İdman təbabəTİ VƏ GİGİyena

Mikroorqanizmlər
SU
Steril	Su kəməri	Quyu	Çay
Bağırsaq çöpləri	8-365	2-262	Məlumat yoxdur	21-183
Qarın yatalağı törədicisi	6-365	2-93	1,5-107	4-183
Paratif B törədicisi	39-167	27-97	Məlumat yoxdur	Məlumat yoxdur
Dizenteriya törədicisi	2-72	15-27	Məlumat yoxdur	12-92
Xolera vibrionu	3-392	4-28	1-92	0,5-92
Leptospirozlar	16	Məlumat yoxdur	7-75	150-yə qədər
Tulyaremiya törədicisi	3-15	92-yə qədər	12-60	7-91

Belə xəstəliklər sırasında bağırsaq infeksiyalarını (vəba, qarın yatalağı, dizenteriya, paratiflər), tulyaremiyanı, leptospirozları, bruselloz xəstəliyini, infeksion hepatiti, poliomieliti və s. göstərmək olar.

Su, eyni zamanda, bir sıra helmint xəstəlikləri və bağırsaq invaziyalarının yayılmasında mühüm rol oynayır. Bunlara askaridoz, ankilostomotoz, lyamblioz, şistoromator xəstəlikləri misal ola bilər. Bu xəstəliklər çirkli su mənbələrindən su içdikdə, meyvə və tərəvəzi yuduqda, çimdikdə baş verir.

Xəstəlik törədən bakteriyalar su kəmərinə bağlı anbarlardan düşdükdə həmin xəstəliklərin əhali arasında geniş yayılması qorxusu da artır. Ev şəraitində və tarla düşərgələrində suyu saxlayarkən gigiyenik qaydalar göslənilmədikdə və şəxsi gigiyena qaydalarına riayət edilmədikdə də yoluxucu xəstəliklərin su ilə yayılması mümkündür.

Yaşayış binalarında, mədəniyyət, müalicə-profilaktika və uşaq müəssisələrində təsərrüfat - məişət ehtiyaclarını ödəmək, yeyinti məhsulları istehsal etmək və ictimai-iaşə müəssisələrində şəxsi gigiyena üçün istifadə edilən duşxanalarda, hamamlarda, habelə mərkəzləşdirilmiş istilik su sistemlərində əhaliyə verilən su gigiyenik qaydalara cavab verəcək tərkibdə olmalıdır.