4) ko‘p seriyali intervalli mashq Bu metod boshqa metodlardan farqli holda kamida bir qancha mashg‘ulotlarga mo‘ljallangan. Bu metodda biror bir faoliyat uni dastlab bo‘lib yuborish va so‘ngra qismlar intervalini tugatish hisobiga bosqichmabosqich birlashtirish yo‘li bilan asta-sekin o‘zlashtirib boriladi, ya’ni avval qo‘llanilgan intervallarning vaqti asta-sekin kamayadi va buning natijasida yuklama zichlashadi. Masalan: 800 m masofaga yugurish 3-4 qismga bo‘lib o‘rganiladi. Bunda har bir bo‘lakdan belgilangan natijaga erishish uchun zarur bo‘lgan tezlikda, jumladan, har 100 m 15-16 soniyada yugurib o‘tiladi. Har bir qism orasida dam olishning ma’lum intervali belgilanib, bu interval ish qobiliyatining oshishiga qarab kamayib boradi. Shu bilan masofa qismlari ham birlashib ketadi: I-mashg‘ulot 200 m + 200 m + 200 m + 200 m dam olish 7 daqiqa. II-mashg‘ulot 300 m + 300 m + 300 m, dam olish 7 daqiqa.
Mavzu yuzasidan savollar: 1. Jismoniy tarbiya metodlarini tuzilish asoslari deganda nimani tushunasiz?
2. Ko’rgazmalilikni ta’minlash metodi qanday amalga oshiriladi?
3. Musobaqa metodi aytib bering?
4. Qat’iy tarkiblashtirilgan mashq metodi asosiy maqsad nima?
5. Mashq metodida jismoniy yuklama va dam olishni almashtirish xususiyatlarini tushuntiring?
6. Uzluksiz va yuklama rejimida standart takrorlash metodlarini aytib bering?
7. O’zgaruvchan mashq metodi nima?
8. Kombinatsiyalashtirilgan mashq metodini ijobiy va salbiy ta’siri bormi?
4-5-MAVZU. Harakatlarga o‘rgatish bosqichlarining tuzilish asoslari. O‘rgatish bosqichlarining asosiy yo‘nalishi va xususiyati. Mashgʻulot turi: ma’ruza Mavzu rejasi: 1. Harakat malakalari.
2. O’rgatish bosqichlarining vazifalari va uning metodik xususiyatlari.
3. Chuqurlashtirilgan o’rgatish bosqichi va bosqichning maqsadi.
4. Harakatni bajarishning oliy maqomi.
1. Harakat malakalari Harakatlarga o’rgatish jismoniy tarbiya jarayonining muhim
