Adamlar keçən yerlərdə qaz kəmərlərinin hündürlüyü nə qədər olmalıdır?
Adamlar keçən yerlərdə, qaz kəmərlərinin çəkilməsi döşəmədən qaz kəmərlərinin altına qədər, istilik izolyasiyası olduqda isə izolyasiyanın altına qədər 2,2m-dən az olmayan hündürlükdə nəzərdə tutulmalıdır.
Yasayış binalarında nəzarət sistemi və siqnalizasiya qoyulması nə vaxt nəzərdə tutulmalıdır?
Yasayış binalarında, mərtəbələrin sayından asılı olmayaraq, qaz pilətələri, su qızdırıcıları, isitmə və digər aparatlar mətbəxlərdə, yaşayış və qeyri-yaşayış otaqlarında qoyularkən qazın verilməsi dayandırıldıqda və havada təbii qaz alovunun yayılmasının aşağı qatılıq həddindən 10% -dən yuxarı qatılıq həddinə çatdıqda, avtomatik açılma ilə qaz toplanmasına qarşı nəzarət sistemi və siqnalizasiya qoyulması nəzərdə tutulmalıdır.
Yanma məhsullarının kənarlaşdırılması üçün tüstü bacaları nəzərdə tutulan otaqlara olan tələblər hansılardır?
Yanma məhsullarının kənarlaşdırılması tüstü bacalarına nəzərdə tutulan qaz su qızdırıcısı, həmçinin istilik qazanı və ya istilik aparatının yerləşdirilməsi üçün təyin edilmis otaqların hundurluyu 2m-dən az olmamalıdır. Otaqların həcmi bir cihaz qoyulduqda 7,5 m3-dən və iki istilik cihazı qoyulduqda 13,5 m3-dən az olmamalıdır.
Qazanlar, aparatlar və qaz su qızdırıcıları qoyulan mətbəxlərdə və ya otaqlarda ventilyasiya kanalları olmalıdır. Havanın daxil olması üçün bitişik otaqlara çıxan divarın və ya qapının aşağı hissəsində barmaqlıq və ya qapı ilə döşəmə arasında boşluq en kəsiyi 0,02 m2-dən az olmayan ara nəzərdə tutulmalıdır.
Otaqların isidilməsi üçün cihazlar qoyulduqda hansı tələblər nəzərə alınmalıdır?
Otaqların isidilməsi üçün yanma məhsullarının tüstü bacalarına kənarlaşdırılması ilə qaz kaminlərinin, kaloriferlərin və zavodda hazırlanmış digər cihazların nəzərdə tutulmasına yol verilir. Həmin qurğuların qaz odluqları təhlükəsizlik avtomatikası ilə təchiz olunmalıdırlar.
O otaqlarda ki, qaz kaminlərinin və ya kaloriferlərin qoyulması nəzərdə tutulur, həmin otaqlarda nəfəslikli pəncərə və ya sorucu ventilyasiya kanalları olmalıdır.
