Dərs vəSAİTİ Azərbaycan Respublikası Təhsil Nazirliyi Elm və

ayrılması və investisiya fəaliyyətinin stimullaşdırılması; 
–  kənd təsərrüfatına texniki, meliorasiya və aqrokimyəvi xidmətin inkişafı; 
–  torpaqların münbitliyinin bərpası, artırılması  və mühafizəsi sahəsində elmi-tədqiqat işlərinin 
aparılması; 
–  pestisidlərin və aqrokimyəvi maddələrin istehsalı, aqrotexniki, aqrokimyəvi, meliorativ, 
fitosanitar, eroziyaya qarşı mübarizə  və digər tədbirlərin həyata keçirilməsi üçün maşın və texniki 
avadanlıq istehsalçılarına əlverişli iqtisadi mühitin yaradılması; 
–  torpaqların münbitliyinin bərpası, artırılması və mühafizəsi sahəsində kadrların hazırlanması 
və ixtisaslarının artırılması. 

---

131 
 
Təbii və antropogen proseslərin zərərli təsiri nəticəsində münbitliyi itirilmiş torpaqların münbitlik 
xassələrinin bərpası  və artırılması  məqsədi ilə onlar təsərrüfat dövriyyəsindən müvəqqəti olaraq çıxarılır və 
konservasiya edilir. Bu zaman təbii proseslərin zərərli təsiri nəticəsində münbitliyi itirilmiş  və konservasiya 
edilmiş torpaqların dəyəri dövlətin büdcəsindən ödənilir. Lakin bu vəziyyət antropogen təsir nəticəsində 
yarandıqda, torpaqların dəyəri təqsirkar şəxslər tərəfindən ödənilir. 
«Bələdiyyə torpaqlarının idarə edilməsi haqqında» Azərbaycan Respublikasının Qanununda (29 iyun 
2001-ci il) nəzərdə tutulmuş hallar istisna olmaqla, məqsədli təyinatına və hüquqi rejiminə görə  bələdiyyə 
torpaqlarının tərkibinə bütün kateqoriyalardan olan torpaqlar daxil edilə bilər. Bu zaman kənd təsərrüfatı 
təyinatlı torpaqları yalnız məqsədli təyinatı üzrə qanunvericilikdə  nəzərdə tutulmuş qaydalara əməl edilməklə 
istifadəyə və icarəyə verilir. 
Bələdiyyənin ehtiyat fondunun aşağıdakı torpaqları xüsusi mülkiyyətə verilə bilər: 
–  yaşayış məntəqələrinin perspektiv inkişafı üçün cəlb olunan torpaqlar; 
–  kənd təsərrüfatına az yararlı və yararsız torpaqlar; 
–  hüquqi və fiziki şəxslərin istifadəsinə  və icarəsinə verilmiş  kənd təsərrüfatına az yararlı  və 
yararsız torpaqların öz vəsaiti hesabına yararlı hala salınmış kənd təsərrüfatı təyinatlı torpaqlar; 
–  qeyri-kənd təsərrüfatı məqsədləri üçün istifadəyə və icarəyə verilmiş torpaqlar. 
Lakin, ümumi istifadədə olan, habelə hüquqi və fiziki şəxslərin istifadəsində  və icarəsində olan 
bələdiyyələrin kənd təsərrüfatı təyinatlı, eləcə də meşə və su fondu torpaqları xüsusi mülkiyyətə verilə bilməz. 
Respublikamızda bələdiyyə torpaqları üzərində mülkiyyət, istifadə  və icarə hüquqları  bələdiyyələrin 
qərarı ilə bilavasitə, torpaq hərracları  və ya müsabiqələri vasitəsi ilə satıla bilər.    Bu  zaman  kənd təsərrüfatı 
torpaqlarının, onlar üzərində istifadə  və icarə hüquqlarının, habelə  kənd təsərrüfatına az yararlı  və yararsız 
torpaqların kənd təsərrüfatına və onunla bağlı olan dövriyyəyə  cəlb edilməsi məqsədilə satın alınmasında 
üstünlük hüququ, bu torpaqların  əvvəlki istifadəçilərinə  və icarəçilərinə, torpaqlardan istifadə etməklə ailə 
kəndli təsərrüfatı kimi fəaliyyət göstərmək istəyən müvafiq yaşayış məntəqəsində daimi yaşayan və qeydiyyatda 
olan torpaq payı almamış  vətəndaşlara və istefaya çıxmış  hərbi qulluqçulara, habelə satışa çıxarılan sahələrlə 
həmsərhəd yerləşən kənd təsərrüfatı məhsulları istehsalçılarına verilir. 
Kənd təsərrüfatı ehtiyacları üçün verilmiş  və ya bu məqsədlər üçün nəzərdə tutulan bələdiyyənin kənd 
təsərrüfatı təyinatlı torpaqlarından istifadə qaydaları və şərtləri torpaq və aqrar qanunvericiliklə tənzimlənir. 

---

132