308
rasiyası, epidermal hüceyrələrin nekrozu, akantoliz olmadan bazalüstü və subepidermal
qovuqlar müşahidə olunur. Damarlar ətrafında və bazal membran sahəsində limfohistio-
sitar infiltrasiya, eritrositlərin ekstravazasiyası nəzərə çarpır.
Diaqnoz
Kəskin başlanğıc, intoksikasiya əlamətləri, polimorfizm və göyümtül-qırmızı
(tünd-çəhrayı) rəngli simmetrik səpgilərlə fərqlənir. Residivlərin davametmə müddəti
adətən 3-4 həftə təşkil edir. Residivlərin mövsümiliyi xəstəliyin infeksion-allergik for-
masında müşahidə olunur. Vezikula və qovuqların olması ilə nəzərə çarpan dermatozun
yüngül gedişində Nikolski simptomu mənfidir.
Differensial diaqnoz
Vulqar pemfiqus (eritemanın, papulaların olmaması, müsbət Nikolski simptomu, ero-
ziyalardan götürülmüş yaxma-kəsiklərdə akantolitik hüceyrələrin aşkar edilməsi).
Dürinq dermatozu (elementlərin herpetiform yerləşməsi, yoda qarşı həssaslıq,
xəstələrdə DDS-nin qəbulu zamanı meydana çıxan təsir).
Xronik miqrasiya edən Afselius-Lipşüts eriteması (Laym-borreliozunun dəri əlamət-
ləri). Gənənin yapışdığı yerdə göyümtül-qırmızı ləkə əmələ gəlir ki, onun mərkəzində
hemorragik qartmaq vardır, onlar böyüyəyərək uşaq ovucu böyüklüyündə və daha iri
ölçüyə malik (1-ci mərhələ) halqaya çevrilir. Bir neçə həftədən sonra spiroxetlərin dis-
seminasiyası nəticəsində ürək və nevroloji simptomatika (2-ci mərhələ) təzahür edir.
Gənənin dişləməsindən 1 il və daha çox sonra (3-cü mərhələ) ağırlaşmalar inkişaf edir:
dərinin xronik atrofik akrodermatit şəklində zədələnməsi, oynaqlarda, ürəkdə, MSS-də,
periferik sinir sistemində ağır dəyişikliklər.
Diaqnozu qoyduqda həmçinin dərman toksidermiyalarını, infeksion ekzantemaları
(skarlatina, qızılca, məxmərək), dermatomiozit, termiki yanıqları, fototoksiki reaksiya-
lar, pörtülmüş dəri sindromunu yanıqlarda istisna etmək lazımdır.
Dostları ilə paylaş: 
