Oldingi tahrirga qarang.
5-modda. Davlat tasarrufdan chiqarish va xususiylashtirish jarayonida mulkni oluvchi subyektlar
Oldingi tahrirga qarang.
Davlat tasarrufdan chiqarish va xususiylashtirishni amalga oshirish chog‘ida:
O‘zbekiston Respublikasining, boshqa davlatlarning fuqarolari, fuqaroligi bo‘lmagan shaxslar; davlatga taalluqli bo‘lmagan yuridik shaxslar;
ajnabiy yuridik shaxslar ommaviy mulkni sotib oluvchi subyektlar bo‘lishi mumkin.
Tadbirkorlik faoliyati bilan shug‘ullanishi man etilgan shaxslar davlat tasarrufdan chiqariladigan va xususiylashtiriladigan obyektlarni sotib olishlari, tanlov va kim oshdi savdosida xaridor sifatida qatnashishlari, xususiylashtirilayotgan korxonalarning (aksiyadorlik jamiyatlari bundan mustasno) aksiyalarini sotib olishlari mumkin emas.
6-modda. Davlat tasarrufdan chiqarish va xususiylashtirish shakllari va shartlari
Oldingi tahrirga qarang.
O‘zbekiston Respublikasida davlat tasarrufdan chiqarish va xususiylashtirish: davlat korxonasini xo‘jalik shirkati yoki jamiyatiga aylantirish;
Oldingi tahrirga qarang.
davlat mol-mulkini tanlov yo‘li bilan va kim oshdi savdosida davlatga taalluqli bo‘lmagan yuridik shaxslarga va jismoniy shaxslarga sotish shaklida, shuningdek O‘zbekiston Respublikasi qonunchiligiga zid bo‘lmagan boshqa shakllarda amalga oshirilishi mumkin.
(6-modda 1-bandining uchinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
O‘zbekiston Respublikasida davlat tasarrufdan chiqarish va xususiylashtirish quyidagi shartlarga rioya etgan holda amalga oshiriladi:
— boshqa davlatlarning jismoniy va yuridik shaxslari davlat tasarrufdan chiqarilgan va xususiylashtirilayotgan obyektlari, ularning aksiyalarini O‘zbekiston Respublikasi Vazirlar Mahkamasi tomonidan yoki u vakolat bergan idora tomonidan belgilanadigan tartib bo‘yicha sotib oladilar.
LexUZ sharhi
Qarang: O‘zbekiston Respublikasi Vazirlar Mahkamasining 2014-yil 6-oktabrdagi 279-sonli “Davlat mulki obyektlarini xususiylashtirish tartibi to‘g‘risidagi nizomlarni tasdiqlash haqida”gi qarori.
Dostları ilə paylaş: | 
