Bakı Texniki Kollecinin müəllimi Hüseynli

Məhkəmə avtotexniki ekspertizasının
əsas məqsədi bütün fazalarda YNH 
prosesinin elmi cəhətdən əsaslandırılmış xarakteristikalarını, YNH-nin obyektiv 
səbəblərini müəyyən etməkdir. Ekspertizanı aparan şəxs son nəticədə aşağıdakı 
suala cavab verməlidir: hadisənin baş verməsi labüd idimi, yoxsa o, təhlükəsizlik 
tələblərinə məhəl qoymayan iştirakçıların düzgün olmayan fəaliyyəti nəticəsində 
baş vermişdir? Bu məqsədə çatmaq üçün ekspert-avtotexnik ekspertiza nəticəsində 
meydana çıxan bir sıra xüsusi məsələləri həll etməlidir: 
-YNH-nin baş verməsinə səbəb olan amillərin analiz edilməsi, 
sistemləşdirilməsi və tənqidi analizi. Belə amillərə aiddir: NV və yolun texniki 
vəziyyəti; NV və piyadaların hərəkət parametrləri; yol hərəkətinin təşkili və 
müvafiq texniki vasitələr; 
-YNH-nin baş verməsinə və onun inkişafına səbəb olan amillərin seçilməsi, 
onların nəzəri və təcrübi tədqiqi; 
-tədqiq olunan YNH-nin texniki səbəblərini və ayrı-ayrı iştirakçılar 
tərəfindən onun baş verməsinin qarşısının alınması imkanlarının müəyyən edilməsi; 
-baxılan YNH iştirakçılarının davranışlarının və bu davranışların yol hərəkəti 
qaydaları və digər normativ sənədlərin tələblərinə uyğunluğunun müəyyən 
edilməsi. 
Hər bir YNH-nin “lal şahidləri” mövcuddur ki, ekspertin bilik və təcrübəsi 
bu şahidləri dindirə bilmə qabiliyyəti ilə ölçülür. Ekspert istintaq və işə məhkəmədə 
baxılması prosesində meydana çıxan xüsusi məsələləri həll edir. O, YNH-nin baş 
vermə mexanizminin aydınlaşdırılmasında müstəntiq və məhkəməyə kömək edir. 
Iştirakçıların sayına görə ekspertizanın növləri bunlardır: 
bir şəxs 
tərəfindən, 
komissiya 
ilə və 
kompleks
şəkildə aparılan. 
Nisbətən sadə hallarda, yəni YNH-nin ayrı-ayrı şəraitlərini qiymətləndirmədə 
ziddiyyətli fikirlər olmadıqda ekspertiza bir şəxs tərəfindən aparılır. 
Çoxlu sayda NV və iştirakçıları olan, həmçinin, müxtəlif şəraitlərin təhlili və 
qiymətləndirilməsində ziddiyyətli fikirlər səslənən mürəkkəb hadisələrin analizində 
ekspertiza komissiya tərəfindən aparılır. Komissiyanın tərkibinə 2-5 nəfər eyni 
ixtisaslı ekspert daxil olur. Onun üzvləri eyni obyekti tədqiq edir və eyni suala ca-
vab axtarırlar. Ekspertlər komissiyası onun bütün üzvləri ilə razılaşdırılmış ümumi 
bir qərar qəbul edirlər. Fikir ayrılıqları olduqda hər bir komissiya üzvü öz fikrini 
əsaslandıraraq yazılı şəkildə xüsusi rəyini təqdim edə bilər. 
Qarşıya çıxan məsələləri eyni ixtisasdan olan mütəxəssislər həll edə 
bilmədikdə, müxtəlif ixtisaslı mütəxəssislərin cəlb olunduğu kompleks ekspertiza 
aparılır. Kompleks ekspertizada komissiyanın tərkibinə ekspert-avtotexnikdən 
başqa tibb işçiləri, kriminalistlər və digərləri cəlb oluna bilərlər. 
Aparılma ardıcıllığına görə