Dinləmə mətni:
– Qulaq as mənə, insan balası! Bu məxluqlar cəngəllikdəki başqa heyvanlar
kimi deyillər. Onlar qanun-qayda nədir, bilmirlər, əllərinə nə düşdü yeyirlər, onun-
bunun hərəkətini yamsılayırlar. Özləri də oğrudur, murdar və həyasız tayfadır.
Cəngəllikdə heç bir tayfa onlarla yaxınlıq etmir. Onlardan hər şey gözləmək olar.
– Sizcə, Balu Mauqliyə hansı heyvan haqqında danışırdı?
Sual: –
Meymunlar haqqında daha nə bilirsiniz? (Əqli hücum, diskussiya)
Müəllim: –
İndi isə gəlin meymunlar haqqında başqa bir mətni dinləyək.
Dinləmə
(məlumatverici mətn):
Meymunların çox növü var: oranqutan, şimpanze, qorilla, makaka və s. Makaka
meymunları, əsasən, Hindistan cəngəlliklərində yayılmışdır. Bədən lərinin uzunluğu
40-60 sm, çəkisi 4 kq-dan 18 kq-dək olur. Bu meymunlar yerdə və ağacda yaşayır.
Meyvə, kök, yarpaq, həmçinin həşərat və onların sürfələri ilə qidalanır.
– Meymunlar haqqında eşitdiyiniz məlumatları sadalayın.
Müəllim uşaqları cüt-cüt düzür. Hər cütlükdə uşaqlardan biri əl hərəkətləri ilə nə isə (pan-
tomim) göstərir, o biri onun hərəkətini təkrar edir.
Suallar:
– Bu hərəkətlərin təkrarı necə adlanır? (yamsılama, təqlid, parodiya və s.)
– Əgər kimsə sizin hərəkətlərinizi təkrarlasa, bu sizə necə təsir edər?
– Hansı heyvanlar, quşlar təqlid etməyi bacarır? (tutuquşu, meymun)
Mətn hissə-hissə oxunur, təhlil edilir.
Tapşırıq 3. Plan tutulur:
1. Dincəlmək üçün uzanıb yuxuya gedən papaqçı
2. Papaqları götürüb ağaca dırmaşan meymunlar
3. Papaqçının qəzəbi
4. Meymunların papaqçının hərəkətini təqlid etmələri
5. Papaqçının papağını yerə çırpması
6. Yerə atılan papaqlar
Mətnin məzmunu plan üzrə nəql olunur.
Dostları ilə paylaş: 
