Bundan oldingi bo‘limlarda YUQX usulining bir qancha muhim xarakteristikalari ko‘rib chiqildi, umumiy va xususiy jihatlari muhokama qilindi. Ba’zan xujjatlarni xalqaro meyorlar darajasida rasmiylashtirishda YUQXning keng masshtabli qo‘llash imkoniyati yetarli emas. 10-Rasmda Angelica sinensis va Levisticum officinale o‘simliklarini YUSYUQX usulida A laboratoriyada tekshirilgan va V laboratoriyaga tekshirish uchun berilgan natijalar keltirilgan. Ikkala laboratoriyada ham tekshirishlar berilgan qo‘llanma asosida diqqat bilan olib borilganligiga qaramasdan olingan natijalar o‘xshash ammo aynan bir xil emas. Bu ikki laboratoriyalarning tajribalarida umumiy metodikadan chetlanishlar mavjud, lekin ularning barchasi to‘g‘ri bajarilgan.
U AOAS qo‘llanmaga asosan sinchkovlik bilan amalga oshirilgan (Peer Verified Method Program [10]). Natijalar qariyb bir vaqtda, bir biridan xabarsiz ikki laboratoriyadan olingan [11]. Metodikalar quyidagi adabiyotlarda keltirilgan [12-14].
Yuqorida ko‘rib chiqilgan YUQX usuli bajarilgan ishlar va qilingan tavsiyalarga asosan, dorivor o‘simliklar va boshqa komponentlarni analizida YUQXni qo‘llash uchun aynan quyidagi holatlari e’tiborga molik hisoblanadi;
YUSYUQX plastinkalarni qo‘llash yo‘lga qo‘yilgan bo‘lishi kerak.
Elyuirlash to‘yingan kameralarda bajarilishi va elyuirlanish masofasi 6 sm gacha bo‘lishi ma’qul.
Uslubiy qo‘llanmalar uchun, hamma bajariladigan ish tartibi, reagentlarni tayyorlanishidan to natijalarni baholashgacha bo‘lgan jarayonlar to‘liq yozilishi talab etiladi.
Natijalarning yozilishiga qo‘shimcha qilib, atlas shaklidagi plastinkaning har xil usullar bilan olingan bir qancha rangli fotosuratini olish (masalan; UB 254 nm , UB 336 nm yorug‘likda) identifikatsiyani sezilarli darajada aniqligini oshiradi.
YUQXda standart namunalar bilan taqqoslash asosida olingan natijalar mustahkam sanaladi.