“Fitopreparatlar texnologiyasi” fanidan o„quv –uslubiy majmua 111
Laboratoriya ishi № 6 Mahsulot tarkibidagi kumarinlar miqdorini aniqlash.
Mahsulot tarkibidagi kumarinlar miqdorini turli (og`irlik, fotokolorimetrik, spektrofotometrik va
boshqa) usullar yordamida aniqlash mumkin. Bu usullar kumarinlarni mahsulotdan ajratib olishda
ularning organik erituvchilardan (efir, xloroform, spirt) yaxshi erish, boshqa moddalardan tozalashda
esa ishqorlar ta'sirida suvda eriydigan kumarinatlarga va kislota ta'sirida qaytadan suvda erimaydigan
laktonlarga-kumarinlarga aylanish xossalariga asoslangandir. Keyinchalik mahsulotdan ajratib olingan
sof holdagi kumarinlar yig`indisini analitik tarozida tortish yoki ularga diazoreaktsiya qilib, hosil
bo`lgan rang intensivligini fotogolorimetr yoki spektrometrlar yordamida o`lchash mumkin.
Amaliy ish № 7
Psoralen olish texnologiyasi Psoralen ikkita furokumarinlar aralashmasi psoralen va izo - psoralendan tuzilgan. Psoralen oq yoki
och oq tusdagi kristall kukun bo`lib, kuchsiz aromatik kuchga ega. Suvda kam ,95% spirtda qiyin,
organik erituvchilar benzol yoki xromoformda yaxshi eriydi.
Ta'siri va kimyoviy tuzilishi psoralen ksantotoksin, beroksan va ammifuringa o`xshaydi.
Qo`llanishi jihatidan terining nurga nisbatan sezuvchanligini oshishi va melanin pegmenti hosil
bo`lishi natijasida terining o`z rangini tiklashiga asoslangan. Pes kasalligini davolashda ishlatiladi.
Psoralen kukun, 0,01 gr li tabletkalar, surtish uchun 70% li spirtda, hamda 0,1% eritmalari holida
ishlatiladi.
Psoralen preparatini olishda xom ashyo sifatida danakli oqquray- Psoralca drupacea Bge,
dukkakdoshlar-Fabaceae oilasiga kiruvchi o`simliklarning mevasi ishlatiladi. Oqquray mevasi 0,4%
gacha, ildizini-0,39%-0,57% neomoddasi bo`ladi.
Xom ashyodan kumarinlar yig`indisini ekstraktsiya qilish . Maydalangan oqquray mevalari
zanglamaydigan po`latdan yasalgan , 60 aylG` min aylanish tezligiga ega bo`lgan aralashtiradigan
ekstraktorga solinadi va ma'lum miqdor 40% etil spirti yordamida ekstraktsiya qilinadi. Ekstraktsiya
xona temperaturasida olib boriladi. Vaqt o`tishi bilan spirtli ekstrakt inert gaz yordamida «druk»
filtrida filtrlanib, yig`gichga tushadi. Suv spirtli ekstrakt keyingi stadiyasiga o`tib ketadi. Shrot esa suv
bilan yuvilib suv spirt aralashmasi regeneratsiyaga ketadi.
Texnik psoralen olish . Spirtli ekstraktlar yig`indisi issiq bug` yordamida 100-150 mm simob ustuni
bosimida vakum bug`latgich apparatida bug`lanadi. Kub qoldiq shisha reaktsion qozonchaga solinib
xona temperaturasi 1 sutkaga qoldiriladi. Bunda qozoncha tagiga psoralen cho`kma bo`lib tushadi.
Ustidagi suyuqlik esa dekontatsiya qilib, cho`kma ajratib olinadi. Cho`kma ma'lum bir qismi suv bilan
yuvib tashlanadi, yaxshilab siqiladi va havoda quritiladi.
Farmatsevtik psoralen olish . Quritilgan texnik furokumarinlar havonchaga tushadi, keyin esa 2 qismga
Al2O3 bilan yaxshilab aralashtiriladi. Tagidan tushuriluvchi shisha kolbaning tagiga asta o`rnatilgan
bo`lib, uning tagiga paxta qatlami yoyiladi va 3-5 sm qalinlikda quruq Al2O3 sepiladi. Texnik
furokumarinlar yig`indisi benzol yordaida elyuatsiya qilinadi.
Benzolli elyuat qog`oz filtri bo`lgan Byuxner voronkasi yordamida filtrlanadi va 50-600S da 50-100
mm simob ustun bosimida rotatsion apparatda bug`latiladi.
Kub qoldiq NSh-45 markali bo`yni keng kolbaga quyiladi va xona temperaturasida 1 sutkaga
qoldiriladi. Bunda psoralen cho`kma holida tushadi.Cho`kma filtrlanib ajratib olinadi. Ma'lum bir hajm
spirt bilan yuviladi, yaxshilab siqiladi va suvsiz CaCl2 yordamida vakumda quritiladi.