Agar korxonada yuqoridagi jadvalda kelitirilgan bo’limlar yoki ularning tarkibiy tuzilmasi mavjud bo’lmasa, korxonadagi ushbu masala yuzasidan mas’ul bo’lgan shaxslar yoki bo’limlarda talaba amaliyotini o’taydi. Har bir kunda yuqoridagi bo’limlar bo’yicha amalga oshirgan ishlarini o’z kundaligida aks ettirib boradi.
1.3. Amaliyot dasturining mazmuni
Amaliyot davrida amalga oshiriladigan ishlar korxonaning xo’jalik faoliyati, ishlab chiqaradigan mahsuloti va ko’rsatadigan xizmatining turidan kelib chiqib o’zgarishi mumkin.
Korxona bilan umumiy tartibda tanishish va amaliyot rahbarini tayinlash. Bu bo’limda talaba korxonaga amaliyot o’tash uchun tashrif buyuradi va korxonaning umumiy bo’limlari va amaliyot rahbari bilan tanishadi. Korxonadagi asosiy ishlab chiqarish (xizmat ko’rsatish) faoliyati bilan tanishib, o’quv tanishuv amaliyotini amalga oshirishni o’zi uchun alohida tartibda rejalashtirib oladi.
Xomashyo va material resurslar ta’minoti bilan tanishish va tahlil qilish. Bu bo’limda talaba xomashyo va material resurslarning tarkibi, mol yetkazib beruvchilar (kommunal tizim ham kiradi), ular bilan tuzilgan shartnomalar va ularning shartlarini o’rganadi. SHuningdek, xomashyoni izlash va narxlarini kelishish borasida korxona mutaxassislari tomonidan amalga oshiriladigan usullarni o’rganadi va kundaligida aks ettiradi, ta’minot jarayonida qo’llaniladigan me’yoriy-huquqiy xujjatlar bilan tanishadi.
Dostları ilə paylaş: |
