Kompressorning staninasi va ramasiga xamma ishchi detal va uzellar montaj qilinadi. Rama barcha uzel va konstruksiyalar og‘irligini qabul qiladi. Shuning uchun kompressorning rama va staninalari C418-36 markali cho‘yandan tayyorlanadi.
Kompressorning tirsakli vali elektr motoridan kelayotgan quvvatni uzatib berish uchun xizmat qiladi va aylanma xarakatni ilgarilanma-qayta xarakatga keltiradi. Tirsakli val porshenli kompressorlarning asosiy detallaridan biri bo‘lib xisoblanadi. Val juda yuqori nagruzka ostida ishlaydi. Val yuqori sifatli uglerodli yoki legirlangan po‘latlardan tayyorlanadi. (stal 35 va 45)
Valni tayyorlash jarayoni bolg‘alash, shtampovkalash va undan keyin termik ishlanib ichki kuchlanishlar yo‘qotiladi.
Maxovik esa porshenni yurishini tekislash uchun xizmat qiladi ya’ni valdagi yuklamalar kamaygan vaqtida o‘zida energiyani yig‘ib oladi va yuklama ortgan vaqtida yig‘ilgan energiyani yana qaytaradi. Maxovik asosan cho‘yandan tayyorlanadi. Uni tayyorlashda aylanish o‘qiga nisbatan muvozanat xolati saqlanishi kerak.