Dezinfektologiya

Profilaktik dezinfeksiya infeksiya mənbəyinin olub olmamasından asılı 
olmayaraq, yoluxucu xəstəliklərin baş verməsinin qarşısını almaq üçün xarici 
mühitdə toplana biləcək törədiciləri məhv etmək məqsədilə aparılır. Profilaktik 
dezinfeksiya müəssisələrin öz işçilərinin qüvvəsi ilə bütün müalicə-profilaktika və 
uşaq müəssisələrində həyata keçirilir. Profilaktik dezinfeksiya aşkar edilmiş infeksiya 
mənbəyi olmadiqda, yəni onun mövcud olması ehtimalı nəzərə alınaraq həyata 
keçirilir. Profilaktik dezinfeksiya gündəlik həyatda çox geniş işlədilir. Profilkatik 
dezinfeksiyanın əsas obyektləri: kommunal obyektlər (yaşayış evləri, yataqxanalar, 
mehmanxanalar, hamamlar, bərbərxanalar, məişət obyektləri və s.), ictimai binalar 
(mədəni-maarif, idman sağlamlıq kompleksləri, üzgüçülük hovuzları), uşaq və 
yeniyetmə müəssisələri (MPM, ümumtəhsil, sağlamlıq), su təhcizatı idarələri, qida 
sənayesi və emalı müəssisələri, ictimai iaşə müəssisələri, nəqliyyat vasitələri və s.
Üzgüçülük və idman hovuzlarının dezinfeksiyası gediş-gəliş yollarının, duş 
kabinələrinin, tualetlərin və digər işçi və yardımçı otaqların 1% -li xloramin məhlulu 
ilə dövrü şəkildə işlənməsi ilə həyata keçirilir. Suyu boşaldılmış hovuzun dibini 
dezinfeksiya etmək üçün 5%-li xloramin məhlulundan və ya 18-22 C-də xlorlu 
əhəngin 2,5%-li durulaşdırılmış məhlulundan istifadə olunur. Vannaların suyu 
xlortərkibli preparatlarla zərərsizləşdirilir. Üzgüçülük hovuzlarında qalıq xlorun 
daimi konsentrasiyası 0,5 – 0,7 mq/l, idman hovuzlarında isə 0,3 – 0,5 mq/l 
miqdarında olmalıdır. Qida və dəri emalı müəssisələrində, yunun birincili işlənməsi 
fabriklərində, dəniz və çay nəqliyyatında və balıq sənayesi gəmilərində profilaktiki 
dezinfeksiya buxardaşıyıcısı sistemdən alınan su buxarı ilə aparılır.
Profilaktik dezinfeksiyanın aşağıdakı növləri var:
- planlı 
- epidemik göstərişə görə 
- sanitar – gigiyenik 
Ocaqlı dezinfeksiya yoluxucu xəstəlik baş verdiyi hallarda və ya ona şübhə 
olduqda aparılır. Ocaqlı dezinfeksiya törədicinin təsadüf edildiyi bütün hallarda 
aparılır. Yoluxmanın hası mərhələdə olmasından asılı olaraq, onu cari və son (yekun) 
dezinfeksiyaya bölürlər.