Yastıq içliyinin çıxarılması :
1-pərçim açan; 2-yastıq; 3-yastıq şiti; 4-altlıq.
Köməkçi əməliyyatlar.
Maşının əsas hissələrini (şitləri, yastıqları, traversi,
içlikləri, yağlayıcıları, kipləşdiriciləri) sökdükdən sonra onları
benzin və ya
kerosinlə yuyurlar. Dolaqları sıxılmış güclü hava şırnağı və ya tozsoranla tozdan
təmizləyirlər, ondan sonra benzində isladılmış təmiz əski ilə silirlər.
Zədələnmiş dolaqları, qabaqcadan birləşmənin lehimini açaraq, yuvalardan
çıxarırlar.
Əsasən bu əməliyyatlarla elektrik maşının sökülməsi başa çatdırılır.
Maşının sökülmüş detallarını ciddi baxışdan keçirirlər və onların
defekt
siyahısını tərtib edirlər.
Saz detalları sexin aralıq anbarında saxlayırlar. Nasazları təmirə göndərirlər.
Maşını sökərkən təhlükəsizlik texnikası qaydalarına ciddi riayət edilməlidir.
Sökülmüş maşının detallarını baxışdan keçirən zaman yastıq şitlərinə çəkicin
yüngül zərbələri ilə onlarda olan çatlar aşkarlanır. Şübhə doğuran yerlər, tükvari
çatları müəyyən etmək üçün, lupa altında nəzərdən keçirilir. Çatların sərhədi mellə
qeyd edilir.
Yastıqların oturtma yerlərinin oturtma sıxlığını xüsusi kalibrlərin
köməyi ilə
ölçürlər.
Yastıqların işçi səthini çatların, çəpliklərin, qeyri-bərabər emalının
olmamasına görə yoxlayırlar.
Yağpaylayan, yağtutan cığırlar, həmçinin aşağı içliyin kənarlarındakı və
boyuncaq və yuxarı içlik arasındakı yağsoran yarıqlar
norma tələblərinə uyğun
olmalıdırlar.
Kürəli və diyircəkli yastıqlarda əziklər, kürələrin, qaçış yollarının
şaqqıldaması, həmçinin radial və oxboyu boşluqlar (lüftlər) olmamalıdır ki, onlarda
radial və oxboyu “yelləmə” ilə müəyyən etmək çox asandır.
Fırçasaxlayanların fırçaqaldıran mexanizmini, barmaqcıqları, izolyatorları,
traversləri, bərkitmələri və s. nəzərdən keçirirlər və hərtərəfli yoxlayırlar.
Rotoru defektasiya edən zaman təmirdəki çubuqların lehimləmə (qaynaq)
yerlərində və rotoru qısa qapayan halqalarda yerli qızmaları xarakterizə edən
ləkələrin olmamasına xüsusi fikir verirlər.
Kontakt halqalarının
səthində işləmə izləri, əziklər, çatlar, yanıqlar və s.
olmamalidir. Halqaların yeyilməsi onların ilkin qalınlığının 50%-dən çoxunu
keçməməlidir.
Valın səthində çatlar, həmçinin valın boyunlarında – qovuqlar, kələ-kötürlük,
tilişkələr, cızıqlar buraxıla bilən deyildirlər.
Oturtma yerlərinin diametrini, onların ovallığını və konusluluğunu;
ventilyatorun vəziyyətini
və onun bərkidilməsini; kollektorun xoruzcuqlarının
lehimlənməsinin yerində olmasını; kollektor lövhələrinin preslənmə möhkəmliyini
və onların üstündə yanıqların, əziklərin cığırların və üzvi şüşə qabarıqlarının
olmamasını yoxlayırlar. Hər bir qonşu kollektor lövhə cütləri arasında, kollektorla
val arasında, kollektor və bandajlar arasındakı izolyasiya müqavimətini ölçürlər.
Dolaq və kontakt halqaları arasında naqillərin lehimlənməsinin keyfiyyətini
yoxlayırlar. Rotor dolaqlarının izolyasiya müqavimətini və dolaqların
müqavimətini ölçürlər. Bandajların möhkəmliyini və çivlərin oturdulmasının
kipliyini yoxlayırlar.
Rotorları statik və ya dinamik üsullarla balanslaşdırmaya yoxlayırlar (aşağıda
baxılacaq).
Maşının gövdəsini hərtərəfli ciddi baxışdan keçirirlər və hətta çox kiçicik
çatların olmadığını, pəncələrin sazlığını, yastıq şitlərinin oturdulma yerlərində
əzilmələrin olmadığını yoxlayırlar.
Əgər çatlar gövdənin uzunluğunun və ya eninin 50%-ni aşarsa, onu zay hesab
edirlər.
Stator dəmirinin paketini dəmir lövhələrinin (vərəqələrinin) preslənmə
möhkəmliyinə yoxlayırlar. Bəzi yerlərdə kipliyi bıçağın köməyi ilə yoxlamaq olar.
Ayrı-ayrı paketlər arasındakı dayaqları arasındakı kipliyi, artıq isinmədən
ləkələrin, paslanma izlərinin və aktiv dəmir paketlərinin yerdəyişməsinin
olmamasını yoxlayırlar.
Statoru baxışdan
keçirirlər, çıxış şitinin taxtasının, çıxış uclarının, sıxacların
və
qaykaların izolyasiyasının vəziyyətini müəyyən edirlər, ucluqların
lehimlənməsinə nəzarət edirlər.
Dolaqların təmir dərəcəsinin müəyyən edilməsi - ən mürəkkəb və məsuliyyətli
məsələdir.
Aşağı güclü maşınlarda (5...10 kVt) dolağın zədələnməsi zamanı dolağın tam
dəyişdirilməsi hər şeydən məqsədəuyğundur. Dolağın izolyasiyasını ölçmək və
xarici baxış keçirmək vacibdir.
Bundan başqa, dolaqların təmirinin vacibliyini və təmir dərəcəsini
aydınlaşdırmaq üçün, aşağıdakı şərtlərə fikir vermək lazımdır :
yenidən dolama olmamaqla maşının işləmə müddəti;
maşınla hərəkətə gətirilən mexanizmlərin işinin xarakteri;
izolyasiyada və ya alın hissələrdəki
lak özlüyündə əzik şəklində
zədələrin, tökülmə və çatların olması; şübhəli hallarda götürülmüş (bir
hissə) izolyasiyanı mexaniki möhkəmliyə yoxlayırlar;
yuvalardakı çubuqların izolyasiyasında şişmələrin olması, yerli
qızmalar nəticəsində dolağın ayrı-ayrı yerlərində tündləşmələrin
olmaması;
dolağın alın hissəsində yağ izlərinin olmaması, hansı ki, zəif kipləşmə
zamanı yestıqlardan val boyunca onun atılması sayəsində ortaya çıxa
bilərlər.
Yoxlamadan, baxışdan və sınaqlardan alınan bütün məlumatları
defektləşdirmə cədvəlinə (təmir xəritəsinə) qeyd edirlər, hansının ki, köməyi ilə
hər bir hissə və detalın təmir dərəcəsi müəyyən edilir.