integral sxemalar yoki
chiplar deb yuritildi. 1968-yilda Burroughs firmasi integral sxemalar
asosida birinchi kompyuterni yaratdi. Shunday qilib, uchinchi
avlod kompyuterlari paydo bo‗lishida element baza asosini
integral sxemalar tashkil etdi.
70-yillarning o‗rtalarida to‗rtinchi avlod kompyuterlari
yaratilib, ularning element bazasi katta va o‗ta katta integral
sxemalardan tashkil topgan edi.
70-yillarga kelib mikroelektronikaning rivojlanishi shaxsiy
kompyuterlar yaratishga imkoniyat ochib berdi. INTEL firmasi
1970-yil oxiriga kelib birinchi Intel-4004 mikroprotsessorini
yaratdi. Avvaliga bu mikroprotsessorlar turli xil maxsus
qurilmalarda elektron sxemalar o‗rnida ishlatib kelindi. 1973-
yilda INTEL firmasi 8 bitli Intel-8008 mikroprotsessorini
yaratdi va 1975-yilda shu mikroprotsessor asosida birinchi
shaxsiy kompyuter Altair - 8800 yuzaga keldi.
1981-yilning avgust oyida IBM firmasi birinchi IBM RS
tipidagi shaxsiy kompyuterni yaratib, keng ommaga taqdim etdi.
Bir-ikki yildan so‗ng IBM RS kompyuterlari jahon bozorida
oldingi o‗rinlarga chiqib oldi. Hozirgi vaqtda IBM RS kompyu-
terlari shaxsiy kompyuterlarning standarti bo‗lib qoldi.
1984-yilda Microsoft firmasi Windows operatsion tizimi-
ning birinchi namunasini yaratdi. Windows operatsion tizimining
yaratilishini amerikaliklar XX asrning eng buyuk kashfiyotlari
sifatida e‘tirof etdilar.
1.2. Shaxsiy kompyuterlarning arxitekturasi Kompyuterlarning arxitekturasi odatda foydalanuvchi
uchun muhim bo‗lgan xossalari majmuasi bilan aniqlanadi.
Bunda asosan uning tuzilmasi va funksional imkoniyatlariga
ahamiyat beriladi.
1.1-rasmda shaxsiy kompyuterlarning tarkibiy sxemasi
keltirilgan bo‗lib, undagi asosiy bloklarning tarkibi va vazifalari
bilan tanishib chiqaylik.
