D. Djanabayev, Sh. Murodov, A. Xolmurzayev chizma geometriya

Yechish. Buning uchun umumiy vaziyatda berilgan AB kesmaga parallel qilib gorizontal yoki frontal proeksiyalar tekisligini yangi proeksiyalar tekisligi bilan almashtiriladi. Chizmada masalani echish uchun uning yangi O₁x₁ proeksiyalar o’qini kesmaning biror, masalan, A′B′ gorizontal proeksiyasiga parallel qilib olinadi. Hosil bo’lgan V₁/H proeksiyalar tekisliklari tizimida AB kesma V₁ proeksiyalar tekisligiga parallel bo’ladi va bu tekislikda u haqiqiy uzunligiga teng bo’lib proeksiyalanadi.

5.26-rasm. 5.27-rasm. 5.28-rasm.
2–masala. Umumiy vaziyatdagi P(P_N, P_V) tekislikni frontal proeksiyalovchi tekislik vaziyatiga keltirish talab etilsin (5.29–rasm).
Yechish. Ma’lumki, frontal proeksiyalovchi tekislikning gorizontal izi Ox o’qiga perpendikulyar bo’ladi. Shuning uchun umumiy vaziyatdagi P tekislikni frontal proeksiyalovchi vaziyatga keltirish uchun yangi O₁x₁ proeksiyalar o’qini tekislikning P_N gorizontal iziga ixtiyoriy joydan perpendikulyar qilib olinadi.
Tekislikning yangi P_V1 izining yo’nalishini aniqlash uchun tekislikning P_V iziga tegishli biror, masalan, A(A′,A″) olib, uning yangi A″₁ frontal proeksiyasi yasaladi. Tekislikning yangi P_1V izini P_x1 va A″₁ nuqtalardan o’tkaziladi. Chizmada ko’rsatilgan α burchak P tekislikning H tekislik bilan tashkil etgan burchagi bo’ladi.
3–masala. AB(A′B′, A″B″) to’g’ri chiziqning umumiy vaziyatdagi Q(Q_H, Q_V) tekislik bilan kesishish nuqtasi yasalsin (5.30–rasm).