Flavoproteinlar.
Bu oqsillarning tarkibidagi nooqsil tabiatli guruhi
izoalloksozinning hosilalari oksidlangan flavinmononukleotid (FMN) va
flavinadenindinukleotid (FAD)lardir. Flavoproteinlar to‗qimaviy nafas olishni
ta‘minlovchi oksidlovchi-qaytaruvchi fermentlar tarkibiga kiradi. Ulardan
ba‘zilarining tarkibida metall ionlari bo‗ladi. Tarkibida gemsiz temir
2+
tutuvchi
flavoprotein fermentlar jumlasiga: ksantinoksidaza, aldegidoksidaza, SDG,
digidrooratdegidrogenaza, atsil-Ko-degidrogenazalar kiradi. Bu fermentlar
mitoxondrial flavoproteinlarning 80 %ni tashkil qiladi va ular hujayraning
bioenergetikasida muhim ahamiyatga ega.
58
3.10.2. Nukleoproteinlar
Nukleoproteidlar hujayralarning yadrosi va protoplazmasida uchraydi. Bu
oqsillar hujayra yadrosining tarkibiy qismi bo‗lib, hujayraning bo‗linishida va irsiy
belgilarni ko‗chirilishida muhim ahamiyatga ega. Nukleoproteinlar oddiy
oqsillardan va nuklein kislota qoldiqlaridan tashkil topgan. Nuklein kislotalar bu
murakkab
oqsillarning
nooqsil
tabiatli
qismi
hisoblanadi.
Tabiatda
nukleoproteinlarning bir-biridan o‗zlarining tarkibi, kattaligi, fizik-kimyoviy
xossalari bilan farqlanadigan ikki xili: dezoksiribonukleoprotein (DNP)lar va
ribonukleoprotein (RNP)lar uchraydi.
Hujayrada sintezlanadigan oqsillarning tabiati birinchi navbatda DNPga,
aniqrog‗i, DNKga bog‗liq, tirik organizmlarning xususiyatlari, ularning
subhujayraviy organellalari, hujayralari va, umuman, butun organizmning tuzilishi
sintezlanadigan oqsillarning xossalari bilan belgilanadi, deb e‘tirof etishga to‗liq
asos bor. DNK irsiy belgilarni saqlaydi. Nukleoproteinlar va ularga mos tarzda
nuklein kislotalari bilan juda murakkab biologik jarayonlar bevosita bog‗liqdir,
ular jumlasiga mitoz, meyoz, embrional va xatarli o‗sish va boshqalarni kiritish
mumkin. Ko‗p eukariot organizmlarning hujayralarida yadro interfaza bosqichida
bo‗lganda DNK va oqsil molekulasidan iborat bo‗lgan filament deb nomlangan
qalinligi o‗zgarib turadigan ipchalar (o‗rtacha10 nm, kamdan kam 2 nm) hosil
bo‗ladi. Filamentlarning qalinligi qo‗sh zanjirli DNK strukturasining atrofida
oqsilning bor yoki yo‗qligiga bog‗liq bo‗lsa, uning uzunligi DNK ning molekulyar
massasi bilan belgilanadi.
Ma‘lumki, 1 xromosoma 1 molekula DNKga ega bo‗ladi, uzunligi bir necha
santimetr bo‗lishi mumkin. Xromatin tarkibiga 1 molekula DNK, 5 ta sinfga
mansub giston oqsillar va nogiston oqsillar kiradi. DNPning oqsil tarkibi
to‗g‗risida fikr yuritilganda, ular kattaligi, aminokislota tarkibi va zaryad
ko‗rsatkichi (doimo musbat) bo‗yicha farqlanadigan 5 ta sinfga mansub bo‗lgan
gistonlar ekanligini e‘tirof etish lozim. Xususan, o‗rtacha molekulyar massasi
20000 Da bo‗lgan lizinga boy (H
1
) va molekulyar massasi 15000 Da gacha bo‗lgan
argininga boy gistonlar farqlanadi. Ularni quyidagicha tasniflash mumkin:
H
1
‒ lizinga boy,
H
2
– arginin va lizinga boy,
H
2A
– arginin va lizinga mo‗tadil boy,
H
3
– argininga boy,
H
4
– glitsin va argininga boy.
Nogiston oqsillarga murakkab oqsillar, fermentlar, shuningdek, boshqaruv
jarayonlarida ishtirok etuvchi oqsillar kiradi deb taxmin qilinadi. Nogiston oqsillar
giston oqsillardan tarkibida nordon aminokislotalarning mavjudligi bilan farq
59
qiladi. Har xil nukleoproteinlarning tarkibida uchraydigan nuklein kislotalarining
miqdori 40 % dan 60 % gacha (masalan, pro- va eukariotlarning ribosomalarida)
bo‗ladi. Virus nukleoproteinlarida nuklein kislotalarning miqdori umumiy
massaning 2-5 % dan oshmaydi.
Dostları ilə paylaş: |