Yechish. CHizmadan ko’rinib turibdiki, kesuvchi tekislik torning ichki konturiga urinma vaziyatda o’tkazilgan. Bu holda torning bunday kesimi lemniskata egri chizig’i deb yuritiladi.
9.5-shakl. 9.6-shakl.
Kesishish chizig’ining frontal proeksiyasi kesuvchi tekislikning NV frontal izi bilan ustma-ust tushadi. Uning gorizontal proeksiyasini yasash uchun torni V1, V2 yordamchi frontal tekisliklar bilan kesiladi. Hosil bo’lgan parallellarni N(NV) tekislik bilan kesishish nuqtalari A″,B″,C″,D″,E″ va F″ lar belgilanadi. So’ngra bu nuqtalarning gorizontal proeksiyalari tegishli tekisliklar izlarida topiladi va o’zaro silliq chiziq bilan tutashtiriladi. Gorizontal proeksiyada kesishuv chizig’ining ko’rinishligi aniqlanadi. Bunda tor yasovchisi m(m′, m″) ning m′ gorizontal proeksiyasiga tegishli 3′…4′…5′… nuqtalardan o’tgan parallellardagi F1′…C′…F′ va E1′…B′…E′ nuqtalar ko’rinadi. Qolgan nuqtalar esa ko’rinmaydi.
6-masala. Ixtiyoriy silindrik sirtning m(m′, m″) yo’naltiruvchisi va yasovchilarining yo’nalishi bilan berilgan. Mazkur sirtning N(NV) frontal proeksiyalovchi tekislik bilan kesishish chizig’i proeksiyalari yasalsin (9.6-rasm).
Yechish.Bu sirtning N(NV) tekislik bilan kesishish chizig’ining proeksiyalarini yasash uchun m(m′, m″) yo’naltiruvchi chiziqda ixtiyoriy 1(1′, 1″), 2(2′, 2″), 3(3′, 3″)… nuqtalarni belgilab, ular orqali silindrning yasovchilari o’tkazilib, bu yasovchilarning berilgan N(NV) tekislik bilan kesishish nuqtalari 11(11′, 11″), 2(21′, 21″), 3(31′, 31″)… lar belgilab olinadi va ular n(n′,n″) tekis egri chiziq bilan tutashtiriladi.
