Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

ƏLİ QURBANOV (20.6.1898-4.10.1962) 

 

Yaradıcılığı Tiflis Dövlət Azərbaycan Dram Teatrı  və Akademik Milli Dram Teatrı ilə  sıx 

bağlı olan Əli Mirzəli oğlu Qurbanov 20 iyun 1898-ci ildə Tiflisdə dünyaya göz açıb. Atası dəmir 

yolunda fəhlə işləyib, anası Zinyət (aktyor Möhsün Sənaninin xalası) mollalıq edib. Əli bir neçə il 

məktəb təhsili almış, saz və tar çalmağı öyrənmişdi. 

Əli Qurbanov 1915-ci ildə özündən iki yaş kiçik xalası oğlu Möhsün Sənaninin təşkil etdiyi 

Üzeyir bəy Hacıbəyovun "O olmasın, bu olsun" əsərinin tamaşasında Rüstəm bəy obrazını oynayıb. 

Bundan sonra "İbrət" və  "İttihad" truppalarında, sonra dövlət teatrında fəaliyyət göstərib. 1925-ci 

ilin ikinci yarısında Milli Dram Teatrının kollektivinə çağırıb. Ömrünün sonunadək burada işləyib. 

Aktyor AMDT-da milli dramaturqlarımızdan Səməd Vurğunun "Vaqif" (Vidadi), "Xanlar" 

(Əzizbəyov), Azər baba ("Fərhad və  Şirin"),  Ənvər Məmmədxanlının "Şərqin səhəri" (Sərdar),   

Mirzə   İbrahimovun   "Məhəbbət"   (Əhmədi-biqəm), "Həyat" (Qurban və Cəlal), İlyas Əfəndiyevin 

"Bahar suları" (Mədət), Süleyman Sani Axundovun "Eşq və intiqam" (Piri baba), Süleyman 

Rüstəmin "Qaçaq Nəbi" (Alı kişi), Hüseyn Cavidin "Səyavuş", "Şeyx Sənan" (Piran və Keşiş), 

Məmməd Səid Ordubadinin "Dumanlı Təbriz" (Cavad ağa), Mehdi Hü-seynin "Nizami" (Qivami), 

Mirzə  Fətəli Axundzadənin "Hacı Qara"  (Əsgər bəy),  dünya klassiklərindən Vilyam Şekspirin 

"Hamlet" (Klavdi),  "Otello" (Brabansio),  "Qış nağılı" (Qoca çoban), "Kral Lir" (Qloster), 

Aleksandr Puşkinin  "Dubrov-Ski" (Arxip), Aleksandr Ostrovskinin "Tufan" (Kuliqin), Jül Vernin 

"Kapitan Qrantın uşaqları" (Ayriton), Viktor Hüqonun "Gülən   adam" (Lord Mounten), Jan Batist 

Molyerin "Skapenin kələkləri" (Jeront), Nazim Hikmətin "Türkiyədə" (Aşıq Hicrani) əsərlərinin 

tamaşalarında müxtəlif xarakterli rollar oynayıb. Aktyor həm də "Azərbaycanfilm" kinostudiyasında 

müxtəlif filmlərə çəkilib. 

Əli Qurbanov 4 dekabr 1938-ci ildə Azərbaycan Respublikasının  əməkdar artisti, 4 may 

1940-cı ildə isə xalq artisti fəxri adlarına layiq görülüb. 

Aktyor 4 oktyabr 1962-ci ildə Bakıda vəfat edib. 

Əli Qurbanov ehtirası, daxili imkanları yumşaq ifadə vasitələri üzərində köklənmiş, xarakter 

etibarı ilə dramatik personajlara meyilli, obrazın zahiri rəsmindən daha çox insani mahiyyətinə 

diqqət yetirən aktyor idi. 

 

 

---