Ümumi codluğun təyini. Kolbaya 100 ml müayinə olunan sudan tökərək üzərinə 5 ml ammonium buferi məhlulu və 10 damcı indikator (qara xromogen) əlavə edib qırmızı çaxır rənginin göy rəngə keçənə qədər 0,1 trilon B məhlulu ilə titrləyirik. Titrə sərf olunan miqdar ümumi codluğu göstərir.
Müvəqqəti codluğun təyini.Kolbaya 100 ml su götürüb 1 damcı metiloranj əlavə edilir və 0,1 nömrəli xlorid turşusu məhlulu ilə zəif çəhrayı rəng alınana qədər titrləyirik.
Suda mikrobların təyini. Su patogen mikroblarla çirkləndikdə yoluxucu xəstəliklərin yayılmasına səbəb ola bilir. Xüsusilə üzgüçülük hovuzlarının suyu çirklənmiş olduqda təhlükə daha böyük təşviş doğurur. Buna görə də suyun bakterioloji müayinəsi sanitar-gigiyenik müayinənin əsas hissəsini təşkil edir və adətən suyun sanitar-gigiyenik cəhətcə qiymətləndirilməsində həlledici rol oynayır. Su bakterioloji cəhətcə qiymətləndirildikdə onda ümumi aprofit mikroblarının miqdarı-mikrob ədədi və həcminin suyun ifrazatla çirklənməsini göstərən bağırsaq çöplərinin (bakteriyakolli) miqdarı təyin edilir.
