25
Rezistent epilepsiyanın müalicəsi
►
Cərrahi müalicə (göstərişlər ciddi şəkildə əsaslandırılmalıdır,
əməliyyat öncəsi hərtərəfli və tam müayinə aparılmalıdır);
►
Azan sinirin stimulyasiyası;
►
Ketogen pəhriz;
►
Psixoloji müalicə üsulları.
Kombinə olunmuş müalicə (Politerapiya)
Kombinə olunmuş müalicənin təyin edilməsi imkanı nəzərdən
keçirilməlidir:
►
Birinci sıradan olan iki EƏDV-nin monoterapiya şəklində
tətbiqinin qeyri-effektiv olması
►
Birinci EƏDV ilə müalicə zamanı dərman vasitəsinin yaxşı qəbul
edilməsinə və pasiyentin vəziyyətinin əhəmiyyətli dərəcədə
yaxşılaşmasına baxmayaraq dərmanın maksimal mümkün dozada
tətbiqi tutmaların əmələ gəlməsinin tamamilə qarşısını almırsa
(A)
Kombinə olunmuş müalicə üçün dərman vasitələrinin seçimini
tutmaların tipini (tiplərini) nəzərə almaqla aparmaq lazımdır, dərman
vasitələrinin sayı isə iki, yaxud maksimum üç EƏDV ilə
məhdudlaşmalıdır (B).
Qanda EƏDV-lərin konsentrasiyasının müəyyən edilməsi
EƏDV-lərin tətbiqi zamanı onların qanda konsentrasiyasını
müntəzəm olaraq müəyyən etmək lazım deyil. Belə müayinənin
aparılması aşağıdakı hallarda məqsədəuyğundur (D):
►
Fenitoin dozasının korreksiyası
►
Müalicə rejiminə əməl edilməsinin qiymətləndirilməsi və
toksikliyin müəyyən olunması
Provokasiya olunan tutmalarla pasiyentlərin aparılması
Alkoqol abstinent («aclıq») sindromu və ya delirium tremens
(«ağ isitmə») zamanı tutmaların əmələ gəlmə riskini azaltmaq üçün
qısa müddət ərzində benzodiazepinlərdən istifadə etmək olar (B).
Kəskin beyin insultunun inkişafı və ya neyrocərrahi müdaxilə
hallarında profilaktik məqsədlə EƏDV-lərin təyin edilməsi göstəriş
deyil (B).
26
Baş beyin silkələnməsi keçirmiş pasiyentlərdə tutmaların
profilaktik müalicəsi üçün EƏDV-lərin tətbiqi göstəriş deyil (D).
EƏDV-lərin əlavə təsirləri
Müalicənin xüsusilə də ilk həftələrində somnolentlik
(yuxululuq), dəridə səpkilər, qusma kimi əlamətlərin əmələ gəlməsi
hallarında pasiyentlərə təcili surətdə tibbi yardıma müraciət etmələri
üçün xəbərdarlıq etmək və EƏDV-lərin potensial əlavə təsirləri
haqqında məlumat vermək lazımdır (C).
Osteoporozun inkişafının minimallaşdırılması üçün EƏDV
qəbul edən pasiyentlərə qidalanmanın xarakteri və həyat tərzinin
dəyişdirilməsi ilə bağlı tövsiyələr vermək lazımdır (D).
EƏDV-lərin qəbulunun dayandırılması
►
Tam elektro-klinik remissiya (tutmaların olmaması və EEQ-nin
normallaşması) əldə etməyə çalışmaq lazımdır.
►
Dozanın azaldılmasından əvvəl EEQ müayinəsi (yuxu zamanı
qeyd olunmanın daxil edilməsi ilə daha yaxşıdır) aparmaq
tövsiyə olunur.
►
EƏDV-lərin dozasının azaldılması
və ya qəbulunun
dayandırılması müddətləri ciddi şəkildə fərdi olaraq müəyyən
edilir, bu da epilepsiyanın forması və xəstəliyin gedişi
xüsusiyyətlərindən asılıdır.
►
İdiopatik fokal formalarda, uşaqların absans epilepsiyası (UAE)
zamanı tutmaların olmamasından 2-4 il keçdikdən sonra EƏDV-
lərin dozasını azaltmağa başlamaq olar.
►
Simptomatik fokal epilepsiyalarda, gənclərdə rast gələn idiopatik
yayılmış epilepsiyaların variantları zamanı isə 3-4 illik
remissiyadan tez olmayaraq EƏDV-lərin dozasını azaltmağa
başlamaq olar (Gənclərin mioklonik epilepsiyası ilə bağlı məsələ
müzakirə mövzusudur).
►
EƏDV qəbulunun tam dayandırılması tədricən, bir il ərzində
həyata keçirilir
►
EƏDV qəbulunun dayandırılmasından sonra xəstəliyin residivi
riskini qiymətləndirmək üçün proqnostik meyarlardan istifadə
etmək lazımdır (A).
27
Stasionara qəbul üçün göstərişlər
►
Yaşı 12 aydan aşağı
►
Tutmadan 1 saat sonra «Qlazqo Koma Şkalası» ( «Glasgow Coma
Scale») üzrə 15 baldan az olması
►
Yüksək kəllədaxili təzyiq (papillodema, gərgin əmgək)
►
Oyanıqlıq, qusma
►
Meningizm əlamətləri (Kerninq simptomu, fotofobiya, boyun
əzələlərinin rigidliyi)
►
Aspirasiya
əlamətləri (tənəffüs çatışmazlığı, hipoksiya
əlamətləri)
►
Mürəkkəb tutma (15 dəqiqədən artıq davam edən tutma və ya
ocaqlı və ya bir gün ərzində təkrarlanan tutma)
EPİLEPTİK STATUS (ES)
Epileptik status — uzunsürən epileptik tutma (30 dəqiqədən
artıq) və ya aralarındakı fasilə zamanı şüurun tam bərpa olunmadığı
çoxsaylı təkrarlanan tutmalarla özünü büruzə verən təxirəsalınmaz
vəziyyətdir.
XBT-10 ÜZRƏ TƏSNİFAT
G41.0 Epileptik
status
grand mal (tonik-klonik tutmalar statusu)
G41.1 Epileptik
status
petit mal (absanslar statusu)
Etiologiya
Rejimin pozulması, somatik və infeksion xəstəliklər, epilepsiya
əleyhinə dərman vasitələrinin tətbiqində fasilə, yaxud onların
qəbulunun dayandırılması və ya dozasının azaldılması.
Dövrləri
Predstatus (tutmanın başlanmasından 0–9 dəq), başlanğıc ES
(10–30 dəq), inkişaf etmiş ES (31–60 dəq), refrakter ES (60
dəqiqədən artıq).
Klinika
ES zamanı tonik və ya klonik tutmalar bütün ətraflarda qeyd
olunur, çox vaxt gözlərin çevrilməsi və ya onların klonik dartılması
ilə birgə baş verir, birtərəfli xarakter daşıya bilir. Absanslar ES-si
zamanı şüurun dəyişməsi qeyd olunur, bu zaman reaksiyalar hissəvi
olaraq saxlana bilər, dezorientasiya, afaziya, amneziya, oral və bilək
28
avtomatizmləri müşahidə edilir. Absanslar ES-si diaqnozu EEQ-də
epileptik aktivlik aşkar olunduqda təsdiq edilə bilər.
Diferensial diaqnoz
Metabolik ensefalopatiyalar (qaraciyərin, böyrəklərin
zədələnməsi və s.), dərman intoksikasiyaları, psixozlarla aparılır.
Müalicə
Əgər tutma 10 dəqiqədən artıq davam edirsə, stasionara
nəqliyyatla göndərişin təşkilinə başlanmalıdır. Məqsəd – 30 dəq
tamam olmamış tutmaların qarşısını almaqdır (ES 30 dəqiqədən çox
davam edirsə baş beyin neyronlarında patoloji dəyişikliklər baş
verir).
Xəstəxanaya qədər olan mərhələdə:
1.
Tənəffüs yollarının keçiriciliyi təmin olunmalıdır;
2.
Oksigen verilməlidir;
3.
Benzodiazepinlərin (diazepam) bütün üsullarla yeridilməsi
effektivdir (v/d, ə/d, rektal).
Stasionarda:
1.
Qanda qlükoza səviyyəsinin müəyyən edilməsi mümkün
olmadıqda və ya hipoqlikemiya olduqda – 25%-li qlükoza
məhlulu (2 ml/kq, v/d);
2.
Benzodiazepin sırası dərman vasitəsi – diazepam (0,2 mq/kq,
hiperqlikemiya zamanı fizioloji məhlulda) yeridilir. Diazepamın
bütün dozası bir dəfəyə şprisə yığılır və yavaş-yavaş (tənəffüsün
dayanması təhlükəsi!) v/d yeridilir; 1 yaşa qədər uşaqlar üçün
yeridilmə sürəti 0,2–0,5 mq/dəq, 1-dən 5 yaşa qədər – 1 mq/dəq,
5 yaşdan yuxarı 1–2 mq/dəq təşkil edir. Yeridilmə tutmaların
dayanması və ya tənəffüsün tormozlanması əlamətlərinin
meydana çıxmasına, yaxud maksimal dozaya çatana qədər davam
etdirilir. Ehtiyac olduqda, 30 dəq sonra həmin dozanı təkrar
yeritmək mümkündür.
Diazepam
olmadıqda və ya ES-nin qarşısı alına bilmədikdə
QOYT (natrium-oksibutirat) – 10%-li məhlul 50–70 mq/kq, v/d
damcı üsulu ilə, 10 dəfə artıq həcmdə fizioloji məhlulda, yaxud
droperidol – 0,25%-li məhlul 0,1–0,25 mq/kq v/d təyin edilir;
3.
Beyin ödemi zamanı əlavə terapiya vasitələri kimi prednizolon
2–4 mq/kq v/d və ya ə/d, furosemid 0,5 mq/kq v/d və ya ə/d;
29
4.
Hipokalsiemiya zamanı kalsium-qlükonat 10%-li məhlul 0,2
ml/kq v/d; piridoksindən asılı tutmalar zamanı piridoksin 5%-li
məhlul 1,0 v/d tətbiq edilir;
5.
ES-nin müalicəsinə qarşı rezistentlik inkişaf etdikdə, ağ
ciyərlərin süni tənəffüs aparatına qoşulma və epileptik aktivliyi
aradan qaldırmaq məqsədilə narkoz (heksenal, tiopental)
verilməsi üçün pasiyenti intensiv terapiya şöbəsinə köçürürlər.
Lümbal punksiya MSS infeksiyasına şübhə yarandıqda və əks-
göstərişlər (ağır kəllədaxili hipertenziya, okklüzion hidrosefaliya)
olmadıqda yerinə yetirilir.
ES-dən çıxdıqdan sonra (tutmaların aradan qaldırılması, huşun
aydınlaşması) adekvat epilepsiya əleyhinə terapiya təyin edilməlidir
(ehtiyac olduqda nazoqastral zond vasitəsilə).
FEBRİL TUTMALAR (FT)
Febril tutmalar – uşaqlarda (əsasən 3 ay – 5 yaş arasında)
qızdırma ilə əlaqəli olan və beyin zədəsi/infesksiyası olmadan baş
verən tutmalardır. Adətən FT hərarət >38,5ºC olanda baş verir. Tipik
hallarda FT qısa generalizə olunmuş tonik-klonik tutma şəkilində
keçir. Lakin, fokal (parsial) FT xəstələrin 10%-də və uzun müddətli
(>20 dəq) FT xəstələrin 5%-də müşahidə olunur.
Ümumiyyətlə, əhalinin 4–5%-i ən azı 1 dəfə FT keçirəcək. İlkin
febril tutmanı keçirilmiş şəxslərdə epilepsiyanın başlanması ehtimalı
2–4% və təkrar FT-nin ehtimalı 30–40%. FT beyinin zədələnməsinə
səbəb olmur.
FT iki qrupa bölünür:
1.
Sadə FT (qısa, generalizə olunmuş, bir qızdırma epizodunda 1
FT, tutmadan sonra nevroloji defisitsiz)
2.
Mürəkkəb FT (uzun müddətli, yəni >20 dəq.; və ya fokal; və ya
bir qızdırma epizodunda >1 FT; FT-dən sonra nevroloji defisit)
Sadə FT-dən sonra epilepsiyanın başlanması ehtimalı 2%,
mürəkkəb FT-dən sonra isə ehtimal 4–12%-ə çatır.
EEQ: tutmaarası EEQ əksər hallarda normal olur.
Müalicə: davamlı müalicə tövsiyə edilmir. Yalnız qızdırma
zamanı antikonvulsantlar məsləhət olunur: rektal diazepam 0,5mq/kq
hər 12 saatdan bir.
30
XÜSUSİ FORMALAR
Yenidoğulmuşların xoşxassəli qeyri-ailəvi tutmaları
Başlandığı yaş dövrü, rast gəlmə tezliyi: yenidoğulmuşların
xoşxassəli qeyri-ailəvi tutmaları («beşinci gün tutmaları»)
yenidoğulmuşlarda nisbi yaxşı vəziyyət fonunda postnatal həyatın 3–
7-ci günü (ən çox 5-ci gündə) meydana çıxır. Onlar yenidoğulma
dövründə əmələ gələn bütün tutmaların 2–7%-ni təşkil edirlər.
Klinik mənzərə: gövdə, üz və ətrafların ayrı-ayrı hissələrinin
əzələlərinin asinxron klonik yığılmalarından ibarət olan yayılmış
multifokal klonik tutmalar. Multifokal klonik paroksizmləri
fərqləndirən cəhət – onların miqrasiya edici xüsusiyyətidir, bu zaman
klonik yığılma həddən artıq yüksək sürətlə bədənin bir hissəsindən
digər hissəsinə keçir. Uşağın şüurunda adətən pozulma olmur. Tonik
neonatal tutmaların olmaması – beşinci gün tutmalarının digər
epileptik ensefalopatiyalardan fərqli xüsusiyyətidir. Sianozla
müşayiət edilən paroksizmal apnoe dövrlərinin mövcudluğu onlar
üçün tipik vəziyyətdir. Tutmaların davam etmə müddəti, adətən 1
gündən artıq olmur.
Nevroloji müayinədə, adətən nə tutmaların başlamasından əvvəl,
nə də onların kəsilməsindən sonra pozuntular aşkar edilir. Bəzi
müəlliflər tutmaların dayanmasından sonra yuxululuq, nisbi əzələ
hipotoniyası dövrünün olmasını qeyd edirlər.
EEQ meyarları: tutmalararası dövrdə «növbələşən teta
fəaliyyət» patterni meydana çıxır, o özünü «iti dalğalarla» qeyri-
müntəzəm şəkildə növbələşən diffuz areaktiv teta fəaliyyəti ilə
büruzə verir. Həm oyaqlıq, həm də yuxu zamanı qeyd olunur. Tutma
EEQ-sində «spayk–ləng dalğa» və ya ritmik ləng fəaliyyəti müşahidə
olunur, həmin fəaliyyət başlanğıcda unilateral, daha sonra isə
yayılmış ola bilər və rolandik bölgədə ən çox ifadə olunur.
Neyrovizualizasiya: spesifik dəyişikliklər olmur.
Müalicə: düzgün qoyulmuş diaqnoz zamanı müalicə təyin
olunması məqsədəuyğun hesab edilmir. Tutmalar öz-özünə aradan
qalxır.
Proqnoz: praktik olaraq 100% hallarda spontan remissiya baş
verir. Tək-tək müşahidələrin nəticəsi olaraq, sonradan febril və
31
afebril tutmaların meydana çıxması, psixomotor inkişafın ləngiməsi
halları haqqında məlumat verilir.
Yenidoğulmuşların xoşxassəli ailəvi tutmaları
Başlandığı yaş dövrü: xəstəlik postnatal həyatın 2-ci və ya 3-cü
günü, daha nadir hallarda isə birinci ay ərzində başlayır.
Klinik mənzərə: əsasən yayılmış multifokal və ya fokal klonik
tutmalarla, qısa apnoe dövrləri ilə, həmçinin atipik («silinmiş»)
tutmalarla — aksial əzələlərin tonik gərginliyi, gözlərin deviasiyası,
asimmetrik və simmetrik tonik boyun reflekslərinin paroksizmal
analoqları, pedallama fenomenləri, stereotip pozotonik reaksiyalar
şəklində stereotip motor və gözün hərəki fenomenləri ilə özünü
büruzə verir. Həmçinin çoxlu miqdarda ağız suyu ifrazı, üzün və
boynun qızarması, tənəffüs və nəbz tezliyinin dəyişməsi müşahidə
oluna bilər.
Aktiv dövrün davam etmə müddəti 3–5 gündən bir neçə həftəyə
qədər təşkil edir, daha sonra isə tutmalar öz-özünə keçib gedir.
Psixomotor inkişaf zərər görmür. Nevroloji statusda dəyişikliklər
qeyd edilmir.
EEQ meyarları: tutmalararası dövrdə pozuntular olmur və ya
növbələşən teta fəaliyyət qeyd edilir. Tutma zamanı «spayk–ləng
dalğa» və ya ritmik ləng dalğalar fəaliyyəti aşkar olunur.
Neyrovizualizasiya: struktur dəyişiklikləri aşkar edilmir.
Müalicə: aktiv dövrdə tutmalar bütün EƏDV-lərə qarşı rezistent
olur, düzgün qoyulmuş diaqnoz zamanı müalicə təyin edilməsi
məqsədəuyğun hesab olunmur. Tutmalar öz-özünə aradan qalxır.
Proqnoz: yaxşı hesab edilir, lakin 5-ci gün tutmalarından fərqli
olaraq, ailəvi neonatal tutmaları olan xəstələrin 11%-ində epilepsiya
inkişaf edir.
Körpələrin erkən epileptik ensefalopatiyası (Otahara syndrome)
Başlandığı yaş dövrü: uşağın 3 aylığına qədər, daha çox isə 1-ci ay
ərzində başlayır.
Klinik mənzərə: tutmaların əsas tipi – 10 san hüdudlarında
davam edən tonik spazmlardır. Adətən seriya şəklində (bir seriyada
10–40 spazm) meydana çıxır. Sutka ərzində spazmların ümumi
miqdarı 300–400-ə çata bilər. Onlar həm oyaqlıq, həm də yuxu
dövründə əmələ gəlirlər. Tonik spazmlardan başqa qısa parsial
32
tutmalar (əsasən hemikonvulsiv) müşahidə edilir. Mioklonik tutmalar
olmalı deyil, əgər onlar varsa, çox güman ki, bu erkən mioklonik
ensefalopatiyanın variantıdır. Nevroloji müayinə zamanı psixomotor
inkişafın aşkar geri qalması, bir çox hallarda görmə sinirlərinin
atrofiyası və korluq, mikrosefaliya qeyd olunur.
EEQ meyarları: EEQ müayinəsi kifayət qədər spesifik, lakin
yalnız Otahara sindromu üçün patoqnomik olmayan əlamət —
«alışma-zəifləmə» («burst-supression») patterni aşkar edir. Bu özünü
yüksək amplitudalı «spayk–ləng dalğa» komplekslərinin qısa diffuz
boşalmaları ilə göstərir, bundan sonra elektroaktivliyin kəskin
azalması – «bioelektrik səssizliyi» («bioelectrical silence»)
dövrlərinə qədər – müşahidə olunur.
Neyrovizualizasiya: xəstələrin əksəriyyətində baş beyində
patoloji dəyişikliklər (daha çox inkişaf qüsurları və perinatal
ensefalopatiyaların nəticələri) aşkar edir.
Müalicə: Tutmalar terapiyaya qarşı rezistentdirlər. Müalicə
palliativ xarakter daşıyır. Başlanğıc müalicə – valproatlar (30–80
mq/kq/gün 3 dəfəyə qəbul edilir). Qeyri-effektivlik zamanı ikinci
seçim dərman vasitələri – barbituratlar (fenobarbital) 20–100 mq/gün
dozada 2 dəfəyə qəbul edilir. Monoterapiya effektiv olmadıqda
politerapiyaya (barbituratlar + valproatlar və ya bu dərman
vasitələrindən biri benzodiazepinlə birlikdə) keçmək lazımdır.
EƏDV-lər tamamilə effekt vermədikdə onların kortikosteroid
hormonları ilə kombinasiyası mümkündür – prednizolon 2
mq/kq/gün orta dozada, adətən 1 dəfə səhər qəbul edilir.
Proqnoz: həddən artıq ağırdır. Remissiya əldə etmək mümkün
olmur, letal nəticə, yaxud Vest sindromu və ya parsial epilepsiyaya
transformasiya baş verə bilər.
Körpələrin xoşxassəli və ya idiopatik fokal tutmaları (qeyri-ailəvi)
(Watanabe syndrome)
Körpələrin xoşxassəli və ya idiopatik fokal tutmaları (qeyri-
ailəvi) (KXİFTQA) — bu sindroma körpəlik və erkən uşaqlıq
dövrlərdə debütü olan, ET-ləri fokal və ikincili generalizə olan,
idiopatik etiologiyalı və yaxşı proqnozla keçən epilepsiya variantları
daxildir.
KXİFTQA sindromu iki formaya bölünür:
1)
Normal tutmaarası EEQ ilə KXİFTQA;
33
2)
Tutmaarası EEQ-də verteks və ya təpə nahiyəsində «spayk–ləng
dalğa kompleksləri» aşkar olunan KXİFTQA.
Normal tutmaarası EEQ ilə KXİFTQA
Bu formaya aşağıdakı xüsusiyyətlər xarakterdir:
►
Heç bir etioloji amil aşkarlanmır, yəni idiopatik etiologiyalıdır.
Bütün müayinələr – metabolik səbəbləri araşdıran və
neyrovizualizasiya metodları – normal nəticə göstərirlər.
►
Xəstələrin bəzilərində birinci və ikinci dərəcəli qohumlarda
körpəlik və erkən uşaqlıq dövrlərdə ET olub, lakin epilepsiya
inkişaf etməmişdir.
►
Nevroloji statusu və psixomotor inkişafı tamamilə normaldır.
►
ET-lərin debütü 3 aylıqdan 2 yaşa qədər baş verir.
►
ET-lər klaster şəkilində baş verir. Bir klaster 1–3 gün davam edə
bilər; klasterdə gündə 8–10 qədər ET bilər. ET qısa olub, 2–5 dəq
qədər davam edir. ET-lərin semiologiyası «motor arrest»
(donma), şüurun pozulması, bir nöqtəyə baxması və müxtəlif
konvulsiv əlamətləri əhatə edir. Konvulsiv əlamətlər daxildir:
oral avtomatizmlər, ətraflarda avtomatizmlər, gözlərin və başın
yana deviasiyası, ikincili generalizə olunmuş tonik-klonik
tutmalar.
►
Tutmaarası EEQ normaldır.
Tutmaarası EEQ-də verteks və ya təpə nahiyəsində
«spayk-ləng dalğa» kompleksləri aşkar olunan KXİFTQA
Bu forma yuxarıda göstəriləndən kliniki cəhətdən az fərqlənsə də
EEQ-də ciddi fərqlər qeyd olunur. Oyaq vəziyyətdəki EEQ
normaldır. Lakin yuxu vəziyyətində çəkilmiş EEQ-də ocaqlı
epileptik fəaliyyət aydın görünür. Yuxu vəziyyətinin bütün fazalarda
verteks və ya təpə nahiyəsində «spayk-ləng dalğa» kompleksləri
aşkar olunur.
Proqnoz: yaxşıdır.
Aparılması: 1–5 il ərzində, fasiləsiz EƏDV terapiya tövsiyə
edilir. Fenobarbital, karbamazepin və ya valproatlar
monoterapiyanın effektliyi eynidir.
Vest sindromu (West syndrome)
Vest sindromu – yaşdan asılı olan epileptik sindromdur, 3–7
aylıq uşaqlarda müşahidə olunur, körpələrin epileptik ense-
34
falopatiyaları qrupuna aiddir. VS ilə xəstələnmə səviyyəsi hər 1000
diri doğulmuş uşaq üçün 0,4-ə bərabərdir.
VS aşağıdakı meyarlarla xarakterizə olunur:
►
Epileptik tutmaların xüsusi tipi — aksial və ətraf əzələlərinin
massiv mioklonik və (və ya) tonik, pro- və (və ya) retropulsiv,
simmetrik və (və ya) asimmetrik, seriyalı və (və ya) təcrid
olunmuş spazmlarından ibarət olan infantil spazmlar (İS)
►
Psixomotor inkişafın ləngiməsi
►
EEQ-də hipsaritmiyanın olması
Epilepsiyanın Beynəlxalq təsnifatına uyğun olaraq VS
epilepsiyanın yayılmış formalarına aid edilmişdir. VS-nin kriptogen
(beynin zədələnməsi güman olunur, ancaq təsdiq edilmir) və
simptomatik (xeyli tez-tez rast gəlinən) formaları ayırd edilir.
Kriptogen formalar üçün – dəqiq səbəbin olmaması, xəstəliyin
meydana çıxmasına qədər uşağın normal psixomotor inkişafı, digər
növ tutmaların qeyd edilməməsi, neyroradioloji müayinə zamanı
beyin zədələnməsi əlamətlərinin olmaması xarakterikdir.
VS-nin simptomatik formaları üçün – müəyyən edilmiş
etiologiya (pre-, peri-, postnatal etioloji faktorlar), xəstəliyin
meydana çıxmasına qədər uşağın psixomotor inkişafının ləngiməsi,
nevroloji pozuntular, bir sıra hallarda baş beynin KT və MRT
müayinələri zamanı patoloji dəyişikliklər xarakterikdir.
Klinik mənzərə. Bir xəstədə tutmaların müxtəlif variantlarının
olması mümkündür. Əksər hallarda İS-lər simmetrikdir, daha az
hallarda isə asimmetrik və ya unilateral olur. Asimmetrik İS-lər VS-
nin simptomatik formaları üçün daha xarakterikdir. Asimmetrik
spazmlar adətən təcrid olunmuş şəkildə meydana çıxır, lakin onlar
fokal tutmadan sonra və ya əvvəl də inkişaf edə bilərlər, bəzi hallarda
isə İS yayılmış və ya fokal tutma ilə eyni vaxtda əmələ gələ bilər. İS-
lərin klasterlərdə qruplaşması pasiyentlərin 80–90%-ində aşkar edilir.
Klasterdə spazmların sayı tək-tək hallardan 100 və daha artıq rəqəmə
qədər dəyişə bilər. Gün ərzində «klaster həmlələrinin» sayı 1-dən 10-
a qədər və daha çox təşkil edə bilər. İS epizodu bir neçə saniyə
(adətən 2 saniyə) davam edir. Kriptogen İS-lər üçün daha az davam
etmə müddəti xarakterikdir. «Klaster həmləsi» 5 saniyədən 10
saniyəyə qədər çəkir. Bir pasiyentdə İS-lərin intensivliyi müxtəlif
olur: klinik simptomların bütün spektri ilə müşayiət edilən və ya
35
reduksiya olunmuş spazmlar yarana bilər. Klaster həmləsinin ardınca
uşaq süst və ya oyanıq ola bilər. Tutmaların əmələ gəlmə vaxtı
fərqlidir, nadir hallarda yuxu zamanı müşahidə edilir, lakin tutmanın
oyanıqlıq dövründə inkişafına meyllilik mövcuddur.
Dostları ilə paylaş: |