2) yük və malların - müşayiət sənədləri (qaimələr, konosamentlər, spesifikasiyalar, hesab-
fakturalar və s.);
3) gömrük sənədləşmələri və gömrük nəzarəti üçün vacib olan digər sənədlər.
Gömrük anbarına yerləşdirilən mallara sertifikat tələb olunmur.
Gömrük anbarında bəzi spesifik, digər mallara təsir edə biləcək və ya xüsusi anbarlaşdırma şəraiti tələb
edən mallar üçün bəzi bölmələr və ya sahələr təşkil edilə bilər. Anbarın təsisçisindən və təsis məqsədindən asılı
olaraq gömrük anbarları açıq və qapalı tipli ola bilərlər.
Açıq tipli gömrük anbarı istənilən şəxslərin istifadəsi üçün imkan yaradır.
Qapalı tipli gömrük anbarları yalnız müəyyən şəxslərin mallarının saxlanılması üçün nəzərdə tutulur.
Anbarın sahibi qapalı tipli gömrük anbarı təsis edilməsinin məqsədəuyğunluğunu əsaslandırmalıdır.
Gömrük orqanlarının razılığını aldığı təqdirdə, anbarın sahibi gömrük anbarlaşdırılması rejimi altında
saxlanılması nəzərdə tutulan malların siyahısını müəyyən edir və tələb olunduqda gömrük orqanının müəyyən
etdiyi həcmdə bank zəmanəti təqdim edir.
Gömrük anbarının ərazisi gömrük nəzarət zonasıdır və bu rejimin də pozulmasına görə qüvvədə olan
gömrük qanunvericiliyi ilə müəyyən edilmiş cəza tədbirləri nəzərdə tutulur.
Gömrük anbarının quruluşu və təchizatı malların gömrük nəzarətindən kənar gətirilməsi və çıxarılması
imkanlarını istisna etməlidir. Anbarın ərazisi elə qapanmalıdır (əhatə edilməlidir) ki, kənar şəxslərin gömrük
nəzarəti altında olan mallara yaxınlaşmasını istisna etsin.
Anbar sahibi:
1) saxlanmağa verilmiş malların gömrük nəzarətindən kənar götürülməsi imkanını istisna etməlidir;
2) gömrük nəzarətinin həyata keçirilməsini çətinləşdirməməlidir;
3) gömrük anbarının təsis edilməsi üçün verilən icazənin şərtlərini yerinə yetirməlidir;
4) gömrük anbarından istifadə proseduralarındakı tələblərə riayət etməlidir;
5) gömrük orqanının bütün qanuni tələblərini, o cümlədən bu orqan əməkdaşlarının malların saxlandığı
yerə buraxılmasını təmin etməlidir;
6) anbarda saxlanılan malların uçotunu aparmalı və hesabat təqdim etməlidir.
Gömrük anbarının sahibinin aşağıdakı hüquqları vardır:
56
1) gömrük anbarlaşdırılması üzrə göstərdiyi xidmətin qarşılığını tələb edə bilər;
2) anbarda saxlanılan mallarda qanunvericiliklə müəyyən edilmiş əməliyyatlar apara bilər.
Gömrük anbarı sahibi və malını saxlanmağa verən şəxs arasındakı münasibətlər müqavilə əsasında
qurulur. Saxlanma müqaviləsinin real xarakteri malın saxlanmağa verilməsi anından qüvvəyə minməsini
nəzərdə tutur. Bu əməliyyat gömrük anbarında saxlanan kitabda gömrük əməkdaşının təsdiqi ilə qeydiyyata
salınır.
Mal sahibinin seçdiyi gömrük rejimi üzrə gömrük ödəncləri ödənildikdən sonra malın sahibinə verilmə
anından müqavilə üzrə öhdəlikləri yerinə yetirilmiş sayılır. Malın verilməsi gömrük əməkdaşı tərəfindən
şəhadətləndirilməlidir.
Açıq tipli gömrük anbarında saxlanma müqaviləsi anbar şəhadətanaməsi şəklində rəsmiləşdirilir: birinci
nüsxə gömrük anbarında saxlanılır və malın geri verilməsi üçün əsas rolu oynayır; ikinci nüsxə malı saxlanmağa
verən şəxsə təqdim edilir; üçüncü nüsxə maliyyə hesabatları üçün istifadə edilir. Gömrük orqanı adından anbar
şəhadətnaməsi gömrük anbarının müdiri tərəfindən, gömrük orqanının baş mühasibinin müavini tərəfindən,
həmçinin maddi-məsul vəzifə tutan və bilavasitə malı anbara yerləşdirən vəzifəli şəxs tərəfindən imzalanır.
Anbar şəhadətnaməsində digər vacib informasiya ilə yanaşı saxlanmağa verilmiş malların sərbəst bazar
qiymətləri ilə müəyyən edilən dəyəri göstərilməlidir. Bu xüsusiyyət anbar sahibinin günahı ucbatından
saxlanmağa verilmiş malın itirilməsi, çatışmamazlığı və zədələnməsi və ya zay olması zamanı vurulmuş zərərin
miqdarını müəyyən etmək üçün istifadə olunur.
Gömrük anbarında saxlanılan malların olduğu kimi qalmasını təmin etmək üçün həmin mallar üzərində
aşağıdakı əməliyyatlar aparıla bilər:
1) təmizləmə və malların mühafizəsinin təmin edilməsi üzrə tədbirlər;
2) havasının dəyişdirilməsi;
3) qurudulma;
4) ən münasib saxlama temperaturunun yaradılması;
5) qoruyucu qablaşdırmaya yerləşdirilməsi;
6) qoruyucu sürtgü və konservantlar çəkilməsi;
7) daşınmadan əvvəl korroziya əleyhinə örtüklə örtülməsi.
Gömrük anbarında yerləşdirilmiş malların satışının və daşınmasının hazırlanması və digər məqsədlər
üçün (məsələn prob və nümunələr götürülməsi) də bir sıra əməliyyatlar aparıla bilər (məsələn, çeşidləmə,
nömrələmə və s.). Mallar üzərində aparılan bütün əməliyyatlar, həmin malların XİF-in mal nomenklaturası üzrə
təsnifatının rəqəm kodunun 9-cu işarəsi səviyyəsində dəyişməsi ilə əlaqədar keyfiyyətini dəyişməməlidir.
Malların satışa və daşınmağa hazırlanması əməliyyatları yalnız gömrük orqanının icazəsi ilə
mümkündür.
Gömrük anbarı sahibinin hüquqi statusunun təyin edilməsində xüsusi yeri gömrük ödənişlərinin
ödənməsi ilə bağlı məsələlər tutur.
Gömrük rüsumlarının, vergilərinin və digər gömrük yığımlarının ödənməsi üçün məsuliyyəti:
a) malların açıq tipli gömrük anbarlarında yerləşdirilməsi zamanı malı anbara yerləşdirən şəxs;
b) malların qapalı tipli gömrük anbarlarında yerləşdirilməsi zamanı gömrük anbarının sahibi daşıyır.
Gömrük orqanı anbar sahibi ilə birgə gömrük nəzarətinin təşkili zamanı gömrük anbarına daxil olmağa
icazəsi olan işçilərin siyahısını hazırlayır. Gömrük nəzarətinin təmin edilməsi məqsədi ilə gömrük orqanı tikilini
iki bağlama qurğusu (qıfıl və ya digər) ilə təchiz edilməsini tələb edə bilər. Bu zaman bir qurğunun istifadəsi
gömrük orqanının sərəncamında qalır.
Anbarın sahibi gömrük orqanının əməkdaşları üçün təmənnasız əsnada gömrük nəzarəti zonasında
(gömrük anbarının ərazisində) iş yeri təşkil etməli, onlar üçün tam təchiz edilmiş xüsusi iş otağı ayırmalı,
nəqliyyat və rabitə ilə təmin etməlidir.
Gömrük nəzarətinin təşkili anbar zonasının təchiz edilməsi, tikililərin və onları əhatə edən ərazinin
qorunması, buraxılış rejiminin təşkili anbar sahibinin vəsaiti hesabına həyata keçirilir.
7.2.2. Sərbəst anbar rejimi
Sərbəst anbar gömrük rejiminin əsas məqsədi, xarici malları müəyyən edilmiş ərazi sərhədləri
daxilində və ya binalarda gömrük rüsum və vergiləri alınmadan, həmçinin bu mallara iqtisadi siyasət
tədbirləri tətbiq edilmədən yerləşdirilməsindən ibarətdir.
Bu gömrük rejimi altında ərazisinə gətirilməsi və aparılması qadağan olunan mallar da yerləşdirilə bilər.
Sərbəst anbar Azərbaycan Respublikasının Dövlət Gömrük Komitəsindən icazə alındıqdan sonra təsis
edilə bilər.
57
Azərbaycan Respublikasıın Nazirlər Kabinetinin müəyyən etdiyi qaydalarla Azərbaycan
Respublikasının Dövlət Gömrük Komitəsi sərbəst anbar təsis etmək üçün icazə verir və onun fəaliyyət
müddətini müəyyən edir.
Sərbəst anbarı təsis etmək üçün icazə verilməsinə görə Azərbaycan Respublikası Nazirlər Kabinetinin
müəyyən etdiyi miqdarda yığım alınır.
Sərbəst anbarı təsis etmək üçün icazəni verən DGK onu ləğv edə, geri ala, habelə onun fəaliyyətini
dayandıra bilər.
Sərbəst anbar sahibi Gömrük Məcəlləsinin tələblərinə riayət etmədikdə və ya anbarın qalması daha
Azərbaycan Respublikasının iqtisadi siyasətinə uyğun gəlmədikdə icazə geri alınır.
Sərbəst anbar sahibinin öz hüquqlarından sui-istifadə etməsi haqqında kifayət qədər əsaslar olduqda,
icazənin fəaliyyəti üç aya qədər müddətdə dayandırıla və ya ləğv edilə bilər. İcazənin ləğv edilməsi, geri
alınması və ya fəaliyyətinin müvəqqəti olaraq dayandırılması haqqında qərar qəbul edildiyi tarixdən qüvvəyə
minir.
İcazə ləğv edildikdə və ya geri alındıqda onun verilməsinə görə alınmış yığımlar qaytarılmır.
Sərbəst anbar təsis edilməsi üçün nəzərdə tutulan bina və ya başqa yer, gömrük nəzarətini təmin etmək
məqsədilə lazım olan qaydada qurğu emalı, zəruri olduqda onlar iki bağlayıcı qurğu ilə təchiz edilməli və həmin
qurğulardan biri Azərbaycan Respublikası gömrük orqanının sərəncamında olmalıdır.
Sərbəst anbar sahibinin vəzifələri:
1) anbarda olan malların gömrük nəzarətindən kənar götürülməsinə yol verməmək
2) gömrük nəzarətinin həyata keçirilməsini çətinləşdirməmək;
3) sərbəst anbar təsis edilməsi üçün verilən icazənin şərtlərinə riayət etmək, gömrük nəzarətinin və
gömrük rəsmiləşdirilməsinin həyata keçirilməsi üçün Azərbaycan Respublikası gömrük orqanlarının vəzifəli
şəxslərinin sərbəst anbarlara daxil olmalarına şərait yaratmaq, Azərbaycan Respublikası gömrük orqanlarının
qanuni tələblərini yerinə yetirmək.
Gömrük Məcəlləsinə görə anbar sahibi:
a) sərbəst anbar təsis edilməsi üçün verilən icazənin şərtlərini yerinə yetirməlidir;
b) gömrük orqanlarının tələblərini yerinə yetirməli, gömrük orqanının vəzifəli şəxslərinin saxlanan
malları təmas və müayinə edə bilməsini təmin etməli, bu şəxslərə gömrük rəsmiləşdirilməsi və gömrük
nəzarətinin həyata keçirilməsi üçün təmannasız otaq, avadanlıq və rabitə vasitələri verməlidir;
c) gömrük nəzarətinin həyata keçirilməsini çətinləşdirməməlidir;
ç) anbardakı malların gömrük nəzarətindən kənar götürülməsi imkanını istisna edilməlidir.
Bu məqsədlə sərbəst gömrük anbarı üçün nəzərdə tutulmuş tikili və ya başqa bir yer gömrük nəzarətini
təmin etmək üçün düzəldilməli, lazım olduqda ikiqat bağlayıcı vasitələr (qıfıl və s.) ilə təchiz etməlidir.
Bağlayıcı vasitələrdən biri gömrük orqanlarında qalmalıdır.
Gömrük Məcəlləsinə görə, bu gömrük rejimi altında yerləşdirilmiş mallardan pərakəndə satış istisna
edilməklə, istehsal və digər kommersiya əməliyyatlarında istifadə etmək olar. Bu rejim altında yerləşdirilmiş
malların xarakterindən asılı olaraq, ayrı-ayrı qadağan və məhdudiyyətlər tətbiq edilə bilər. Bu cür qadağan və
məhdudiyyətləri sərbəst anbar barədə DGK müəyyən edir.
Bu rejimin təyinatına görə, xarici və yerli malların yerləşdirilməsi üçün gömrük rüsum və vergiləri
tutulmur. Əgər mallar sərbəst anbardan ölkənin gömrük ərazisinə gətirilirsə və ya kənara aparılarsa, onda
nəzərdə tutulmuş yığım və rüsumlar ödənilməlidir.
Sərbəst anbarlarda yerləşdirilmiş mallar ixrac üçün nəzərdə tutulmuşsa, gömrük rüsumları və
vergilərindən azad edilir. Əgər maldan 6 ay ərzində ölkədən faktiki çıxarılarsa, onda ödənilmiş vergi və
rüsumlar geri qaytarılır.
Sərbəst anbar aşağıdakı hallarda ləğv edilə bilər:
1) sərbəst anbarın təsis edilməsi üçün verilmiş icazənin vaxtı qurtardıqda;
2) anbar sahibinin istəyi ilə;
3) icazə ləğv edildikdə;
4) icazə geri alındıqda.
Sərbəst anbarın ləğv edilməsi haqqında qərar qəbul edildiyi andan, o qanuna əsasən müvəqqəti saxlanc
anbarına çevrilir. Belə anbarda mallar maksimum yarım il saxlanıla bilər.
7.3. Emal rejimləri
Mallar, beynəlxalq mübadilə obyekti olduğundan, bəzən xarici ticarət əməliyyatının bitməsindən əvvəl,
ya da sonra müəyyən işlənmə (emal) tələb edir. Bu zaman bir sıra səbəblər üzündən (iqtisadi, texnoloji və s.)
istehsal və ya sənaye xarakterli belə əməliyyatlar bir dövlətin gömrük ərazisində həyata keçirilə bilmir. Məhz bu
58
məqsədlər üçün “emal rejimləri” nəzərdə tutulur. Bu rejimlər çərçivəsində xüsusi hüquqi mexanizmin tətbiq
edilməsi aşağıdakılara imkan verir:
- gömrük tənzimlənməsinin adi vasitə və tədbirləri tətbiq edilmədən xarici mallar gətirilsin və
emal edilsin;
- Azərbaycan malları respublikanın gömrük ərazisindən emal məqsədi ilə çıxarılsın və dəyişilmiş
(emal edilmiş) halda geriyə gətirilsin;
- xarici mallar Azərbaycanın gömrük ərazisinə gətirilsin, emal (yenidən emal) edilsin və emal
məhsulları geriyə qaytarılsın və ya Azərbaycan ərazisində istifadə edilmək üçün saxlanılsın.
Gömrük Məcəlləsi malların emalı üzrə əməliyyatların keçirilmə qaydalarına xarici iqtisadi fəaliyyətin
gömrük-hüquqi tənzimləmə sisteminin nisbətən müstəqil elementi kimi baxır. Məcəllə bunun üçün üç növ
gömrük rejimi müəyyən edir:
1) gömrük ərazisində malların emalı;
2) gömrük nəzarəti altında malların emalı;
3) gömrük ərazisindən kənarda malların emalı.
Gömrük Məcəlləsi ilə müəyyən edilən emal rejimlərinin reqlamentləşdirilməsinin mühüm elementi,
onların benefisiarlarına yönəlmiş tələblərdir. Bu rejimlərin tətbiq spesifikasını və qüvvədə olan normativ-hüquqi
bazanın əsaslarını nəzərə alaraq, qeyd etmək lazımdır ki, “benefisiar” anlayışı bu halda kifayət qədər şərti
xarakter daşıyır. Bu məfhumla emal üçün icazə almış şəxslər və həmçinin malların emalında maraqlı olan,
ölkəyə gətirilən və çıxarılan malların, məhsulların və s. sahibləri başa düşülür. Bu rejimlər üzrə benefisiar
statusunun alınmasını şərtləndirən əsas tələblər - benefisiarın Azərbaycan vətəndaşı olması və müəyyən edilmiş
qaydada Azərbaycan Respublikasının gömrük ərazisində qeydiyyatdan keçməsidir.
7.3.1. Gömrük ərazisində emal rejimi
AR Gömrük Məcəlləsinə görə, Gömrük ərazisində malların emalı - ixrac gömrük rejiminə uyğun
olaraq emal məhsullarının Azərbaycan Respublikası gömrük ərazisinin hüdudlarından kənara
aparılması şərtilə, iqtisadi siyasət tədbirləri tətbiq edilmədən və idxal gömrük rüsumları və vergilər
qaytarılmaqla, xarici malların Azərbaycan Respublikası gömrük ərazisində müəyyən qaydada emal üçün
istifadə edilməsindən ibarət gömrük rejimidir. Qanunvericiliyə görə, gömrük ərazisində malların emalı üçün
icazə qaydasını AR-ın Nazirlər Kabineti müəyyən edir.
Dövlət Gömrük Komitəsi İqtisadi inkişaf Nazirliyi ilə razılaşdırılmaqla, malların emalı üzrə ayrı-ayrı
əməliyyatlara Azərbaycan mallarının aktiv emal rejimləri çərçivəsində istifadə edilməsi imkanı və qaydaları da
daxil olmaqla emal əməliyyatları aparılması şərtlərinə məhdudiyyətlər müəyyən edir.
Dövlət Gömrük Komitəsi İqtisadi İnkişaf Nazirliyi ilə razılaşdıraraq gömrük məqsədləri üçün emal
məhsullarının məcburi hasilat miqdarının müəyyən edilməsi qaydalarını təsdiq edir.
Dövlət Gömrük Komitəsi malların emalı üçün müddətin təyini qaydalarını, gətirilən xarici malların və
onların emalından sonra alınan məhsulların identifikasiyası tələb olunmayan halları, Azərbaycan
qanunvericiliyinə riayət olunmasını təmin etmək məqsədi ilə Gömrük Məcəlləsində əks olunmamış digər əlavə
tələbləri müəyyən edir.
Rejimin istifadə sahəsi dedikdə onun reqlamentasiyasının iki mühüm aspekti nəzərdə tutulur:
1) rejim çərçivəsində yerinə yetirilə biləcək əməliyyatlar;
2) rejimdə istifadəsi nəzərdə tutulan mallar, daha doğrusu bu rejim altında yerləşdirilməsinə icazə
verilən mallar.
Emal rejimlərinin iqtisadi xarakterini və onların istifadəsi zamanı əlverişsiz iqtisadi nəticələr verə
biləcəyini nəzərə almaqla, onların tətbiq sahəsinə qanunvericiliklə müəyyən edilən bəzi məhdudiyyətlər
qoyulur. Bu məsələ aşağıdakı neqativ amillərlə şərtlənir:
a) təbii ehtiyatların çıxarılması sənayesinin inkişafı zərərinə xarici xammalın ölkəyə gətirilməsi;
b) rejimin benefisiarları üçün ümumi əsaslarla fəaliyyət göstərən analoji və ya oxşar malların
istehsalçıları ilə müqayisədə, özünü doğrultmayan daha güzəştli şəraitin yaradılması;
c) ölkə daxilində yüksək texnologiyalı istehsal sahələrinin inkişaf etdirilməsi və onların məhsullarının
ixracı əvəzinə tez başa gələn, xammal və yarımfabrikatların istehsalına istiqamətlənmiş “yarımsənayelərin”
genişlənməsi.
Gömrük Məcəlləsi ilə müəyyən edilən hər üç emal gömrük rejimi çərçivəsində aşağıdakı əməliyyatların
aparılmasına icazə verilir;
- quraşdırılma, yığılma və başqa mallara uyğunlaşdırılma da daxil olmaqla malın hazırlanması
(düzəldilməsi);
- malın emalı və təkrar emalı;
- bərpa olunma və qaydaya salınma da daxil olmaqla malın təmiri;
59
- emal məhsullarının istehsalına xidmət edən və ya istehsalı asanlaşdıran bəzi mallardan tamamilə və ya
qismən istifadə edilməsi.
Ümumi qaydaya görə, gömrük ərazisində malların emalı rejimi altında yerləşdirilməsi qadağan edilən
mallara, digər gömrük rejimlərində olduğu kimi, Azərbaycan Respublikasının gömrük sərhədindən keçirilməsi
qadağan olunan mallar aid edilir.
Gömrük ərazisində malların emalı gömrük rejimi (və digər emal rejimləri) çərçivəsində aparılan
əməliyyatların xarakterini və milli təsərrüfatın bitişik sektorlarındakı iqtisadi fəallığa onların təsirinə daimi
nəzarətin vacibliyini nəzərə alaraq, rejimin reqlamentləşdirilməsi ilə rejimdən istifadənin sərt tələbləri və onun
əsas mərhələlərinin ardıcıllığı müəyyən edilir. Məcəllə rejimdən istifadənin icazəvermə qaydasını müəyyən edir.
Mallar bu rejim altında o zaman yerləşdirilə bilər ki, benefisiarın müvafiq icazəsi olsun.
İcazə almaq üçün Dövlət Gömrük Komitəsinə yazılı ərizə ilə müraciət edilməlidir. Ərizədə rejimin
istifadə edilməsinin mümkünlüyü barədə qərar qəbul edilməsi üçün vacib olan məlumatlar (ərizəçi, gətirilən və
kompensasiya malları, emal müddəti, emalın yeri, emal edən müəssisə və s. barədə) öz əksini tapmalıdır.
Gömrük ərazisində malların emalı üçün icazə verilməsi şərtlərinin əsasını təşkil edən meyarlar üç
qrupda birləşdirilə bilər:
1) iqtisadi meyarlar (milli istehsalçıların maraqlarının qorunması, hazır məhsulların ixracının artırılması
və i.a.);
2) texniki meyarlar (emal edilmiş malların emal məhsullarında identifikasiyasının mümkünlüyü,
aparılan əməliyyatlara gömrük nəzarətinin həyata keçirilməsini təmin edən emalın texnoloji prosesinə tələblər);
3) inzibati meyarlar (benifisiarın hüquqi statusu, gömrük rejiminin reqlamentasiyasına riayət edilməsi);
Bu rejim çərçivəsində əməliyyatların aparılmasına icazə aşağıdakı şərtlərə riayət edilməklə verilə bilər:
- gətirilən mallar emal məhsullarında identifikasiya edilə (eyniləşdirilə) bilməlidir (Bu qaydadan
istisnaları DGK müəyyən edir);
- emal-kompensasiya mallarının çıxarılmasına (ixracına) və ya Azərbaycan Respublikasının istehsal
gücündən istifadəyə xidmət etməlidir;
- DGK-nin müəyyən etdiyi, gömrük işi barədə Azərbaycan Respublikasının Qanunvericiliyinə riayət
edilməsi tələbləri yerinə yetirilməlidir.
Emal üçün verilmiş icazə DGK tərəfindən ləğv edilə və ya geri alına bilər. Müəyyən edilmiş qaydalar
əsasında ərizəçiyə icazə verilə bilmədikdə və qərarın qəbul edilməsi üçün mühüm əhəmiyyət kəsb edən
natamam və ya qeyri-müfəssəl məlumatlar əsasında verildikdə ləğv edilir.
Əgər icazə sahibi rejimin tələblərinə riayət etmirsə və ya icazə dövlətin iqtisadi siyasətinə daha uyğun
gəlmirsə, bu halda DGK icazəni geri ala bilər.
Gömrük ərazisində malların emalı gömrük rejiminin tətbiqi prosedurasında şərti olaraq üç mərhələni
ayırmaq olar - rejimə icazə verilməsi, bilavasitə istifadəsi və onun fəaliyyətinin bitməsi. Malların baxılan rejim
altında yerləşdirilməsi zamanı bir sıra şərt və tələblər yerinə yetirilməlidir. Bununla bağlı olaraq hər bir konkret
situasiyada rejimə icazə verilməsinin mümkünlüyü məsələsi həll edilir.
Rejimin fəaliyyətinin bitməsini reqlamentləşdirən müddəalar, bir tərəfdən meyar kimi çıxış edərək,
rejimdən qanunauyğun istifadə edilməsinin hüdudlarını təyin etməyə imkan verən tələbləri özündə cəmləşdirir.
Digər tərəfdən, bu müddəalar o şərtləri müəyyən edir ki, onlara riayət edildikdə benefisiar malların gömrük
ərazisinə emal üçün gətirilməsi ilə bağlı götürdüyü öhdəliklərdən azad olur və qanunvericilikdə nəzərdə
tutulmuş güzəştləri almağa öz hüququnu reallaşdırır.
Məcəllə emal rejimlərindən istifadə edilməsinin mümkün müddətini təyin etmə prinsipini aydınlaşdırır:
müddətin müəyyən edilməsi, malların emal prosesinin iqtisadi cəhətdən özünü doğrulda bilən davamiyyətinə,
həmçinin, xarici malların emal məhsulları üzərində sərəncam verməyə əsaslanmalıdır.
7.3.2. Gömrük nəzarəti altında emal rejimi
Gömrük nəzarəti altında malların emalı gömrük rejimi - xarici malların müəyyən edilmiş
qaydada Azərbaycan Respublikasının gömrük ərazisində, onlara iqtisadi siyasət tədbirləri tətbiq
edilmədən istifadə olunması imkanını nəzərdə tutur.
Gömrük ərazisində malların emalı rejimindən fərqli olaraq bu halda:
- gətirilən mallardan gömrük rüsum və vergiləri tutulmur;
- gətirilən malların emalı gömrük nəzarəti altında məhsulların sonradan sərbəst dövriyyə, buraxılma və
ya digər gömrük rejimləri altında yerləşdirilməsi şərti ilə həyata keçirilir.
Gömrük nəzarəti altında malların emalı rejimi də gömrük ərazisində malların emalı rejimi kimi xarici
malların emal məqsədi ilə milli gömrük ərazisinə müvəqqəti buraxılmasını nəzərdə tutan aktiv emal tipinə
aiddir.
60
Gömrük ərazisində malların emalı rejimində ödənmə (qaytarılma) prinsipindən istifadə edilir: xarici
mallar gətirilərkən ödənilmiş gömrük rüsum və vergiləri, emal məhsulları çıxarılarkən qaytarılmalıdır.
Gömrük nəzarəti altında malların emalı rejiminin tətbiq edilməsinin əsasında azadetmə prinsipi durur,
çünki bu halda xarici mallar emal üçün gətirilərkən gömrük rüsum və vergiləri tutulmur.
Gömrük ərazisində malların emalı rejimi, tutulmuş gömrük rüsum və vergilərinin qaytarılmasını rejimin
fəaliyyəti bitdikdən və emal məhsullarının ixrac rejimi üzrə çıxarılmasından sonra nəzərdə tutulduğu halda,
gömrük nəzarəti altında malların emalı rejimi vergi güzəştlərinin xarici malların bu rejim altında yerləşdirilməsi
ilə eyni vaxta verilməsini nəzərdə tutur. Bunun əvəzində isə gömrük nəzarəti altında emal rejimi müəyyən edir
ki, gömrük orqanları rejimin benefisiarı tərəfindən qanunvericiliyə riayət edilməsini təmin etmək məqsədi ilə:
malların gömrük müayinəsini və uçotunu həyata keçirə, eyniləşdirilmə vasitələrindən istifadə edə,
inventarizasiya apara, emal üzrə əməliyyatların konkret şərtlərini və onların aparılma qaydasını müəyyən edə
bilərlər.
Gömrük nəzarəti altında malların emalı gömrük rejiminin istifadə sahəsi, yəni malların bu rejim altında
yerləşdirilə bilməsi üçün aparılan əməliyyatların siyahısı, faktiki olaraq gömrük ərazisində malların emalı
gömrük rejiminin müəyyən etdiyi əməliyyatlarla eynidir. Bundan başqa hər iki emal gömrük rejimi - onların
tətbiqinin çox hallarda ümumi hüquqi əsasına malikdirlər. Bu oxşarlığı onların reqlamentləşdirilməsi aşağıdakı
şərtləri müəyyən edir:
- bu rejimlərdə malların emalına icazənin alınması;
- verilmiş icazənin ləğv edilməsi və ya geri alınması;
- rejimə icazə verilməsində və bitməsində gömrük rəsmiləşdirilməsinin və gömrük nəzarətinin həyata
keçirilməsinin ümumi qaydası;
- rejimlərin benefisiarlarına tələblər;
- bu rejimlər altında yerləşdirilmiş mallar üzərində sərəncam verilməsi;
- malların emal müddətlərinin müəyyən edilməsi və uzadılması qaydaları;
- kompensasiya mallarının məcburi hasilat miqdarının müəyyənləşdirilməsi qaydaları;
- bu rejimlər altında yerləşdirilmiş malların və onların emal məhsullarının itirilməsi hallarında
məsuliyyətdən azad edilməsi şərtləri.
Gömrük Məcəlləsində gömrük nəzarəti altında malların emalı rejiminin istifadə sahələrinə aid olan
xüsusi məhdudiyyətlərə yol verilməsi nəzərdə tutulur. Bu rejimdən “iqtisadi siyasət tədbirlərinə riayət
Dostları ilə paylaş: |