DƏRİ ANKİLOSTOMİDOZLARI Ankilostomidozların törədiciləri Ankylostoma duodenale və Necator americanus-
bağırsaq parazitləridir. İnsan nəcisi ilə xaric olan parazitin yumurtaları xarici mühitdə in-
vaziv sürfələrə çevrilir. Sürfələr “torpaq qoturluğu”, “su qoturluğu”, “filiz çıxardanların
səpgisi” adı ilə məlum olan dəri zədələnmələri törədir. Sürfələrin daxil olduğu yerdən-
daha çox əldə ayaqlarda və barmaqarası büküşlərdə, oynaqlarda ayaq altında qaşınma
və yanğı hissi, məhdud ləkəli, papulyoz, papulo- vezikulyoz və ya vezikulo- bullyoz
səpgi, ovucun içində isə ödem və qeyri- düzgün formalı urtikar elementlər əmələ gəlir.
Səpgilər çox vaxt piodermiya ilə ağırlaşır və iki-üç həftədən sonra sağalır. Xəstəliyin
sonrakı mərhələsində dəri və selikli qişaların sarıya çalan avazıması (sorucuların törət-
diyi anemizasiyanın nəticəsi), tək-tək polimorf elementlər, hipopiqmentasiyalar, ümumi
intoksikasiyanın əlamətləri müşahidə edilir.
Müalicəsi. Albendazol 0.4 q-dan birdəfəlik, pirantel- pamoat 11mq/kq/sut 3 gün;
levamizol 0.1 q sutkada 2 dəfə 3 gün, mebendazol 0.1 q / sut 3 gün; yerli: qaşınma və
iltihabəleyhinə vasitələr.
STRONGİLOİDOZ Sinonimləri: torpaq qaşınması, Larva currens (“qaçan sürfələr”).
Törədici- bağırsaq uqritsası (Strongeloides stercoralis Bavayi) sayılır. İnvaziyanın
erkən mərhələsində allergik reaksiyalar baş verir; sürfələrin daxil olduğu yerdə poli-
morf qaşınan səpgilər, dermatit əlamətləri; qanda- eozinofiliya (“torpaq qaşınması” ilə
differensiasiya vacibdir) müşahidə edilir. Gecikmiş mərhələlərdə izomorf reaksiya ilə
sürünən səpgi- Larva currens müşahidə edilir. Proses perianal nahiyədən başlayır və
budun, sağrının, qarnın və gövdənin yan səthlərinə yayılır. Baldır, ayaqaltı. əllər, cinsi
orqanlar zədələnmir. Orta dərəcəli qaşınma, damarlar boyu xəttvari, sürünən, valcığa
oxşar köpüşük qeyd edilir. Bunlar saatda 10 sm sürətlə yayıla bilər (sürfələrin dəridə
aktiv yerdəyişməsi).
