Dərslik Azərbaycan Respublikası Təhsil Nazirliyi tərəfindən təsdiq edilmişdir

Söz 
anlayış və predmeti əvəz edən, 
nominativ funksiyanı yerinə yetirən əsas işarədir ( səsli və ya yazılı). 
Sözün
kommunikativ 
funksiyası
fikir və informasiyanı ötürən cümlə ilə yerinə yetirilir. Söz fonem (fərqləndirmə 
funksiyası) və morfemdən (sözün tərtibi) ibarətdir. 
Dil
işarələr və simvollar sistemi, 
nitq
- dildən istifadə, dilin reallaşdırılması prosesidir.
Nitq
konkret vaxt ölçülü, aktiv, nizama salınmamış və spontan ola bilər. Temp, 
davamlılıq, tembr, ucalıq, artikulyasiya (müəyyən səsi çıxartmaq üçün danışıq üzvlərinin 
gördüyü iş) dəqiqliyi, vurğu nitqi səciyyələndirən xüsusiyyətlərdir və dildən asılı deyil. 
Müasir Azərbaycan ədəbi dili (dialektlər, jarqonlar, tufeyli sözlər və s.-dən uzaq) hamının 
ümumi nitqinə çevrilmişdir. İndi “nəyi necə demək lazımdır?” məsələsi çox aktuallaşıb. Bu 
gün bizim üçün öz fikirlərini (dilin lüğət tərkibindən aktiv istifadə edərək) dilin təmizliyini 
qoruyaraq necə dəqiq ifadə edə bilməyi və praktik olaraq ona əməl etməyi öyrənmək çox 
vacibdir.
Ünsiyyət 
funksiyası
dilin 
müxtəlif 
funksiyalarından 
biridir. 
Ünsiyyətin-
kommunikasiyanın əsas funksiyaları bunlardır:
informativ
,
interaktiv
(sövqedici)
ekspressiv
(emosional hissləri oyandırmaq). Ünsiyyətsiz şəxsiyyətin formalaşmasını, 
fəaliyyətin istənilən növünü reallaşdırmaq mümkün deyil. Dil nitq vasitəsi ilə reallaşdığı üçün 
nitq dilin zahiri təzahürü, ünsiyyətin verbal vasitəsidir.
İnformasiyaların: 
-sözlə ötürülməsi vasitəsi- 
verbal
;
-işarə, jest, mimika, poz və baxışlarla
 
verilməsi- 
qeyri-verbal
vasitədir.

---

Dilin zəngin ifadə vasitələrindən istifadə etmək bacarığı insanın təfəkkürünün inkişafı və 
ünsiyyət üçün vacib şərtdir.