İşıqşüalanmasınınobyektlərətəsiri İşıq şüalanmasının obyektlərə təsiri nəticəsində onlarda baş verən yanğınlar bəzən, zərbə dalğasının təsiri ilə müqasiyədə daha çox itkilərə səbəb olur. Obyektdə yanğının əmələ gəlməsi ilk növbədə, partlayışın növündən və gücündən, partlayışla obyekt arasındakı məsafədən, obyektin elementlərinin alovlanma qabiliyyətindən asılıdır. Bundan başqa, işıq şüalarının təsirindən obyektlərdə yanğının əmələ gəlməsi və yayılması bina və qurğuların odadavamlılıq dərəcəsindən, istehsalatın yanğın təhlükəliliyindən, obyektin ərazisində olan tikililərin sıxlığından (yaxud bina və qurğuların aralarındakı məsafədən), meteorologi şəraitdən, zərbə dalğasının təsirindən bina və qurğuların dağılma dərəcəsindən və s. amillərdən asılıdır.
Yerin radioaktiv zəhərlənməsi Nüvə partlayışında yerin radioaktiv zəhərlənməsi aşağıdakı mənbələr hesabına yaranır:
nüvə yanacağının bölünmə məhsulları (β- və γ-şüalanma mənbələri);
partlayış zamanı nüvə yanacağının bölünməyən hissəsi (α-şüalanma məbəsi). Partlayış xarakterli bölünmə reaksiyasında yanacağın təqribən, 20 %-i iştirak edir, qalan hissəsi isə yayılaraq ətraf ərazini çirkləndirir;
torpaqda və digər materiallarda neytronların təsirindən yaranan radioaktiv izotoplar (keçirilmiş aktivlik). Neytronların təsirindən torpağın tərkibində parçalandıqda β- və γ-şüaları buraxan alüminium-28, manqan-56, natrium24, dəmir-59 və s. radioaktiv izotoplar yaranır.
Nüvə partlayısında yaranan radioaktiv bulud torpaqla birlikdə yuxarı qalxıb külək istiqamətində yerə tökülərək yer səthinin (obyektlərin) radioaktiv zəhərlənməsinə səbəb olur.
Radioaktiv buludun izini 4 zonaya bölmək qəbul olunub:
A zonası – mülayim zəhərlənmə zonası;
B zonası – güclü zəhərlənmə zonası;
V zonası – təhlükəli zəhərlənmə zonası;
Q zonası – çox təhlükəli zəhərlənmə zonası.
Nüvə partlayışı nəticəsində yaranmış radiasiya şəraiti xəritədə aşağıdakı kimi göstərilir:
