II FƏSİL
ÜMUMİ PATOLOGİYA
Patologiya (yunanca «patos»-əzab, «loqos»-elm deməkdir) xəstəlikləri, onların mahiyyətini və inkişaf qanunauyğunluqlarını öyrənən elm olub, kliniki təbabətin nəzəri hissəsini təşkil edir. Müxtəlifliyinə baxmayaraq xəstəliklərin meydana çıxmasının və gedişinin ümumi qanunauyğunluqları, əlamətləri və xüsusiyyətləri vardır. Bu qanunauyğunluqları bilmədən xəstəliklərin mahiyyətini, o cümlədən, idmançılarda baş verən müxtəlif xəstəliklərin mahiyyətini başa düşmək olmaz. Ancaq xəstəliklərin mahiyyətini və meydana çıxma şəraitini öyrənərək bədən tərbiyəsi və idmanla məşğul olan zaman orqanizmdə baş verə biləcək xəstəliklərin qarşısını almaq imkanı əldə edilir. Xəstəliklərin mahiyyətini düzgün başa düşmək üçün sağlamlığın mahiyyətini dəqiq bilmək vacibdir.
Dostları ilə paylaş: |
