də o
hələlik müharibəni doğuran səbəbi bununla izah edir. Lakin
çox çəkmir ki, müharibəyə qoşulan imperialist dövlətlərin
niyyətləri tam aydın olduqdan sonra, Cavidi artıq başqa səbəb-
lər — ―eyni əsr övladının təbiəti‖, XX əsrin yaratdığı yeni tipli
müstəbidlərin hərəkəti və çirkin məqsədləri də düşündürməyə
başlayır. 1915-ci ildə yazılmış ―Qüruba qarşı‖ şeiri bizi şairin
bəzi yeni düşüncələri ilə tanış edir:
Bütün ətrafı sarmış bir məlal, ağlar cahan, ağlar;
Könül məhzun, hava məhzun, günəş məhzun, səma məhzun.
... Bütün 20-ci əsrin müstəbid övladı həp alim...
...Bütün 20-ci əsrin müstəbid övladı həp zalim...
...Cahan bir qətlgah olmuş, aman yox zülmü vəhşətdən.
1
Dostları ilə paylaş: |