Ibob. O‘zbek va yapon tillarida hisob so‘zlar

Ilmiy tadqiqot ishining predmeti va obyekti:
Tadqiqotning predmeti sifatida yapon va o‘zbek tilidagi miqdor son asos qilib 
olindi. Ular oldidan kelib miqdor anglatuvchi hisob so‘zlar va ko‘p xonali sonlar 
ham ushbu mavzuning predmeti sifatida asos qilib olindi. Bevosita tadqiqot 
predmeti sifatida yapon tilini o‘rganuvchilar va o‘rgatuvchilar uchun yaratgan 
qo‘llanmalar va darsliklardan, shu jumladan ingliz, rus olimlarining maqolalaridan 
foydalandik. Ilmiy tadqiqot obyekti sifatida yapon va o‘zbek tilida miqdor 
sonlaming ahamiyatini ko‘rib chiqamiz. 
Ilmiy tadqiqot ishining metodologik asosi: 
Mazkur bitiruv malakaviy ishning metodologik asosini O‘zbekiston 
Respublikasi Prezidenti I.A.Karimovning Respublikamizda ta’lim va tarbiyani 
rivojlantirishga bag‘ishlangan nazariy asarlarida oldinga surilgan g‘oyalar, 
xulosalar, O‘zbekistonning “Ta’lim to‘g‘risida”gi, “Kadrlar tayyorlash milliy 
dasturi” haqidagi me’yoriy hujjatlar hamda fan ta’lim – tarbiya va madaniyat 
sohasidagi strategik yo‘nalishlarga doir qarorlar tashkil etadi. “O‘nlab o‘zbek 

---

6 
allomalarining jahon sivilizatsiyasi rivojiga qo‘shgan hissasi ulkandir. Jumladan, 
Mirzo Ulug‘bek qoldirgan meros xalqingizning jahon ahliga bebaho in’omi, deyish 
mumkin. Uning ko‘plab ilmiy risolalari, siyosat va iqtisodiyot sohasidagi faoliyati, 
ilmiy va ma’rifiy merosi bugungi avlod uchun ham katta saboq bo‘lib xizmat 
qilmoqda. Allomaning jahon ilm-fani, ayniqsa, astronimay rivojiga qo‘shgan 
hissasi beqiyosdir. 
Chet tilini o‘qitishda asosan 4 ta metod mavjud bo‘lib, ular tarixan ushbu 4 
toifaga bo‘lingan. Bularga qiyosiy, aralash, tarjima to‘g‘ri metodlar kiradi. Ushbu 
bitiruv malakaviy ishini yozish davomida eng ko‘p qiyosiy metoddan foydalanildi. 
Yapon tili grammatikasini o‘zimizning ona tilimiz bilan qiyoslagan holda o‘rganib 
chiqdik. Qiyosiy metod ko‘pchilik tan olgan va o‘qitishda foydalanadigan 
metodlardan biri hisoblanadi. Tarjima metodi samarali metodlardan bo‘lib, ayniqsa 
chet tili o‘rganishda keng qo‘llaniladi. Chunki biror bir chet tilini o‘z ona tiliga 
tarjima qilgan holda o‘rganiladi.