YUQXni boshqa xromatografik usullardan o‘ziga xos muhim jihati shundaki, unda analizning elyuatsiyasi va natijalarni qayd qilish uchun plastinkalarni suratga olish imkoniyati mavjud. Hozirgi davrda hamma joylarda raqamli fotografiya, video va raqamli kameralar, hattoki programmalashtirilgan skanerlarni qo‘llash qulaydir.
Zamonaviy farmakopiyada natijani matnli yozilishi endilikda analizning to‘liq va mukammal obyektiv baholash uchun yetarli emas. Masalan; Yevropa farmakopiyasida tanishtirilgan [6] arpabodiyon yog‘ining analizini UB 254 nm da o‘rganilganda ikkita dog‘ni topish mumkin (arpabodiyon aldegidi va anetol). Vanilin bilan yorug‘likda modifikatsiya qilingan (ochiltirilgan)dan keyin finish chizig‘idan pastroqda linallaol va anetolga mos keluvchi dog‘lar aniqlanadi. Shu suratda (9-rasm) Rimpinella anisum jigarrang dog‘ini arpabodiyon dog‘idan balandda ko‘rish mumkin.
Ba’zi bir maqolalarda analiz natijalari jadval ko‘rinishida ifodalangan (2-jadval). Lekin ular raqamli suratlarning o‘rnini bosa olmaydi (9-rasm).
2-Jadval. Yevropa farmakopiyasida arpabodyon yog‘i analizi natijalarining qayd qilinishi [7] qo‘shimcha dog‘lar, matnlar bilan ko‘rsatilgan.
Bu ikki analizni haqiqiy baholash uchun uning matnli formasi ham, jadvalli formalari ham kerak bo‘lmaydi. Matnda strelkalar bilan ko‘rsatilgan sohalar hamma joyda ham yozilmaydi, suratda bu ikki yog‘da bo‘lgan ajralishlar aniq ko‘rsatilgan.
YUQXning boshqa bosqichlaridagi singari hujjatlashtirish uchun raqamli fotografiyani qo‘llash va uning yozuvlarini aniq kafolati uchun qo‘llanilishi muhimdir. Yaqin kunlarda dorivor o‘simliklar analizining raqamli fotografiya yordamida (plastinkalarning rasmlari) atlasi paydo bo‘lishi mumkin. Bunday atlas nafaqat izlarning tavsifi, balki har bir o‘simlikni xarakterlash uchun xizmat qilishi kerak. Ko‘pgina har xil tabiiy o‘simliklarning (fenotip) analizi bitta plastinada aks etgan bo‘lishi mumkin.