1) Ümumi istifadədə olan torpaqlara şəhərlərin, qəsəbələrin və kənd yaşayış məntəqələrinin – küçələrinin, meydançalarının, yerli əhəmiyyətli və təsərrüfatdaxili yolların, parkların, meşə-parkların, sututarların, stadionların, idman meydançalarının altındakı torpaqlar; 2) tarlaqoruyucu meşə zolaqlarının, yerli əhəmiyyətli su təsərrüfatı obyektlərinin, hidrotexniki qurğuların, ümumi istifadədə olan digər yerli əhəmiyyətli obyekt və qurğuların yerləşdiyi torpaqlar; 3) əhalinin mal-qarası üçün istifadə olunan örüş sahələrinin torpaqları. Hüquqi və fiziki şəxslərin istifadəsində olan torpaqlara onların qanuni istifadəsində və icarəsində olan
bələdiyyə torpaqları daxildir. Bələdiyyə ehtiyat fondu torpaqları aşağıdakılardır:
– yaşayış məntəqələrinin perspektiv inkişafı üçün cəlb olunan torpaqlar;
– hüquqi və fiziki şəxslərin istifadə və icazə hüququna xitam verilən bələdiyyə torpaqları;
– ehtiyat məqsədləri daşıyan digər bələdiyyə torpaqları (Azərbaycan Respublikasının Torpaq Məcəlləsi,
maddə 47).
Qanunda nəzərdə tutulmuş hallar istisna olmaqla, məqsədli təyinatına və hüquqi rejiminə görə bələdiyyə
torpaqlarının tərkibinə bütün kateqoriyalardan olan torpaqlar daxil edilə bilər («Bələdiyyə torpaqlarının idarə
edilməsi haqqında» Azərbaycan Respublikasının Qanunu, maddə 2). Mülki qanunvericiliyə uyğun olaraq
bələdiyyələrə mülkiyyət hüquqi ilə mənsub olan bütün əmlak növləri onların mülkiyyətidir. Daşınmaz əmlak
olan torpaq da bu baxımdan istisna deyildir.
Qanunvericiliyə görə, dövlət mülkiyyətində olan torpaqlara aşağıdakılar daxildir:
