Фирузя мяммядли
Yüklə 3,91 Mb. Pdf görüntüsü
|
- Bu səhifədəki naviqasiya:
- Сечилмиш ясярляри lX
|
Фирузя Мяммядли
bağlı olan çalışmalarla möhkəmləndirilməsi vacibdir. «Söz birləşməsi» çox geniş anlayış olub, idraki fəaliyyətimizin bütün sahələrini əhatə edir. Buna görə də bu mövzunu möhkəmləndirmək məqsədi ilə verilən çalışmalar müxtəlif məzmunlu ola bilər. Bu mövzunun tədrisi təkcə dərslik çərçi- vəsində məhdudlaşmayıb, müəllimə sərbəst mətn seçmək üçün də geniş imkanlar verir. Burada isə, əlbəttə ki, həyatın, bizi əhatə edən mühitin, nəhayət məktəbin yerləşdiyi regionun ən müxtəlif cəhətləri ilə bağlı, uşaqlara daha yaxın, daha tanış mövzulara müraciət etmək faydalı olar. Bununla belə, çalışmaq lazımdır ki, dərslikdə verilən çalışmalarda peşə məlumatı imkanı verən, yaxud məktəb peşəyönümü işinin ümumi istiqamətinə köməkçi təsiri ola biləcək bircə söz belə nəzərdən qaçmasın. Bu mənada, «Söz birləşmələri» mövzusu üzrə verilmiş 67 nömrəli çalışmada «mədən fəhləsi», «usta köməkçisi», «yol mühəndisi», «kənd müəllimi», «maşinist köməkçisi», «elektrik qaynaqçısı», «gəmi kapitanı» kimi birləşmə şəklində ifadə olunmuş peşə və ixtisas adlarına rast gəlirik. Bu peşələrin hər biri cəmiyyətimiz üçün çox zəruri olub, hər biri sahəsində ixtisaslı peşəkarlara ehtiyac vardır. Buna görə də peşələrin adları sadalanarkən müəllim bunların hər biri haqqında məlumat verməyə hazır olmalıdır. Mümkündür ki, şagirdlər öz marağına uyğun olaraq 503 Сечилмиш ясярляри lX bunlardan hər hansı biri haqqında danışmağı müəl- limdən xahiş etsin. Bunu nəzərə alaraq, aşağıda həmin peşələrdən bir neçəsi barədə məlumat verməyi lazım bildik. «Maşinst köməkçisi» əslinə qalsa, peşə olmayıb, qatar sürücülüyü vəzifələrindəndir. Burada peşə məsuliyyəti və peşə informasiyası «maşinst» sözünün üzərinə düşür. «Maşinst» - yəni qatar sürücüsü sürücülük peşələrinin ən şərəflisi, gəmi sürücülüyünə nisbətən xeyli cavanıdır. Qatar, məlum olduğu kimi, keçən yüzilliyin ortalarından üzübəri təkmilləşə-təkmilləşə gələn nəqliyyat vasitələrindəndir. Qatar sürücülüyü işinin özü də qatarın özü kimi samballı, ağır yüklü bir işdir. Ma- şinistin işi təkcə qatarın qoşa relslər üzrə hərəkəti, stansiyalarda, yarımstansiyalardakı fasiləsi, apardığı yükü, yaxud sərnişinləri salamat mənzilə çatdırılmasından ibarət deyildir. Maşinist lazım gəldikdə qatarın təmiri işi ilə də məşğul olmağı bacarmalıdır. Təsadüfi deyil ki, səfərə çıxan qatarlar hər dəfə stnasiyalarda dayananda maşinst və onun köməkçisi yerə düşüb paravozun həndəvərini dolanır, onun təkərlərini, porşen və klapanlarını dönə-dönə nəzərdən keçirirlər. Ayrı cür ola da bilməz. Çünki səfərə nasaz çıxan qatar nəinki təkcə öz yükünə zərər gətirər, həm də ona qarşı gələn qatarlarla toqquşub, ağır fəlakətlərə səbəb ola bilər. |