24
Differensiallaşdırma və fərdiləşdirmə.
Bu prinsip uşaqların fərdi xüsusiyyətlərini, maraq və
tələbatlarını, fiziki və əqli inkişaf səviyyələrini, psixo-fizioloji xüsusiyyətlərini nəzərə almağı, onların
təliminin bu xüsisiyyətlər əsasında təşkil olunmasını tələb edir.
İdrak fəallığı.
Idrak fəallığı məktəbəqədər təhsil materiallarının koqnitiv xarakter daşımasına,
onun fəal təlim şəraitində reallaşdırılmasına imkan yaradır, uşaqlarda hər hansı problemin həlli
tələbatını, onlarda idrak proseslərinin fəallaşdırılmasını gücləndirir.
Əyanilik.
Bu prinsip məktəbəqədər təhsil müəssisələrində uşaqların öyrənməyə olan marağını
stimullaşdırır, öyrəndiklərinin daha keyfiyyətli mənimsənilməsinə şərait yaradır.
Əməkdaşlıq.
“Tərbiyəçi-müəllim-uşaq və valideyn” münasibətlərində qarşılıqlı fəaliyyətin təmin
olunmasını nəzərdə tutur.
Nəticəyönümlülük
.
Bu prinsip fəaliyyətin əvvəlcədən müəyyən olunmuş nəticələr əsasında
qurulmasını tələb edir.
3.3. Təlimin forma və üsulları.
İnkişafetdirici mühitin mahiyyəti və prinsipləri
Təlim mühiti planlaşdırılmış və plansız şəkildə fəaliyyət göstərə bilər. Planlaşdırılmış
fəaliyyət günün əsas hissəsini təşkil edir. Rejim anlarında təlimdən kənar fəaliyyətlərə
məktəbəqədər yaşlı uşaqlar üçün zəruri olan stabillik və tanışlıq, öyrənmə fəaliyyətləri məzmun
sahələrinə və böyüklər tərəfindən planlaşdırılan xüsusi məqsədlərə malikdir. Planlaşdırılmış və
plansız fəaliyyətlər üçün xoş, təhlükəsiz mühit, sağlam, təmiz, isti və stimullaşdırıcı sahələr
yaradılır ki, bu sahələrdə tənqidi düşüncə bacarıqları, müxtəliflik, çoxmədəniyyətlilik kimi
məsələlər formalaşdırılır və öyrənmə bacarıqlarının genişləndirilməsi və formalaşdırılması üçün
şərait yaradılır. Mühit “üçüncü tərbiyəçi” hesab edilir.
•
Açıq havada və qrup otağında inkişaf və təlim mühiti bütün yaşlar üçün eyni dərəcədə
əhəmiyyətlidir;
•
Açıq havada uşaqlar üçün tədqiqat aparmaq, kəşflər etmək və öyrənmək üçün mühüm
imkanlar mövcuddur;
•
Açıq havada mühitin “canlılığı’ və “bənzərsizliyi” hər gün uşaqların təcrübədən keçirə
biləcəkləri yeni kəşflərlə zəngin olur;
•
Uşaqların hərəkət etmələri (qaçmaları, tullanmaları, dırmanmaları, oynamaları) üçün
yerlər; çevik və uşaqların asanlıqla idarə edə bildikləri materiallarla təminat; estetik cəhətdən
gözəl olan yerlər, heyvanlar üçün yerlər, uşaqların asanlıqla ünsiyyət yarada bilmələri üçün şərait,
təsviri fəaliyyət üçün yerlər nəzərdə tutulmalıdır.
Erkən dövrdə mühit inkişafetdirici xarakter daşımalıdır.
Dostları ilə paylaş: 
