Apellyatsiya kengashi quyidagi jihatlarga ko‘ra, suddan ko‘ra afzalliklarga ega hisoblanadi:
- ishlarning tez ko‘rilishi;
- ishlarni ko‘rishda hamda qaror qabul qilishning kollegial ishtiroki;
- to‘lanadigan bojning kamligi;
- ishlarni ko‘rib chiqishga professional yondashuv.
Apellyatsiya kengashi o‘z faoliyatini Vazirlar Mahkamasining 2019-yil 9-oktabrdagi 856-son qarori bilan tasdiqlangan Nizomga asosan amalga oshirib, O‘zbekiston Respublikasi Adliya vazirligining ixtirolar, foydali modellar va sanoat namunalarini, seleksiya yutuqlarini, integral mikrosxemalar topologiyalarini, tovar belgilari, xizmat ko‘rsatish belgilari va tovar kelib chiqqan joy nomlarini huquqiy muhofaza qilish bilan bog‘liq apellyatsiyalarni sudgacha ko‘rib chiquvchi kollegial organi hisoblanadi. Apellyatsiya kengashining faoliyati qarorlar qabul qilishda teng huquqlilik va kollegiallik prinsiplariga asoslanadi.
O‘zbekiston Respublikasining “Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi qonuni
10-moddasiga ko‘ra, 6) qismi va 13) qismi uchinchi xatboshisiga ko‘ra LUSTRA so‘zli tovar belgisiga topshirilgan talabnoma rad etilgan.
Tovar belgilari o‘z xususiyati va ko‘rinishiga ko‘ra quyidagi turlarga bo‘linadi:
- so‘zli;
- tasvirli;
- aralash;
- ovozli;
- hidli;
- gologramali
32-kazus Farg‘ona viloyatida yashovchi A. ismli shaxs O‘zbekiston Respublikasi Adliya vazirligiga o‘zi ekib yetishtirayotgan bug’doyni tovar kelib chiqqan joy nomi sifatida huquqiy muhofazalash maqsadida “O’zgan bug’doyi” nomi bilan talabnoma topshirdi.
Bundan xabar topgan Qirg‘izistonning O‘zgan viloyatida yashovchi B. ismli shaxs Adliya vazirligiga tegishli tartibda murojaat qilib, ushbu nomni ro‘yxatdan o‘tkazmaslikni so‘radi. Bunga sabab sifatida u A. ismli shaxs O‘zgan viloyatida yashamasligini aytdi.
Tovar kelib chiqqan joy nomini huquqiy muhofazadan o‘tkazish tartibi qanday?
