56
Qaydaya görə meşə fondu torpaqları icarəyə verilərək imtiyazlı şəxslərə üstünlük verilir və bu torpaqların
subicarəsi qadağandır. İcarə müqaviləsi əsasında meşə fondu torpaqlarından əldə edilmiş meşə sərvətləri
(məhsul) icarəçinin mülkiyyətidir.
Dövlət və bələdiyyə mülkiyyətində olan torpaqların icarə haqqının aşağı həddi bu torpaqların
təyinatından, sahəsindən, coğrafi mövqeyindən və keyfiyyətindən asılı olaraq müvafiq icra hakimiyyəti orqanı
tərəfindən təsdiq edilmiş normativlər əsasında müəyyən edilir. Həmin sənədlərdə torpağın normativ qiyməti,
torpaq vergisi, habelə torpaq bazarında bu dövrə xas olan tələb və təklif nəzərə alınır.
Dövlət və bələdiyyə mülkiyyətində olan kənd təsərrüfatı təyinatlı torpaqlara təklif tələbi üstələdiyi
hallarda torpağa icarə haqqı güzəştli tətbiq edilə bilər. Kənd təsərrüfatına az yararlı və yararsız torpaqlar kənd
təsərrüfatı ehtiyatları üçün icarəyə verildikdə icarəyəgötürən müəyyən imtiyazlar qazanır.
Azərbaycan Respublikasının Nazirlər Kabinetinin 23 dekabr 2000-ci ildə qəbul etdiyi
«Dövlət və
bələdiyyə mülkiyyətində olan torpaqların icarə haqqının aşağı həddinin müəyyən edilməsi barədə» 226
Saylı Qərara görə, dövlət və bələdiyyə mülkiyyətində olan torpaqların icarə haqqının aşağı həddi torpaq
vergisinin 2 misli miqdarında müəyyən edilməlidir.
Azərbaycan Respublikasının Mülki Məcəlləsinin 706-cı maddəsində təsbit olunmuş
«Torpaq icarəsi
müqaviləsinə əsasən icarəyə dövlət, bələdiyyə və xüsusi mülkiyyətdə olan bütün kateqoriyalara aid
Dostları ilə paylaş: 
