XULOSA CHIQARAMIZ
•
Taksis – erkin harakatlanuvchi sodda organizmlar yoki ayrim hujayralarning harakat
reaksiyalari. Fototropizm, geotropizm, tigmotropizm o‘simliklarning yo‘naltirilgan harakat
reaksi yalaridir. O‘simliklarning ma’lum yo‘nalishga ega bo‘lmagan harakat reaksiyalari esa
nastiya hisoblanadi.
YANGI BILIMLARNI QO‘LLAYMIZ
Bilish va tushunish
1. Taksis jarayoni deganda nimani tushunasiz?
2. O‘simlik hayotida tigmotropizm hodisasining ahamiyatini izohlang.
3. Tropizm va uning turlarini bilasizmi?
4. O‘simliklar hayotida yorug‘likning qanday ahamiyati borligini ayting.
Qo‘llash
. Tropizm va uning turlari o‘rtasidagi bog‘liqlikni aniqlang.
Tahlil
. Geotropizm jarayonini tahlil qiling.
Sintez
. O‘simliklarga yorug‘likning ta’sirini o‘rganish bo‘yicha
tajribalar o‘tkazing. Tajriba natijasida yorug‘likning o‘simliklar
hayotidagi ahamiyati haqida taqdimot tayyorlang.
Baholash
. Tigmotropizm hodisasi qonuniyatlarining qishloq
xo‘jaligidagi amaliy ahamiyati nimalardan iborat? Fikringizni
asoslang.
9.2. LOYIHA ISHI.
O‘SIMLIKLARDA FOTOTROPIZM, FOTONASTIYA,
GEOTROPIZM HODISALARINI KUZATISH
Maqsad:
o‘simliklarda sodir bo‘ladigan fototropizm, fotonastiya, geotro-
pizm hodisalarini kuzatish va xulosa chiqarish.
1. O‘simliklarda sodir bo‘ladigan fototropizm hodisasini kuzatish
O‘simliklarda musbat va manfiy tropizm hodisalari yuz beradi. O‘simlik
organlarining ta’sir etuvchi omil tomon yo‘nalgan holda o‘sishi
musbat
, omil-
ga nisbatan teskari yo‘nalishda o‘sishi esa
manfiy
tropizm orqali namoyon
bo‘ladi. O‘simliklar hayotida tropizmlar muhim amaliy ahamiyat kasb etadi. Tropizm hodisasi
sababli o‘simliklar atrof-muhitning o‘zgarishlariga mos lash gan holda o‘sadi va rivojlanadi.
Bizga kerak:
vegetatsiya davri qisqa bo‘lgan o‘simliklar (masalan, gultuvakda o‘stirilgan
pomidor va boshqa o‘simliklar nihollari), elektr lampasi, termometr, fotoapparat.
Topshiriq
Xona o‘simliklaridagi foto-
tropizm hodisasini kuzating.
Fikrlaringizni izohlang.
|