İnsektesid karandaşlar – mum tərkibli (mum, parafin, talk və insektisidin
ərintisi), və təbaşir tərkibli (yapışqan, aşqar və insektisidin qarışığı) olurlar.
Karandaşlar vasitəsilə buğumayaqlıların yerdəyişmə və toplaşma yerlərinə 4-5 sm
intervalında zolaqlar çəkirlər. İnsektisidin nüfuz etmə mexanizmi təmasladır.
Suspoemulsiyalar və flou – insektisidlərin yeni formalarıdır. Emulsiyaların
konsentratlarından fərqlənərək praktiki olaraq məsaməli səthlərə hopmurlar.
Suspoemulsiyalar və flou təkibində TM, həlledicilər, emulqatorlar, yapışdırıcılar,
antioksidləşdiricilər və s vardır. Səthərdə yaxşı yayılır, uzun müddət saxlanır.
İnsektisid, pedikulisid və repellent gellərdə - həmçinin yeni formalardır.,
tərkibində TM və əlavə maddələr vardır, uzunmüddətli təsir göstərir.
Mikrokapsulalar – insektisidlərin yeni formasıdır; TM damcıları polimer və ya
poliuretan qılafın içərisində yerləşdirilmişdir. Səthlərdə uzun müddət aktivliyini
saxlayır, insanlar üçün az təhlükəlidir, beləki, kapsullar bilavasitə TM ilə təmasdan
qoruyur.
Bərk və duru sabunlar, şampunlar, losyonlar – pedikulisidlərin, odekolon və
kremlər – repellentlərin xüsusi formalarıdır. Satış həcminə görə aerozol balonları,
konsentratları, islanan tozlar ən geniş yayılmış formalardır.
İnsektisidlərin xüsusiyyətləri:Buğumayaqlıların orqanizmə daxilolma
yolundan asılı olaraq, insektisidlər aşağıdakı qruplara bölünürlər: bağırsaq
insektisidləri, tənəffüs yollarının zəhərləri və təmas insektisidləri.
Bağırsaq insektesidləri – gəmirici və ya yalayıcı – sorucu ağız aparatına malik
olan (tarakanlar, milçəklər, qarışqalar və s.) həşaratların öldürülməsi üçün tətbiq
edilir. Bağırsaq insektisidləri həzm orqanları ilə daxil olurlar. Bir çox
insektoakarisidlər birlikdə təmas, bağırsaq və fumiqasion zəhərlər kimi təsir göstərə
bilərlər.
Fumiqantlar – nəfəs alma zamanı traxeya sistemi vasitəsilə daxil olur. Bu üsul
buğumayaqlıların hamısının məhv edilməsi üçün yararlıdır. Təsir mexanizminə görə
vasitələrin əksəriyyəti neyrotrop zəhərlərə aiddir. Məişətdə fumiqantlar qismində
karton lövhələrin üzərinə çəkililmiş preparatlardan məs: “Fumitoks”, “Reyd” istifadə
edilir.
