D. Djanabayev, Sh. Murodov, A. Xolmurzayev chizma geometriya

Yechish. Masalani echish uchun Q tekislikni gorizontal yoki frontal proeksiyalovchi tekislik vaziyatiga keltiramiz. Buning uchun yangi O₁x₁ proeksiyalar o’qini tekislikning biror iziga masalan, Q_H ga perpendikulyar qilib o’tkaziladi. Natijada, tekislikning yangi Q_V1 izini hamda to’g’ri chiziqning A″₁ B″₁ proeksiyasi yasaladi. Hosil bo’lgan kesmaning A″₁ B″₁ proeksiyasi bilan tekislik Q_V1 izining kesishgan K″₁ nuqtasi AB kesmaning Q tekislik bilan kesishish nuqtasi bo’ladi. Bu nuqtani teskari yo’nalishda proeksiyalab, berilgan to’g’ri chiziq kesmasi bilan tekislikning kesishish nuqtasining K′ va K″ proeksiyalari yasaladi.

5.29-rasm.

Xuddi shu usul bilan AB(A′B′, A″B″) to’g’ri chiziqning ∆CDE(∆C′D′E′, ∆C″D″E″), bilan kesishish nuqtasining F′ va F″ proeksiyalarini yasaladi (5.31–rasm). Bunda mazkur uchburchak tekislik proeksiyalovchi tekislik vaziyatga keltiriladi. Buning uchun chizmada ∆CDE tekislikning biror bosh chizig’iga, masalan, C1(C′1′,C″1″) frontaliga perpendikulyar qilib yangi O₁x₁ proeksiyalar o’qini o’tkaziladi. Uchburchakning C′₁D′₁E′₁ to’g’ri chiziq kesmasi tarzida proeksiyalangan proeksiyasi va kesmaning A′₁B′₁ yangi proeksiyalari yasaladi. Ularning o’zaro kesishgan F′₁ nuqtasi belgilanadi, so’ngra F nuqtaning frontal F″ va gorizontal F′ proeksiyalarini yasaladi.

5.30-rasm. 5.31-rasm.

4–masala. A(A′,A″) nuqtadan ∆BCD(∆B′C′D′,∆B″C″D″) tekislikkacha bo’lgan masofani aniqlansin (5.32–rasm).