Dərs vəsaiti Azərbaycan Texniki Universitetinin 25 dekabr 2017-ci

Şəkil 8.6. Emal sənayesi müəssisələrinin restrukturizasiyasının vacibliyini müəyyən edən iqtisadi və təşkilati-texniki amillərin xarakteristikası
Qeyd edilən faktlar onu göstərir ki, ölkənin emal müəssisə- lərinin perspektiv inkişafı biznes fəaliyyətinin dayanıqlı stra- tegiyasına əsaslanmalıdır. Bu zaman, balanslaşan biznes sistemi- nin yaradılması, diversifikasiya və rəqabət strategiyasının işlənil- məsi və həyata keçirilməsi, eləcə də sahədə mövcud idarəetmə sisteminin əsaslı şəkildə təkmilləşdirilməsi təmin edilməlidir.
Perspektiv inkişafa nail olmaq üçün sinerji təşkiletmə dəyər- lərin zəncirvari idarə edilməsi, lokal və qlobal layihələrin işlənil- məsi və həyata keçirilməsi, korporativ verçur strategiyasının for- malaşması və icrası, elmi tədqiqatların nəticələrinin fasiləsiz is- tehsalata tətbiqi, müştərək fəaliyyətin genişləndirilməsinə üstün- lük verilməlidir.
Bu sahədə uğur qazanmaq üçün Azərbaycanın emal sənayesi müəssisələrində rəqabət qabiliyyətinin yüksəldilməsi, müəssisə- lərin restrukturizasiyası, onların mövcud idarəetmə sisteminin əsaslı şəkildə təkmilləşdirilməsi və inteqrasiya prosesinin dərin- ləşdirilməsi istiqamətində kompleks təşkilati-iqtisadi, texniki-tex- noloji xarakterli tədbirlər həyata keçirilməlidir. Həmin tədbirlər qeyd edilən istiqamətlər üzrə aşağdıakı kimi təsnifləşdirilmişdir.

1. 
   Rəqabət qabiliyyətinin yüksəldilməsi:
   

• 
  mövcud avadanlıqların modernləşdirilməsi və yenilərinin işlənilməsi;
  
• 
  yüksək keyfiyyətli məhsullar üzrə qiymət rəqabətinin aparılması;
  
• 
  nou-hau üzrə xarici analoqlardan istifadə olunması;
  
• 
  müəssisələrdə innovasiya və keyfiyyət menecmentinin geniş tətbiq edilməsi;
  
• 
  iri tədarükçülər və istehlakçılar arasında sıx əlaqələrin ya- radılması;
  
• 
  logistika sisteminin təkmilləşdirilməsi.
  

2. 
   Müəssisələrin restrukturizasiyası:
   

• 
  istehsalın idarə edilməsinin təşkilinin təkmilləşdirilməsi;
  
• 
  əmlakın restrukturizasiyası və funksional dəyişikliyin təmin edilməsi;
  
• 
  istehsalın təyinatının tədricən dəyişdirilməsi;
  
• 
  real sifarişlər portfelinin formalaşdırılması;
  
• 
  maliyyə restrukturizasiyası;
  
• 
  yeni avadanlıqlara və əmək resurslarına daha çox inves- tisiya yönəldilməsi;
  
• 
  mülkiyyət formasının restrukturizasiyası.
  

3. 
   İdarəetmə sisteminin təkmilləşdirilməsi və inteqrasiyasının dərinləşdirilməsi:
   

• 
  emal sənayesinin ayrı-ayrı sahələri üzrə holdinq kompa- niyalarının və maliyyə-sənaye qruplarının yaradılması;
  
• 
  maşın, mexanizm və elektrik avadanlıqlarının sertifikat- laşdırılması və beynəlxalq standartlara uyğunlaşdırılması;
  
• 
  səhmdar cəmiyyətinə çevrilən emal müəssisələrinin baza- sında müştərək müəssisələrin yaradılması;
  
• 
  mövcud maşınqayırma müəssisələrində qeyri-neft sektoru üçün avadanlıqların hazırlanması;
  
• 
  holdinq və müştərək müəssisələrin vasitəsilə beynəlxalq bazara çıxışın təmin edilməsi.