İ N F O R M A T İ K A
____________________________________________________________ 281
Birinci iki variantda cari oyuğun yerinə təkcə boş oyuq əlavə edilir, qalan
oyuqlar isə uyğun olaraq sağa və ya aşağı sürüşür.
İxtiyari sütunun enini onun sağ sərhəddinin yerini dəyişməklə idarə etmək
olar. Bundan ötrü mausun oxunu latın hərfləri arasındakı bölgü xəttinin üzərinə
gətirmək lazımdır. Mausun oxu formasını dəyişəcək. Bu zaman mausun sol
düyməsini sıxılmış vəziyyətdə saxlayıb bölgü xəttinin yerini dəyişməklə sütunun
enini artırmaq və ya azaltmaq olar. Yerdə qalan oyuqların eni olduğu kimi qalır
(şəkil 72.).
Şəkil 72. Sütunun eninin dəyişdirilməsi
Sətrin hündürlüyü də eyni qayda ilə dəyişdirilir. Sətrləri göstərən ədədlər
olan oyuğun sərhəddini mausla dəyişmək lazımdır (şəkil 73.).
İ N F O R M A T İ K A
____________________________________________________________
282
Şəkil 73. Sətrin hündürlüyünün dəyişdirilməsi
OYUQLAR QRUPUNUN AYRILMASI
Oyuqların hər biri üçün müxtəlif parametrlər vermək olar, yəni onları
çərçivəyə almaq və ya fonunun rəngini dəyişmək olar. Lakin cədvəldə belə
oyuqların (xanaların) sayı çox olanda hər bir oyuq üçün bu işi ayrıca görmək çox
vaxt aparır. Belə halda oyuqlar qrupunu ayırmaq və bu işi ayrılmış oyuqların
hamısı üçün bir dəfəyə yerinə yetirmək olar. Oyuqlar qrupunu ayırmaq üçün
mausun oxunu ayrılmalı olan oyuqlar qrupunun yuxarı sol küncündəki oyuğa
yerləşdirib, sol düyməni sıxılmış vəziyyətdə saxlayıb, oxu ayrılası oyuqlar
qrupunun aşağı sağ küncündə yerləşən oyuğa gətirib sol düyməni buraxmaq
lazımdır (şəkil 74.).
Ayrılan oyuqlar qrupu cari oyuqda olan kimi çərçivə ilə ayrılır. Eyni vaxtda
bir neçə oyuqlar qrupu ayırmaq olar. Bu halda əvvəlcə birinci oyuqlar qrupunu
yuxarıda şərh edilən qayda ilə ayırmaq, novbəti oyuqlar qruplarını ayıranda isə
klaviaturadakı [Ctrl] düyməsini sıxılmış vəziyyətdə saxlamaq lazımdır.
Sol düyməni latın hərfi yazılan düzbucaqlı üzərində sıxanda bütövlükdə
sütun, sol tərəfdə sətri göstərən ədədlər yazılan düzbucaqlı üzərində sıxanda isə
bütövlükdə sətr ayrılır.
|
