M u n darij a

1-bob. Umumiy qoidalar 
1. Davlat talablari O‘zbekiston Respublikasi hududida mulkchilik shakli va 
idoraviy tasarrufidan qat‘iy nazar, quyidagi ta‘lim muassasalariga qo‘llaniladi: 
davlat maktabgacha ta‘lim muassasalari; 
nodavlat maktabgacha ta‘lim muassasalari; 
maktabgacha yoshdagi guruhlari mavjud bo‘lgan «Mehribonlik» uylari. 
2. Maktabgacha ta‘lim turlari uchun kadrlar tayyorlovchi o‘rta maxsus, kasb-
hunar va oliy ta‘lim muassasalari, maktabgacha ta‘lim turlari bo‘yicha pedagogik 
kadrlarni malakasini oshirish va qayta tayyorlashni amalga oshiradigan muassasalar, 

---

maktabgacha yoshdagi bolalar tarbiya olayotgan oilalar mazkur Davlat talablariga rioya 
qilishlari lozim. 
 
2-bob. Davlat talablarining maqsad, vazifa va asosiy tamoyillari 
3. Davlat talablarida quyidagi asosiy tushunchalardan foydalaniladi: 
maktabgacha ta‘lim — maktabgacha yoshdagi bolalar qiziqishi, iqtidori, 
individual ruhiy va jismoniy xususiyatlari, madaniy ehtiyojlarini inobatga olgan holda 
hamda bolada ma‘naviy me‘yorlarni shakllanishi, hayotiy va ijtimoiy tajriba egallanishini 
ko‘zda tutgan har tomonlama rivojlantirishga qaratilgan yaxlit jarayon; 
rivojlanish — inson tanasi tuzilishi, ruhiyati va xulqida biologik jarayonlar 
hamda atrof muhit ta‘sirida ro‘y beradigan o‘zgarishlar; 
rivojlanish sohasi — bola rivojlanishidagi aniq bir yo‘nalishlar;
kichik soha — sohaning kichik guruhlari. Asosiy sohalarning kichik sohasi 
rivojlanishning ma‘lum bir tomonlarini o‘z ichiga qamrab oladi va ularning aniq bir 
yo‘nalishini ko‘rsatib beradi; 
kutilayotgan natija — bolalarda kutilayotgan bilim, ko‘nikma va malakalar 
ko‘rsatkichi; 
bola kompetentsiyasi — ma‘lum bir yosh davriga xos bo‘lgan vazifalarni 
maqsadli bajarish uchun yetarli bo‘lgan bolaning bilimi, ko‘nikmasi va malakalari hamda 
qadriyatlari;