Kuzatish– ikki turdan iborat boʻlib, jonli va jonsiz tabiatni kuzatadi. Obyektga mos boʻlgan mehnat turini tanlashi kerak (oʻz-oʻziga hizmat, xoʻjalik-maishiy mehnat, tabiatdagi mehnat, qoʻl mehnati (katta va tayyorlov guruhlarda oʻtkaziladi).
Asosiy harakat turlarini mustahkamlash – sakrash, yugurish, tirmashib chiqish, uloqtirish, irgʻitish, turli usullarda yurish va boshqa harakatlar turlaridan bir yoki ikkitasini qayd etadi va mustahkamlaydi.
Harakatli oʻyin –mavzuga oid harakatli oʻyinlar rejalashtiriladi va qayd etiladi.
Ixtiyoriy oʻyinlar – bolalarning hoxish-istaklariga koʻra deb qayd etiladi.
Kunning ikkinchi yarmini rejalashtirish (taxminan 15:30 dan 16:30gacha. Shuningdek, “Ilk qadam” davlat oʻquv dasturi asosida katta va tayyorlov guruhlarda bolalarning uyqusiz vaqtida).
Toʻgarak ishlari– (MTTning Kuzatuv kengashi qaroriga koʻra turli toʻgaraklar kunning ikkinchi yarmida tashkil etiladi. Masalan; jismoniy tarbiya, musiqa, xoreografiya).
Badiiy adabiyot – hafta mavzusiga koʻra tanlanadi.
Yakka ishlash – pedagoglar (psixolog, musiqa rahbari, jismoniy tarbiya yoʻriqchisi) hamkorligi asosida rivojlanish xaritasining indekatorlari boʻyicha yakka tartibda ishlash tashkil etilib, tarbiyalanuvchi oʻzlashtirmagan rivojlantiruvchi sohalar indekatorlari boʻyicha ishlar rejalashtirilib, tarbiyalanuvchining familiyasi va ismi qayd etiladi.
Kechki davra suhbati –ushbu suhbat jarayonida bolalarning kun davomida olgan bilim, koʻnikma va malakalari (bola kompetensiyasi) tahlil qilinadi va umumlashtiriladi hamda bolalarni qiziqishlarini inobatga olgan holda, ertangi kunda faoliyat yuritadigan markazlar haqida maʼlumot beradi (refleksiya).
Kechki soat (taxminiy vaqti 16:30 dan 18:00 gacha. 10,5 soatli MTT uchun)
Kechki sayrda – ixtiyoriy oʻyinlar, ota-onalar bilan suhbat rejalashtiradi (tarbiyalanuvchining oʻzlashtirishi, taʼlim jarayondagi ishtiroki, uyga vazifasi, bolaning rivojlanish xaritasi bajarilmagan indekatori boʻyicha (bolashaxsiga tegishli maʼlumot yakka holatda oʻtkaziladi) mavzularda)
