Elektrik hissələrin yoxlanılması
maşının dolağının izolyasiya müqaviməti
maşının gövdəsinə görə və ayrı-ayrı dolaqlar arasında gərginliyi 1000V olan
meqommetrlə yoxlanılır. Həmin meqommetrlə həmçinin dolaqlarda qırılma olması
təyin edilir. Sabit cərəyan üsulu ilə dolaqların müqaviməti
körpü vasitəsi ilə
ölçülür. Dolaqların izolyasiyasının elektrik möhkəmliyi kevdəyə görə və dolaqlar
arasında sınaq gərginliyi verilməklə 1 dəqiqə müddətində yoxlanılır. Sınaq
gərginliyinin qiyməti təzə dolaqlar üçün 1000V qəbul edilir.
Defektləşmə sənədlərinin tərtibi
Təmir müəssisələrində təmir olunan elektrik avadanlıqlarına defektləşmə
sənədləri tərtib olunur. Həmin sənədlərin tərkibinə elektrik maşınlarının
təmirə
qədər pasport göstəriciləri və onun göstəricilərinin dəyişdirilməsinə aid sifarişçinin
tələbi daxil olur. Həmin sənədtə stator və rotor nüvəsinin bütün ölçüləri, stator və
rotorun dolaqlarına aid məlumatlar ( dolağın tipi, pazların sayı, məftilin markası,
katuşkada burumların sayı və s.).
Defektləşmə sənədinə təmir olunan maşına aid bütün işlər qeyd olunur, məsəl
üçün, gevdə - bütün çatlar qaynaq olunmalı, bərkidici detallar təmir olunmalıdır
və s.
Hər bir təmir olunan maşına texnoloji karta tərtib olunmalıdır. Həmin
texnoloji kartada aşağıdakılar qeyd olunmalıdır:
- sifarişçi haqqında məlumat;
- maşının pasport göstəriciləri və texniki xarakteristikası;
- fazaların müqavimətinin göstəriciləri;
- izolyasiyanın sinifi;
- yuvaların sayı;
- mexaniki hissənin vəziyyəti haqqında məlumat;
- sınaqlar haqqında məlumat.
Dostları ilə paylaş: