Yevropa farmakopiyasida YUQX hamma dorivor o‘simliklar, ekstraktlar va ba’zi sintetik preparatlarni identifikatsiyasi uchun asosiy usul sifatida qo‘llaniladi. YUQX uncha zamonaviy darajadagi usul bo‘lmasa ham farmakopiyadagi istalgan boshqa uslubga bog‘liqligi va texnikasi kam emas. Keyingi vaqtlarda YUQX usuli va yuqori samarali yupqa qavatli xromatografiya (YUSYUQX) usuli bilan takomillashib, qo‘llanilish sohasi ham kengayib bormoqda. Instrumental YUSYUQX namunaning sepilishi, ko‘tarilish jarayoni va natijalarni qayd qilish bosqichlarining anikligi bilan oddiy YUQXdan tubdan farq qiladi. Plastinkalar ko‘rsatkichining aniqligi uslubning muhim tajribaviy xususiyati hisoblanadi. YUSYUQXning muhim jixati shundaki, natijalar faqat “surat” shaklida taqqoslanmaydi. Shu bilan birga YUSYUQX miqdoriy usul sifatida ham qaraladi, uni farm yo‘nalishida miqdoriy analiz sifatida qo‘llash imkoniyati bor. Asosan miqdoriy aniqlashlar yuqori samarali suyuqlik xromatografiyasi (YUSSX) yordamida bajarilar edi. Texnikalashgan YUSYUQX usuli uni almashtirish imkonini beradi.
Uslubni muqobillashtirish va standartlashtirish tajriba natijalari samaradorligining oshishiga olib keladi. Nazariy ma’lumotlar va amaliy manba ma’lumotlariga asoslanib, zamonaviy YUQX-yuqori samarali YUQXni ishlatilish sohasi kengayib bormoqda.