Амин Бабайев, Вцгар Бабайев

 
9.2. Ekoloji təmiz qida məhsulları üçün bazar 
Tərkibi yüksək miqdarda yağlar,  şəkər, duzlar  və  həmçinin  müxtəlif qida 
əlavələri və pestisid qalıqlarından ibarət ərzaqların təhlükəsi haqqında narahat olan 
istehlakçı sağlam  ərzaq istehsalını stimullaşdırır və qida sektorunda mühüm 
dəyişikliklərə, o cümlədən  əlavələrsiz  ərzaqların tanınmasını  dəstəkləyir. Bundan 
başqa, müasir kənd təsərrüfatı üsullarının istifadəsi ilə bağlı  ətraf mühitə vurulan 
zərər haqqında daima aparılan məlumatlandırma istehlakçının təsəvvüründə ilk 
növbədə kimyəvi preparatların istifadəsinin mənfi təsiri ilə bağlıdır.  
Bu problemlər ekoloji təmiz qida məhsulları üçün bazarın inkişafına təkan 
vermişdir. Qeyd etmək lazımdır ki, ekoloji təmiz qida məhsulları üçün bazarın 
inkişafı istiqamətində bir o qədər də geniş reklam tədbirləri aparılmamışdır. 
Ekoloji üsullarla istehsal olunmuş qida məhsulları üçün bazarın inkişafı qida 
sənayesinin etinasızlığına baxmayaraq, əhəmiyyətli dərəcədə istehlakçı tərəfindən  
təbliğ edilmişdir.  
Sağlamlıq,  ətraf mühit və resursların istifadəsi kimi ictimai maraqların daha 
geniş sahəsinə aid olan ekzogen (xarici) amillərin təsiri altında ekoloji təmiz qida 
məhsulları üçün bazar yaranmış  və inkişaf etmişdir. Hazırkı dövrə  qədər  ərzaq 
sənayesi bu maraqlara əhəmiyyət verməmiş  və istehlakçı öz seçim meyarlarını 
qane edən  ərzaqı özü üçün axtarmaq məcburiyyətində idi. Ekoloji istehsalçıların 
resurs çatışmamazlığına baxmayaraq, onlar istehlakçının diqqətinin cəlb edilmə-
sində böyük müvəffəqiyyət qazanmışlar.  Şübhəsiz ki, ənənəvi kənd təsərrüfatına 
antaqonizm (ziddiyyətdə) mövqeyində duran və müvafiq olaraq  ekoloji alternativ-
lərə meyl göstərən hədəf qrupunun əhatə edilməsi bu bazarın yaranmasında və 
inkişafında mühüm rol oynamışdır.  
 

---

 248