Dezinfektologiya

İsti – hava dezinfeksiya kameraları – onlar sadə və təkmilləşdirilmiş olurlar. 
Sadə kameralarda az hərəkətli isti hava vasitəsilə işləmə aparılır. Təkmilləşdirilmiş 
kameralarda hərəki isti hava tətbiq olunur. İsti –hava kameraları adətən 2 qapısı olan 
düzbucaqlı kameradan ibarətdir. İsti-hava kameralarında əsasən geyim və yataq 
ləvazimatı dezinfeksiya edilir. Bu kameralarda sellüloid və plastmasdan hazırlanmış 
əşyalar, pis işlənmiş dəri, müşəmbə və rezin əlcəklərin zərərsizləşdirilməsi 
məqsədəuyğun deyildir, çünki onlar yüksək temperaturun təsirindən korlana bilirlər. 
Kamerada əşyalar xüsusi tutacaqlarda asılır ki, bununla qızdırıcı cihazlarla təmasa yol 
verilmir. Əşyalar yükləndikdən və kamera 80C-yə qədər qızdıqda onun qapısı 
bağlanılır və əşyalar 10-15 dəqiqə ərzində 45-50C-də qurudulur ki, onun müddəti 
əşyaların nəmliyindən aslıdır. Əşyalar qurudulduqdan sonra kameranın ventelyasiyası 
dayandırılır və kameranın daxilində temperatur 80C-yə qədər çatdırılır.
Dezinfeksiya kameralarının işinə nəzarət – bütün yeni quraşdırılmış və ya 
düzəldilmiş dezinfeksiya kameraları işə salınmazdan əvvəl, habelə istismarda olan 
kameralar sistematik şəkildə texniki vəziyyətinə və onların işinin düzgün və səmərəli 
təşkilinə nəzarət etmək məqsədilə yoxlanılmalıdır. Termiki nəzarətdə maksimal 
termometrlərdən istifadə edilir. Eynianlı termiki və bioloji nəzarət zamanı 
termometrlərlə birgə test –obyektləri və test –insektləri yerləşdirilir. Bioloji nəzarət 
üçün işlədilən testləri bakterioloji laboratoriyalardan xüsusi kisələrdə alırlar. 
Əşyaların dezinfeksiyası başa çatdıqdan sonra onlar kameradan boşaldılır, termometr 
və testlər çıxardılır. Termometrlərin göstəriciləri kameraların nəzarət protokolunda 
qeyd edirlər; testləri isə müayinə üçün laboratoriyaya göndərirlər.
Dezinfeksiya kameralarının bakterioloji müayinəsində, həmçinin test-
obyektlərdə lazımdır. Müxtəlif mikrob növləri ilə çirklənmiş əşyaların 

---

21 
dezinfeksiyasının effektivliyinin yoxlanılmasında etalon kimi qızıl stafilakok 
götürülür, beləki, onlar istiyə davamlılığına görə bağırsaq çöpünü, hemolitik 
streptokokları və s. mikrobların vegetativ formalarını üstələyirlər.